عنوان الموضوع : بكالوريا 2015 أحرار، شكون بدا يقرا؟ تحضير بكالوريا
مقدم من طرف منتديات العندليب

بكالوريا 2015 أحرار، شكون بدا يقرا؟

أنا مازال قع ما بديتش ...... عاونونا الله يحفظكم


علابالكم والله جربتها، مكاش قع لي يعاونك ولا يساعدك، تصيب قع الناس تخمم غي على روحها......

شكرا



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا ننصحك. دير برنامج اكتب في ورقة واش تدير في الاسبوع لان الانتظار يولد الكسل. والشعبة صعبة شوية لازم تضمن روحك يعني تقرى في كل وقت في الاخير انا ادب وفلسفة

=========


>>>> الرد الثاني :

الله يسترك خويا، ربي ينجحك إن شاء الله
أنا علوم تجريبية

=========


>>>> الرد الثالث :

بكالوريا 2015 أحرار، شكون بدا يقرا؟

أنا مازال قع ما بديتش ...... عاونونا الله يحفظكم


علابالكم والله جربتها، مكاش قع لي يعاونك ولا يساعدك، تصيب قع الناس تخمم غي على روحها......

شكرا


مزااااال الحال ماديرش في بالك بلي راك متاخر ابدا ليوم قبل غدوا .. الشروع في العمل نصفه .... نظم وقتك دير كل حاجة في مكانها وقت للراحة لتسلية لكلش بصفة عامة و وقت للقرايا و حاول على قد ما تقدر التزم بيه .. يا لوكان كل يوم شوي و مايطيحلكش المورال كون يفوت يوم و ما تقراش عادي ليوم لي بعدو عوض .... قرر باه تبدا خطط ابدا و الى الامام و بربي تنجح ..... المهم لمووورال الجانب النفسي مهم جداااا دير في بالك حاجة وحدة انك قادر ثق في نفسك و ادعي ربي و توكل عليه .. و الله لا يضيع اجر من احسن عملا ... بالتوفيق

=========


>>>> الرد الرابع :

الله يسترك ختي، والله يكثر من مثالك و ينجحك إن شاء الله


=========


>>>> الرد الخامس :

انا بديت البارح

=========


salam ana thani n3addi fi bac libre wrani badya liya smana ghir zayyar rou7ak wabda wach rak tastanna mab9ach l7al kaththar man tamrinat dorka bach matansach fla55ar et mr6


اذا نتنا ماكش حاب تبدا تقرا و تعاون روحك علاش تحوس على الناس يعاونونك ؟ كل واحد يعوم بحرو كيما يقولو تقرا تنجح ماتقراش ماتنجحش

هو حاب يقرا يا ختي و شكون مش حاب ينجح و مش حاب يعاون روحو ..... و وش فيها اذا الناس عاونوه بلاك يشجعوه و يحفزوه ووووووو و يديواجر لانو عاونوه لاشتا بكلمة تفرح ..... او دعوة .... او معلومة ... و هاذي نتاع كل واحد يعوم بحرو كل واحد فينا معرض انو يحتاج شخص يعاونو و هو مطلبش حاجا عيب .... و نتاع تقرا تجيب ماتقراش ماتجيبش .. كون برك بدلتيلها طريقة انو تنصحيه لازم تبدا باه تنجح و تفرح و تفرح والديك ووو تحفزيه .... انا مش ننتقد فيك ولا حاجة برك حبيت نقلك لازم صح نعاونو بعضانا ماناش في مسابقة اكل حابين نفرحو و ش فيها لا فرحنا كامل و دعينا لبعضانا و لي محتاج تحفيز خوه يحفزو ... و لي محناج معلومة يمدها لخوه ...... اصلا هذا هو هدف المنتددى ربي يوفقك ختي و ينجحك و ينجحنا اكل
امييين يا رب العالمين

سلام
انا مازال مبديتش نقرا اصلا ما علاباليش الدروس اللي مانقراهومش في الرياضيات و الفيزياء علم تجريبية لانالكتاب المدرسي واحد عاونوني ربي يعاونكم و الوقت مازال ما فاتش و ان شاء الله السنة نعاونوا بعضانا

انا يا خويا حابة نسقسيك على التسجيلات
انا عندي الباك دوكا كي نجي نعاود نسجل لازملي شهادة مدرسية ولا شهادة النجاح
تعيشو جاوبوني

اخواني انا سجلت احرار واوقفت العام الجامعي
اخواني شكون جاتو البداية صعيبة بزاف
خصوصا مع الدروس الاولى >

hamzagolf6
كيفاش سجلت خويا
قصدي واش حطيت شهادة مدرسية والا شهادة نجاح

هل تم قفل أبواب التسجيل؟ .. لأنني غير مسجلة بعد في بكالوريا الأحرار هل لدي فرصة للتسجيل الآن ؟؟

يتم غلق الموقع يوم 31 اكتوبر



شهادة مدرسية