عنوان الموضوع : •◄ هـــــــام لجماعة التسيير والإقتصاد ►• بكالوريا ادبي
مقدم من طرف منتديات العندليب

السلام عليكم يا جماعة التسيير والإقتصاد ، قبل كل شئ ، نقولهالكم من القلب ، إن شاء الله يا رب، نجّح جميع من يقرا في هاذ الموضوع ، أسأل الله أن يوفقنا جميعا في مبتغانا ومسعانا ولي هو النجاح في البكالوريا .. يا رب تكون نسبة نجاح كبيرة ( قولو آمين )
أولا ، راني شويا قلقان منكم يا جماعة التسيير ، عندي وحد 15 يوم وأنا هنا،،لاحظت أنه ما فيه لا تواصل ، لا تنسيق ، لا حيوية ، كي شغل ما راكمش تحضرو للباك،، لما هاذ التكاسل ؟ أنا نعرف إنسان رايح يعقب الباك ، وبالخصوص باك في شعبتنا ،، تلقاه يجري ويحوّس كاشما يلقى تمارين جدد مفيدة ،، يعاون أيضا باش يُعان هو أيضا ؛ ولكن هنا ، ما كاين والو ،، فهموني برك ، عندكم des sujets واجدين في دياركم ؟؟؟ عنكم كتب ؟؟ هل أنتم مكتفين بذلك ؟؟ صدقوني ،، المواضيع لي راهي في مغنية مثلا ،، ما تلقاهاش لا في الجلفة ، لا في قسنطينة لا في حتى بلاصة خلاف ،، لذلك يا جماعة حبيت نقولكم ،، تبادلو المواضيع لي عندكم ، تناقشو في الأمور لي درستوها ،، حاولو تتعرفو على البرامج تاع المدن الأخرى ،pارتاجيو الشي لي تقدرو عليه ، وربي راهو يخلفلكم أعمالكم الصالحة بالِضعف ؛ يا جماعة كفاكم تكاسلا ، وقومو بهاذ الشعبة ، فيه ناس محتاجة لمساعدتكم ، فمن فضلكم ، كونو كرماء ولو لفترة ،، ياو والله ، كون تعاون جماعة ذركا ، في المستقبل يعاونوك وحايد خلاف بإذن الله ؛ يا جماعة هذه الشعبة محتاجة لتظافر الجهود ، محتاجة لناس عندها شخصية ، ناس عندهم القلب ، ناس كما يقولو عندها : Le sens du devoir et du sacrifice (الواجب والتضحية)، لازمنا يا جماعة نتضامنو مع بعض ، لازمنا نتاحدو ،و نكونو قدوة حسنة للجيل لي جاي ،، لازمهم يلقاو مواضيع مهمة ومفيدة ، لا يلقاو فراغ مخلف من أشخاص باردة قلوبها ، إحتكرت جميع معلوماتها لنفسها ، يا جماعة
الله يحفظكم ، كونو معانا ، نتشاورو مع بعض ، ونفيد بعضنا البعض ، ما تكونوش من الناس لي ، يجيو يدخلو ، يشوفو كاشما كاين جديد ، ويخرجو ، وحتى ولو يلقاو لجديد ، ما يقولوش حتى كلمة بارك الله فيك ؛ من فضلكم ما تكونوش هك ،، إذا تفتشو على لجديد ، لازمكم أنتم بعدا تنشأو لجديد ،، إنتا دير حاجة ، ولوخر يقول، أنا تاني والله ندير حاجة ويروح يحطلنا حاجة جديدة ، وهكذا ،، نستفادو جميعا ... إن شاء الله تكونو فهمتو قصدي .. اعلمو بلي راكم ماش وحدكم هنا كما تعتقدون ، سأوافيكم ببعض الأسماء تاع أعضاء هنا في هذه الشعبة ... ذرك تعرفو بلي راكم في عرش ، ماكمش تبانو خاطر ماكمش تجتهدو ، والباك راهو لازملو الإجتهاد في جميع النواحي .


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شوفو معايا ، قائمة لبعض أسماء أعضاءdjelfa لي رايحا تفوت الباك تسيير :

23anouar23 / صفا الروح ايمانوو / a-maya / asouma18 / semsoumacsc / Ziassia / Salemm / lawano / jiji26 / هدى
dz/ هدى* / Ayadday17200

asma2012 / pumma-19 / BLIED / zakidaya / lamtar / pipe dz / hamada2010 / الاصلي / riyadh@cabba / أم أحمد / mostafa27250 / kareena01 / selsabil paradis / saisa / mourad19 / Ahmed-SmK / janou / sahraoui34 / MOHA48 / l
laouni2009 / azol / عاشق الصمت / pipa.ram6 / zerrouki fatima / ريمة14 / ka_ak1000 / سارة التلمسانية / farid ba /
hamid lol / روفا / titanic_1912 / sokyo / sohaibTHEking / karim h / الباشق / azize17 / naslect / jesse-hunter /
soso smile / ابن بلال / kacem 47 / 4nani16 / حنان خديجة / noui11 / نور الضحى / slamani / قلم فتاة تبسية /
disney / nass13om / amineabed / fatisi2

