عنوان الموضوع : مشكل كبييييييييييييييير مع مادة الفيزياء للثالثة ثانوي
مقدم من طرف منتديات العندليب

السلام عليكم اخواني و اخواتي
انا عندي مشكل كبير مع مادة الفيزياء
اسنادتنا في التانوية الله يسامحها
كارثة طبيعية باتم معنى الكلمة
لكن راني ندير دروس خصوصية هكداك و ما رانيش خاسة روحي مليحة
نفهم الدرس لكن كي نروح نحل تمارين يجوني صعاب
خاصة في الاختبارات جامي جبت المعدل في هده المادة ملي دخلت للتانوية
و راني حاسة هاد المادة رايحة تهردني فالباك
و على جالها ما نجيبش المعدل الكافي باش نروح صيدلة



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم اخيتي :

بالنسبة لمشكلتك لا أظن انها مستعصية و لها حل ان شاء الله :

اولا : حاولي طرد فكرة انّ الفيزياء مادة صعبة و انك لا تستطيعين التفوق فيها
ثانيا: حاولي حل تمارين قدر الامكان سواء قبل الفرض او الاختبار (تعودي على الحل المستمر) فانا حسب رايي غالبا ما يحتوي كل تمرين على فكرة معينة لذلك الحل المستمر يُكسبك افكار حول كيفية حل التمارين و خاصة أعني التمارين المحلولة (طبعا مع مراعاة بذل الجهد للحل قبل الاطلاع على الحل ... ) .......فهذه تجربتي و قد افادتني كثييييراا
ثالثا : حاولي استغلال الدروس الخصوصية احسن استغلال و لا تهملي دروس القسم حتى لو كانت الاستاذة كارثة ( و انا اكثر وحدة تعرف هده المعاناة.)
فصديقتي المقربة مثلا كانت مثل حالتك تماما و عمرها ما تحصلت على المعدل في الفيزياء لكن بعدما اصبحت تحل التمارين باستمرار حتى راحتلها عقدة الفيزياء (تخيل كانت تشبع البكاء كي تبدا تراجع فيها و الا تحل تمارين و تلقاهم صعاب ) لكن الحمد لله الان تحسنت و هذه نصائحي التي قدمتها لها من قبل و الان اقدمها لك و ان شاء الله تصرالك كيما هي و احسن بكثييير ........

و ما تنسايش كل حاجة صعيبة تصبح في المتناول اذا ما كانت لنا الارادة الكافية لفعل ذلك .....

و بالتوفييييييق ان شاء الله ........................

=========


>>>> الرد الثاني :

بارك الله فيك اختي
والله ما علابالي علاش
كول ما ندير كوراج نراجعها
نصيب روحي مبحرة كتر فيها
و ما نقدرش نراجعها وحدي
كل ما نحصل في حاجة نبكي و نفقد الامل
و الاصدقاء تاع دوك قاع نفسي نفسي واحد ما يعاونك فالقراية
ااااااااااااااااااااااااااااا رايحة نهبل

=========


>>>> الرد الثالث :

و فيك بارك الرحمن حنونتي
هذه هي القراية لازم تبذلي كل مجهودك و الحاجة اذا اعطيتها حقها تعطيك

لذلك ابأدي اوّل خطوة هي التغلب على نفسك
و حاولي تحفزي نفسك أكثر و هذا مثلا : اجلسي في مكان مريح و هادئ (ما يشغلك والو) حط في راسك باللي الحاجة حتى لو كانت صعيبة تبدا درجة درجة و بابسط الاشياء و اذا أخطاتي في البداية فهذا مش معناه نهاية الدنيا و انك ما تفهم والو بالعكس و الله كي تتعودي من بعد تولي تلقى حوايج اللي غلطت فيها ما تعاودهاش ........فالقضية هي قضية تعود .......و اذا وجدتي مثلا زملائك يقراو جماعة ما تتردديش و انضم ليهم فهذا يعاون بزااف و الحاجة اللي تجيك صعيبة سقسي عليها

ما تخافيش حط في راسك بللي تقدري و ان شاء الله تخدمها .........و ما تنسايش القرب من الله هو السبب الرئيسي لاي نجاح مهما كان ..........و بالتوفييييييييق imymene




=========


>>>> الرد الرابع :

بارك الله فيك والله طلعتيلي المورال

=========


>>>> الرد الخامس :

انا لدي نفس المشكلة مع الفيزياء لكن من اليوم سابدا العمل بنصيحتك
يا رب وفقنا في شهادة البكالوريا

=========


توكلي على ربي و ان شاء الله تكون متخلصة من هذا المشكل


انا نعاني في الماااااااااااااااث راح نهبل

من الآن ساعمل بنصيحتك
و ان شاء الله كل ندوا الباك و نفرحو

طريـــــــقة : إحضار مطويات وكل ما تقرأ قانون حل تمرين عليه

اذا اردت فانك تستطيع رحلة الالف ميل تبدأ بخطوة
اقسم بالله العلي العظيم ماكان مادة اسهل من الفيزياء الى درجة اني في الرياضيات اقترب من دخول عالم غينيس في الاصفار فانا في العام الرابع على التوالي مافتش النقطة واحد ناهيك عن الباكالوريا التي تحصلت على علامة 0.5 /20 ومع ذلك ادرس الفيزياء بشكل جيد واحاول في الرياضيات
عدم استصغار النفس الطريق الى النجاح
وفقكم الله وثبت خطاكم