عنوان الموضوع : جديد المحجبات لصيف 2016 ازياء موضة
مقدم من طرف منتديات العندليب

جديد المحجبات لصيف 2016





أزياء صيف 2016 للمحجبات مع مصممة بيت أزياء "رهف وكنزي"، " "نعمية كامل"





ما جديد "نعمية كامل" لصيف 2016؟
"البنشو" –بلوزة من الشيفون أو الحرير على شكل فراشة يلبس تحتها بادي– وهو يجمع بين الأناقة والاحتشام وقريب من فكرة العباية بس على مودرن.... الصيف ده صيف الألوان والإكسسوار والإيشاربات الجميلة.. أنا هدفي إرضاء البنت المصرية العادية البسيطة اللي ميزانيتها محدودة.. أحاول مساعدتها في اختيار ملابسها وإكسسوارها بما يتناسب مع إمكانياتها.. المهم تبقى بنت محجبة أنيقة ومحتشمة.



ازاي البنت المحجبة تختار جينز مناسب ويكون في نفس الوقت حشمة؟
مهم يكون بنطلون البنت المحجبة واسع شوية.. طبعا البنت القصيرة النحيفة صعب تلبس واسع قوي، ممكن تختار بنطلون ضيق من فوق ونازل على واسع بسيط لكن المليانة فتختار بنطلون تكون رجليه واسعة شوية، يعني يبقى قريب من "الشارلستون".. النهارده فيه جينز مخصوص للمحجبات وسهل الحصول عليه.



وإيه أنسب موديل للبنت الممتلئة؟
مناسب لها جدا الجيبات والابتعاد عن الفواتح وتهتم بالألوان الغامقة والموضة في نفس الوقت، زي البني في الأزرق أو في الأورنج، ولو هتلبس بنطلون تتجنب تلبس عليه حاجة تخلي شكلها تخين.. ممكن تلبس "البنشو" لكن غامق وفيه وردة حمراء أو أورنج أو فوشيا



وإيه الجديد في الإكسسوارات وخاصة للمحجبات؟
الإكسسوار قطعة مهمة جدا وبتغير من شكل اللبس وحتى لو عندك لبس قديم شوية ممكن تجدديه بالإكسسوار.. من حبي في الإكسسوار بانفذ إكسسورات خاصة مع تصميماتي.
أما بالنسبة للإكسسوار الموضة فهو العقد الطويل جدا والبنت تلفه أدوار على رقبتها.. النهارده ممكن العقد يوصل للركبة وموضة جدا...
نصيحتي للبنت النحيفة تلبس عقد بسيط لكن المليانة شوية تكبر الإكسسوار لأنه بيشتت الانتباه بعيدا عن جسمها الممتلئ..
من الخامات المستخدمة في عقود الكريستال والأحجار الملونة والخرز..

الاحزمة كمان موضة.. الإكسسورات الموضة الذهبي والفضي منها وكل فساتين الصيف ده فيها مكان لوضع الحزام.. لكن بالطبع البنت المليانة لا يفضل أن تلبس حزام..



نصيحتك للبنت المحجبة؟
نفسي البنت المحجبة تكون مقتنعة إن لبسها للحجاب عشان ربنا بمعنى إنها تخلص النية في هذا العمل عشان جمالها الداخلي ينعكس على وجهها.



دمتم بكل حب

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يسلمووووووووووووووووووو
يالغلااااااااااااااااااااا
صور حلوه مره












يارااااااااا

__________________________________________________ __________

>>>> الرد الثاني :

جميل جدا وراقى
ولكن لا يصلح لخارج البيت

__________________________________________________ __________

>>>> الرد الثالث :

كثير حلوين و روعه للمحجبات ..

الف شكر لج يالغالية على المشاركة الروعه .. و ننتظر المزيد من مشاركاتك ..

__________________________________________________ __________

>>>> الرد الرابع :

تسلمي حبيبتي يارا علي مرورك الحلو

__________________________________________________ __________

>>>> الرد الخامس :

المشاركة الأصلية كتبت بواسطة ##هدى##
جميل جدا وراقى
ولكن لا يصلح لخارج البيت

اشكرك علي ردك