ملاحظة : ممكن نكون غالط في عضو وإلا زوج

=========


>>>> الرد الثاني :

يعني قائمة لاباس بيها ، لو يكون هناك تظافر في الجهود ، ممكن نستفادو مليح من بعضانا وإن شاء الله يكون النجاح لي جميع من ذكرتهم والبقية ،، أرواحو معانا ، بينوو وجودكم معنا ، لي ماعندهمش عضويات ويجيو يشوفو برك ،، إن شاء الله يسجلو رواحهم ويجيو يفيدوا ويستفادو .. بربي إن شاء الله نديوه الباك ، كامل ،، هيا سجلو أساميكم معانا ، وأحضرو معانا ولو بكلمة

=========


>>>> الرد الثالث :

وأنا لاحظت هذا الشئ و شكرا على الموصوع ونتمنى من هنا ورايح يكون في تواصل اكثر لكل الأعضاء ش التسيير

=========


>>>> الرد الرابع :

بارك الله فيك الاخ تعالو لكي نتعاون على المواضيع الجديدة وانا معكم

=========


>>>> الرد الخامس :

السلام عليكم
اوافقك الراي اخي
انا ايضا وضعت اكثر من من موضوع ابحت فيه عن دروس ولكن لم اجد احد يساعدني خصوصا من الطلاب الدين يدروسون مع العلم انا ساجتاز البكالوريا هدا العام حر
و انشاء الله ان وجدت الجديد من درووس او تمارينات او كتب ساضعها في المنتدى حتى ينتفع به الجميع

=========


kareena01 ; moussaouallabi ; OUDINI

يعطيكم الصحة على التفاعل ، ربي يجازيكم على حسن نياتكم

صدقوني،، رانا كامل نستفادو لو نديرو هاذ المنتدى كحلقة للتواصل فيما بيننا ،
بإذن الله ، سيكون الأمركذلك ، وبربي إن شاء الله تكون عندنا عقلية أسرية مابيناتنا ، حد ما يبخل حد

بارك الله فيكم ، وبالتوفيق للجميع


شكرا سيدي حقيقة الله يبارك فيك و في اخلاقك العلية
اما انا فدائما في انتظار جديدكم لانني بحاجة ماسة اليكم شكرا للتواصل

شكرا لك خيي كونفاكشن على الحماس ان شاء الله يتشجع كل طالب وطالبة لدراسة ووضع ما توفر لهم من حوليات وتمارين انا ان شاء الله عن قريب احاول اضع لكم الاختبار الاول بالمحاسبة من ثانويتي ربنا يبارك فيك ويجعلك من الناجحين جزاك الله خيرا خيو انا اتكلوا علي بالتاريخ والجغرافيا اليوم وضعت لكم الجزء الاول من المراجعة (:

المشاركة الأصلية كتبت بواسطة صفا الروح ايمانوو
شكرا لك خيي كونفاكشن على الحماس ان شاء الله يتشجع كل طالب وطالبة لدراسة ووضع ما توفر لهم من حوليات وتمارين انا ان شاء الله عن قريب احاول اضع لكم الاختبار الاول بالمحاسبة من ثانويتي ربنا يبارك فيك ويجعلك من الناجحين جزاك الله خيرا خيو انا اتكلوا علي بالتاريخ والجغرافيا اليوم وضعت لكم الجزء الاول من المراجعة (:





هههه هذا أعتقد كان أول موضوع لي هنا ، كنت متحمس نهارها ، كيما يقولك الشمعة شي ما يطفيها إذا كانت محاطة جيدا ، وأنا والحمد حماسي زاد لأنني محاط بخيار الناس ، وأساتذة في القمة ، وجو أخوي رائع ، كل الأمور تخلي الإنسان يرتاح ويقدم كل ما في وسعو للمساعدة ... الحمد لله على كل شئ ... إن شاء الله يا ربي ننجحو كامل

المشاركة الأصلية كتبت بواسطة ام احمد
شكرا سيدي حقيقة الله يبارك فيك و في اخلاقك العلية
اما انا فدائما في انتظار جديدكم لانني بحاجة ماسة اليكم شكرا للتواصل


صدقيني ام احمد ، راكي ديما في بالي ، لأنني سبق لي وأن مريت بنفس وضعيتك ، وأعرف تماما الشي لي راكي مفوتتو ، إن شاء الله يا ربي تلقاي مع من تدرسي .. والله ستكون خير بداية لكي ... أسأل الله أن يوفقكي ، ربي ينجحك يا رب

السلام .
عليكم بتنظيم الوقت للمراجعة واجعلوا يوم او يومان من اجل النقاش في النتدى