عنوان الموضوع : حسب جريدة الشروق
مقدم من طرف منتديات العندليب

السلام عليكم ورحمة الله تعالى وبركاته

حسب ما ورد في جريدة الشروق : 90 بالمئة من الحائزين على شهادة البكالوربا وجهوا إلى تخصصات منبوذة.

أي أن 10 بالمئة المتبقيين تحصلوا على تخصصات جيدة إلى حد ما

عدد الناجحين في بكالوريا 2015 وصل إلى : 171397

أي يبلغ عدد هؤلاء ال10 بالمئة : 17140

ولدينا: عدد المتحصلين على :

تقدير ممتاز : 5
تقدير جيد جدا : حوالي 1200
تقدير جيد : حوالي 9900

المجموع بالتقريب: 11105

أي أن المتحصلين على 14 فما فوق لهم حظوظ كبيرة في تخصصات جيدة مقارنة بالسنة الماضية (المهم تخصصات غير منبوذة )

أحسن من السنة الماضية أحسن ما منح لنا هو معلم ابتدائي

وكذا الحائزين ربما على 13.5 فما فوق .لديهم حظوظ كبيرة في المدارس العليا

مجرد حسابات وتطلاع مورال.

صحّا فطوركم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

صدقيني هبطتيلي المورال لاني من 90 بالمئة ربي يكتبلنا الي فيها الخير غدا يتضح كل شئ

=========


>>>> الرد الثاني :

ما هي التخصصات المنبودة؟

=========


>>>> الرد الثالث :

المشاركة الأصلية كتبت بواسطة fatota
صدقيني هبطتيلي المورال لاني من 90 بالمئة ربي يكتبلنا الي فيها الخير غدا يتضح كل شئ

اسمحيلي أختي

لكن هي مجرد توقعات وحسابات فقط ......

علاه شحال جبتي المعدل؟؟؟

=========


>>>> الرد الرابع :

خاوتي ماكالاه ماتتخلعو أصلا كلام الجرائد ماهوش صحيح
ماليهاش مدة الشروق نشرت بلي الطب ب13 ومن بعد لقيناه ب14
اصبرو مابقاش غدوا يبان كلشي

=========


>>>> الرد الخامس :

المشاركة الأصلية كتبت بواسطة you92cef
ما هي التخصصات المنبودة؟


عكس التخصصات المطلوبة بكثرة

يعني أنت لما حطيت الاختيارات تاوعك أكيد ماحطيتش التخصصات المنبوذة

وهي بصفة عامة لي يوجهوا ليها غاشي بزاااف ومافيها حتى مستقبل

مثل: العلوم الإنسانية ، قانون...........إلخ

=========


المشاركة الأصلية كتبت بواسطة منال نينة
خاوتي ماكالاه ماتتخلعو أصلا كلام الجرائد ماهوش صحيح
ماليهاش مدة الشروق نشرت بلي الطب ب13 ومن بعد لقيناه ب14
اصبرو مابقاش غدوا يبان كلشي


عندك الحق أختي

أنا حبيت نحط حسابات على حساب هدرتهم برك

وغدوة إن شاء الله يبان الصح


السلام عليكم ..
جماعة راني تعبنا من الانتضار ...
انا جبت 15.06 عندي امل في دخول الطب ...

ربي يوفقكم اجمعين


ربي يوفقنا هدا ما نقولو...الجرائد ما بقيتش نصدقهم من بعد تبهديلة النتائج ...كل مرة يكدبو كدبة ،ربي يهدينا ياكلو الخبزة على قلقة الناس

المشاركة الأصلية كتبت بواسطة أمينة1994
عندك الحق أختي

أنا حبيت نحط حسابات على حساب هدرتهم برك

وغدوة إن شاء الله يبان الصح

أنت يا اختي لك جزيل الشكر أنت خاطيك المشكل راهو في الجرائد الي طمع في الناس

المشاركة الأصلية كتبت بواسطة lakhdar1961
السلام عليكم ..
جماعة راني تعبنا من الانتضار ...
انا جبت 15.06 عندي امل في دخول الطب ...

ربي يوفقكم اجمعين

ان شاء الله تقدر تدخل أخي غدوة يبان كلش

و في النهار آمس قالك 93% تم توجيههم لتخصصات مرغوبة.......ياااااااااااااااااااااااااااااااااااا ااااااو وعلاه ما يتفاهموش على كدبة وحدة بهدلو بينا

جزائرنا يا بلاد .....
وش رايكم كان احبسو الصحافة في الجزائر و اجيبو طاقم صحافة من امريكا ؟ انجلترا ؟؟
المانيا مثلا ؟؟؟
عربنا كلاب حشاكم ....
حتى لي جورنوو فيهم كومارس حبابي.....
غدا هو اليوم الحاسم ....
سلام.

المشاركة الأصلية كتبت بواسطة hakim94
ان شاء الله تقدر تدخل أخي غدوة يبان كلش

ان شاء الله خو .............

المشاركة الأصلية كتبت بواسطة أمينة1994
اسمحيلي أختي

لكن هي مجرد توقعات وحسابات فقط ......

علاه شحال جبتي المعدل؟؟؟

السماح كيما قلتي هي مجرد توقعات معدلي 10.89 ع تج متمنية الشبه طبي مانعرف يقبلوني ولالا