عنوان الموضوع : مساعدة من من وجهوهم طب اسنان قسنطينة
مقدم من طرف منتديات العندليب

السلام عليكم و صح رمضانكم
الحمد لله وجهوني طب اسنان رغبتي 1
حبيت نسقسي وقتاش التسجيل و وين ؟ و الوثائق اللازمة
و شكرا



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مع العلم انهم ارسلوني لجامعة قسنطينة 3 (وين جايا هادي لول)

=========


>>>> الرد الثاني :

السلامـ عليــــــــــــكم .. /
أهلا خويا .. الحمد لله صبت واحد دكتور في طب الاسنان في جامعة قسنطينة 3 ... خاطراش انا تاني بعثوني لتما .. و كانت هي رغبتي الأولى ..
ممممم.. بالنسبة للتسجيل .. يبدى من 26 جويلية .. حتى 30 جويلية .. أظـــــــن ..
الوثائق اللازمـــــــــة حوس في المنتدى خاطراش كاين مواضيع بزااف .. تدل على الوثائق ..
بالنسبة لجامعة قسنطينة 3 .. هذي 3 تقدر تقول ما عندها حتى معنى ...
شوف خويا بالنسبة للإقامة فهي إقامة منتوري .. كيما لافاكـ ... و نسكنو مع لي ميدسين و لي فارماصي تاني .. كامل مع بعض .. ( خلات علينا دركـ نتعقدو ..هههه.. بيناتنا آه ) .
بالنسبة لمكان الدراسة فهو في الفوبور .. كلية صغيرة جاية منين المستشفى .. نقراو مع لي فارماصي ..
مكان التسجيل ماشي في لافاكـ و إنما في الشالي .. منين يقراو لي ميدسين ...
نتمنى تكون فهـــــــــــــمت ... ++ نقدر نعرف أنتَ من أي ولاية ؟؟ و شحال جبت المعدل في البااك؟ـ ؟؟؟؟؟
بالتوفيق أخي الكريمـ

=========


>>>> الرد الثالث :

اهلا اخي ليستوما صحا فطورك معلابالكش وين هي اقامة تاع لبنات في نحاس و لا لخروب؟
+انا نهارالخميش انشالله رايحة نسجل

=========


>>>> الرد الرابع :

شكرا خويا
انا محمد انا من قالمة لكن ساكن في قسنطينة
المعدل 15.37
متشرفين خويا , و وعلاه نتعقدو منهم ؟؟ بيناتنا خخخخ

=========


>>>> الرد الخامس :

لالا ماشي نتعقدو منهم و انما هوما شايفين روحك زعما هوما دكاترة و احنا اطباء اسنان

=========


المشاركة الأصلية كتبت بواسطة listoma
السلامـ عليــــــــــــكم .. /
أهلا خويا .. الحمد لله صبت واحد دكتور في طب الاسنان في جامعة قسنطينة 3 ... خاطراش انا تاني بعثوني لتما .. و كانت هي رغبتي الأولى ..
ممممم.. بالنسبة للتسجيل .. يبدى من 26 جويلية .. حتى 30 جويلية .. أظـــــــن ..
الوثائق اللازمـــــــــة حوس في المنتدى خاطراش كاين مواضيع بزااف .. تدل على الوثائق ..
بالنسبة لجامعة قسنطينة 3 .. هذي 3 تقدر تقول ما عندها حتى معنى ...
شوف خويا بالنسبة للإقامة فهي إقامة منتوري .. كيما لافاكـ ... و نسكنو مع لي ميدسين و لي فارماصي تاني .. كامل مع بعض .. ( خلات علينا دركـ نتعقدو ..هههه.. بيناتنا آه ) .
بالنسبة لمكان الدراسة فهو في الفوبور .. كلية صغيرة جاية منين المستشفى .. نقراو مع لي فارماصي ..
مكان التسجيل ماشي في لافاكـ و إنما في الشالي .. منين يقراو لي ميدسين ...
نتمنى تكون فهـــــــــــــمت ... ++ نقدر نعرف أنتَ من أي ولاية ؟؟ و شحال جبت المعدل في البااك؟ـ ؟؟؟؟؟
بالتوفيق أخي الكريمـ


مرحبا أخي فاروق بالظاهرة راح نقراو مع بعض هاذ العام انا ثاني درت chir-dent و كانت رغبتي الاولى بالنسبة لمكان التسجيل راني شاكة فيه يا الشالي يا nouvelle اما مكان الدراسة و الاقامة بالظاهرة nouvelle لانك اذا حوست فالانترنت على جامعة قسنطينة 3 راح تلقاها nouvelle الله اعلم


المشاركة الأصلية كتبت بواسطة orchid_girl
مرحبا أخي فاروق بالظاهرة راح نقراو مع بعض هاذ العام انا ثاني درت chir-dent و كانت رغبتي الاولى بالنسبة لمكان التسجيل راني شاكة فيه يا الشالي يا nouvelle اما مكان الدراسة و الاقامة بالظاهرة nouvelle لانك اذا حوست فالانترنت على جامعة قسنطينة 3 راح تلقاها nouvelle الله اعلم


سلام ،، حتى انا نقرا معاكم ،، ودرك في رايكم نروحوا للشالي و لا النوفال ؟؟ خاطكش العوام اللي فاتوا موالفين في الشالي !

