عنوان الموضوع : سؤال في الرياضيات لتحضير البكالوريا
مقدم من طرف منتديات العندليب

سلام
كيف نجيب على السؤال القائل : بين ان الدالة قابلة للاشتقاق على مجموعة تعريفها ؟
شكرا



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي في رسالتك قلتيلي نشتقو عادي و لكن مطلبش المشتقة
كاين سؤال يجي من بعد يطلب المشتقة
هدا يقولنا اثبت انها تقبل ؟؟؟؟
ردووودكم


=========


>>>> الرد الثاني :

اعطيني الدالة نشوفها

=========


>>>> الرد الثالث :

ياه حتى انت راح تعاودي ؟؟
ان شاء الله السنة نحققو احلامنا
اختي كاين طريقتين اما انك تحسبي نهاية النسبة تلقايها عدد هذا بالنسبة للدالة فروع و جذر وقيمة مطلقة بقيم اكبر و اصغر عند الرابط او الجذر
اما بالنسبة للدوال الاعتيادية نسمي الدالة فقط ومجالها ونقول انها قابلة للاشتقاق (هذي مبرهنة )

=========


>>>> الرد الرابع :

بالنسبة لواش راكي تهدري هذيك عند قيمة ما ، اما هي تريد مجال كامل ..

-----------------------------------------------------

اذا كانت الدالة تاعك عبارة عن مجموع مثلا x+e^x

نقولو لدينا الدالة x-->x قابلة للاشتقاق على R ( مبرهنة)

الدالة x-->e^x قابلة للاشتقاق على R ( مبرهنة)

و منه الدالة f هي مجموع دالتتين قابلتين للاشتقاق على R ، اي f قابلة للاشتقاق على R

=========


>>>> الرد الخامس :

تثبتي قابلية الاشتقاق بحساب نسبة التزايد


=========


ايه بنسبة التزايد يا اختي،، والي قريناها بطريقتين بال h ولا بال x
مي عند قيمة اما مجال الله اعلم
ان شاء الله نلقاو الحل
مي ختي ممكن تحطي التمرين نستفادو منو كامل


هي دالة ناطقة
و لكن السؤال لحساب المشتقة وحدو منفصل و دراسة قابلية الاشتقاق عند عدد وحدو منفصل موش نفس الاجابة
سامحوني مقدرتش نحط صورة

نبرهـــن كالتالي ،،
ان مجموع و جداء و قسمة دوال قابلة للاشتقاق هي دالة قابلة للاشتقاق على كل مجال مفتوح من مجموعة تعريفـــها

و إذا وددت البرهان عن قابلية الاشتقاق عند نقطة يمكن استعمال التعريف ~~

بالتوفيق

المشاركة الأصلية كتبت بواسطة ايه الرحمان
ياه حتى انت راح تعاودي ؟؟
ان شاء الله السنة نحققو احلامنا
اختي كاين طريقتين اما انك تحسبي نهاية النسبة تلقايها عدد هذا بالنسبة للدالة فروع و جذر وقيمة مطلقة بقيم اكبر و اصغر عند الرابط او الجذر
اما بالنسبة للدوال الاعتيادية نسمي الدالة فقط ومجالها ونقول انها قابلة للاشتقاق (هذي مبرهنة )

آمين اختي راني ديت الباك و راني حابة نجيب واحد خلاف ممتاز ان شاء الله