عنوان الموضوع : رايكم يهمني وقد يحدد مصيري دعوة لكل عضو اعلانات التوظيف
مقدم من طرف منتديات العندليب

اريد ان استشيركم يا اخواني انا اخترت مدرسة عليا للاساتدة فرنسية و حسيت شوية بالندم وبنسبة كبيرة رايحين يمدوهالي انا خممت قلت منروحش ندير الاختبار الشفوي باش يعطوني الرغبة الثانية و هي جراحة اسنان
لكن انا خايفة نندم في يوم من الايام في وقت لا ينفع فيه الندم يعني في المدرسة العليا الخدمة مضمونة

ما رايكم اخواني



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا بنصحك باللغة الفرنسية و كما تحب و صح فطورك

=========


>>>> الرد الثاني :

المشاركة الأصلية كتبت بواسطة المربوني
انا بنصحك باللغة الفرنسية و كما تحب و صح فطورك

le même probléme que toi ! ana j'ai fais: 1-architecture (blida)...........2-prof français lycée (bouzéréah).....mais manich bzef habetha! lah yej3al lkhir !
li jabha rebby marhba biha !
saha ftourék bye

=========


>>>> الرد الثالث :

صح رمضااااانك اختي
والله والله لا داعي للندم صدقيني اختياااارك جد موفق الفرنسية احسن حل في بلادنا اذا رانا نهدرو على الخدمة ضرك 5 سنين تخلصي تلقاي خدمتك وانتي متهنية انا نتمنى يعطوهالك و اكي تعودي متروحيش و ما تحكميها لا هك لا هك و صح فطووورك

=========


>>>> الرد الرابع :

المدرسة العليا الخدمة مضمونة واذا رحتي جراحة اسنان اين ستفتحي العيادة الخاصة بكي وراكي تعرفي البلاد كيفاه دايرة

=========


>>>> الرد الخامس :

ولله حابة نقرى جراحة اسنان بصح الخدمة مكانش في ميلة لي دونتيست قاع اميخدمو بري اومبلوا و من جهة محباش نولي استادة
ولله راني حايرة

=========


أختي إذا شفتي روحك متمكنة من الفرنسية غير اطلبي ربي يقبلوك فيها لأنك تقراي وخدمتك مضمونة ، إلا إذا كنتي حابة تقراي طب الأسنان وماشي مقتنعة بالمدرسة العليا هنا حاجة أخرى


مدرسة عليا حاجة مليحة
لكن ادا مكنتيش تهتمي بالمادة وحاسة ماتقدريش تكملي فيها ما تروحيش للمقابلة لكن أختي لازم تكوني متأكدة بلي المعدل ديالك يعطيلك جراحة الاسنان
بالتوفيق

لا بربي انشالله معدلي يفوت معدل جراحة اسنان عندي 15.99
لكن من جهة الانسان يخمم على المستقبل

اختي انا حسب رايي ديري جراحة اسنان خاليك من مدرسة عليا بالاك تكملي قرايتك في الخارج خيير من التدريس
انا هادا هو رايي و نقولك حاجة تبعي واش حابة بزاااف

اذا كنت مليحة فالفرونسي غير ديريها خير من جراحة اسنان يعني الخدمة مضمونة و هذا هو الهدف و الله اعلم

اختيار فور ختي يكدبوا عليك
مدرسة عليا وفرونسي مليحة بزاف

انا نقلك اختيار جد موفق و ايضا احسن مكان للمراة في الجزائر هو التعليم

المشاركة الأصلية كتبت بواسطة rimayeva
اريد ان استشيركم يا اخواني انا اخترت مدرسة عليا للاساتدة فرنسية و حسيت شوية بالندم وبنسبة كبيرة رايحين يمدوهالي انا خممت قلت منروحش ندير الاختبار الشفوي باش يعطوني الرغبة الثانية و هي جراحة اسنان
لكن انا خايفة نندم في يوم من الايام في وقت لا ينفع فيه الندم يعني في المدرسة العليا الخدمة مضمونة

ما رايكم اخواني

اي مدرسة عليا اخترتي تعليم ثانوي ولا متوسط ولا ابتدائي


و شحال المعدل