حيروني ! نضيعوا الوقت كامل من بلاصة لبلاصة بش نلقاو برك وين نسجلو


المشاركة الأصلية كتبت بواسطة *Black Poisen*
سلام ،، حتى انا نقرا معاكم ،، ودرك في رايكم نروحوا للشالي و لا النوفال ؟؟ خاطكش العوام اللي فاتوا موالفين في الشالي !


حيروني ! نضيعوا الوقت كامل من بلاصة لبلاصة بش نلقاو برك وين نسجلو

مرحبا أختي هاذا وان كنت نشوف les articles des journaux في الانترنت و لقيت النوفال تتحل في سبتمبر يعني راح نسجلو فالشالي

حتى انا سمعت بلي التسجيل في الشالي
راني غدوا ان شاء الله نهبط نسقسي و نشوف لاكان في الشالي ولا nouvelle ville
غدوا ان شاء الله نردلكم الخبر
و بالنسبة للقراية قالو nouvelle صح ولا لا ؟؟

المشاركة الأصلية كتبت بواسطة jdghjghjgh
حتى انا سمعت بلي التسجيل في الشالي
راني غدوا ان شاء الله نهبط نسقسي و نشوف لاكان في الشالي ولا nouvelle ville
غدوا ان شاء الله نردلكم الخبر
و بالنسبة للقراية قالو nouvelle صح ولا لا ؟؟


بارك الله فيك خويا ،، وماتنساش تردلنا الخبر


المشاركة الأصلية كتبت بواسطة jdghjghjgh
السلام عليكم و صح رمضانكم

الحمد لله وجهوني طب اسنان رغبتي 1
حبيت نسقسي وقتاش التسجيل و وين ؟ و الوثائق اللازمة

و شكرا

مرحبا أخي كنت نشوف في المنتدي هاذا وان لقيت الوثائق في أحد المواضيع و هي تتمثل في



- التسجيل النهائي : بعد أن يحصل الطالب على التوجيه حسب رغبته أو حسب ما يمكن أن يوجه له، يقدم ملفا كاملا، على مستوى مكتب شؤون الطلبة، ضمن الآجال المحددة في المنشور الوزاري :
• شهادة البكالوريا الأصلية
• نسخة من شهادة البكالوريا مصادق عليها
• إستمارة التوجيه
• نسخة من بطاقة التعريف الوطنية (أو شهادة الجنسية)
• شهادة ميلاد
• صور شمسية (06)
• حوالة بريدية لحقوق التسجيل 200.00 دج (+ نسخة من الحوالة)
- التسجيل البيداغوجي: بعد القيام بإجراءات التسجيل الإداري، يلتزم الطالب الجديد بالتسجيل البيداغوجي على مستوى مصلحة
البيداغوجية بالكلية قبل 01 أكتوبر من السنة الجامعية، هذا الملف مكون من :
• نسخة من شهادة البكالوريا
• شهادة ميلاد
• صور شمسية (02)
• لشهادة الأصلية للتسجيل الإداري بالجامعة
- ملف السكن : يودع ملف السكن على مستوى مديرية الخدمات الجامعية، ويتكون من :
• شهادة التسجيل بالمعهد (طبق الأصل)
• شهادة البكالوريا أو نسخة طبق الأصل
• شهادة الإقامة للوالدين
• شهادة الميلاد
• شهادتان طبيتان واحدة للطب العام وأخرى صدرية



• خمسة صور شمسية غير مستعملة
• ثلاثة أظرفة معنونة وتحمل طابع بريدي
ملف المنحة : يودع ملف المنحة على مستوى مديرية الخدمات الجامعية، ويتكون من :
• شهادة التسجيل (طبق الأصل)
• نسخة (طبق الأصل) لشهادة البكالوريا
• شهادة ميلاد
• صورتان شمسيتان
• ظرفان بريديان ويحملان طابع بريدي
• شهادة من المداخيل غير الواردة في إطار الأجور
• كشف المرتبات أو شهادة عدم عمل للوالدين أو واحدة منهما
• صك بريدي مشطوب




بالنسبة للدراسة هاذ العام راح تكون فالنوفال على حسب واش فهمت لكن حنا نستناو التأكيد من عندك أخي

كابنة حاجة خلاف ، هداك التعهد الابوي و التعهد بعدم التسجيل ببكالويا ثانية نحتاجوهم ؟؟

and don't forget about us brother , plz

روحو سجلو في العنوان لي كتبولكم في السيت تاع التوجيه اي كاينة مكان التسجيل
بالتوفيييييييييييييييييق وعذرا على التدخل رغم اني لن ادرس معكم
صحا فطوركم