عنوان الموضوع : ساعدوني من فضلكم هل نبلوكي؟ مسابقة توظيف
مقدم من طرف منتديات العندليب

السلام عليكم
انا ديت الباك ب 12.92 شعبة علوم تجريبية بعدما تعذبت وكيلو ربي الي صلحلي العلوم
بصح انا حزييييييييييييييينة و ماعلاباليش واش نقدر ندير بيها
واش رايكم لوكان نبلوكي و نعاود الباك
و اذا ممكن من فضلكم تساعدوني واش هي الاختيارات الي نقدر نديرها خلاف التعليم و البيولوجي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

من الأحسن ما تبلوكيش باش ما ديعيش العام هي صح مع الأول تبانلك مليحة الفكرة مي أمباعد ما تعجبكش من وجهة نظري قراي حاجة خفيفة و عاودي الباك مثلا إقتصاد أو بيولوجي او بعض التخصصات الأدبية كالفرنسية والإنجليزية فهي هي مريحة جدا و تستطيعين أن تدرسي جيدا للبكالوريا دون إهمال العام الجامعي و موفقة إن شاء الله

=========


>>>> الرد الثاني :

ممكن أختي ..........
انا تحصلت على معدل 15.22 عام 2011 وأعدته حرة في عام 2012 وتحصلت على معدل 15.52..بفضل الله تحقق حلمي الطب
كما أعرف من الزملاء تحصلو على 12 ، 14 فأعادو البكالوريا وتحصلو على معدلات 16 و17 بفضل الله
توكلي على الله وصلي صلاة الإستخارة
................

=========


>>>> الرد الثالث :

anna aussi kifek o5tii °yassmin j g travallé trés bien en sciences mais ..allaghaleb hatouli 12.5 w la moyenne generale 13.07 kont hab ndiir medecine mais !!impossible l3am hada!

=========


>>>> الرد الرابع :

wech ta9drii tahdrilna 3a la medecine a noussaiba

=========


>>>> الرد الخامس :

???????????? wainek a noussaiba

=========


ماكالاه تبلوكي اختى...على خاطر تندمي....كملي اقراي في الجامعة كاشما تخصص....اصلا هاذ العام ضورك يهبطو المعدلات تاع القبول...و عاودي الباك تاعك


شوفي يا اختي السنة رايححين يهبطو المعدلات بزاف تقدري تعملي بيها architecture لكان راكي تسكني في ولاية ضعيفة مثلا ولا ديري بيها ingenieur en alimentation a costantine و لا ديري بيها لغات وننصحك ماتبلوكيش تزيدي ضيعي العام هكاك اقراي في الجامعة وادرسي في نفس الوقت

ديري رياضيات او بيولوجيا لانها تساعدك من بعد في الدراسة للباك

ماتبلوكي ماوالو
بمعدلك هذا و مع نزول المعدلات تقدري ديري حوايج ملاح mi مثلا .. او ممكن حتى المدارس التحضيرية
و اذا حبيتي تعاودي اقراي عامك في الجامعة و عاودي الباك في نفس الوقت .. تبانلك صعيبة صح بصح تنظمي وقتك برك تلحقي

انا نعرف ناس عاودو الباك و يقؤاو في الجامعة ما قدرو يخدمو مليح فالباك ما قدرو يخدمو مليح فالجامعة
و نعرف ناس جوزو الياك و بلوكاو و جابوه ملييح و رايحين يحققوا الحلم ديالهم
اذا كانت عندك العزيمة و شايفة روحك تقعدي فالدا تقراي ماشي مسلسلات و هاتف... الخ
ابلوكي العام و ركزي الا فالباكالوريا العام يجوز بالخف

فقط ان كانت لك العزيمه الكافيه ان قررت دلك فمن الافضل عدم البقاء في البيت طول العام ادرسي لغات مثلا في مدارس خاصه لتطوير لغتك تستطيعين التسجيل في المكتبة والخروج لان البقاء في المنزل ربما تنشغلي بامور اخرى غير الدراسه ممكن ايضا الدخول لممارسة الرياضه ولا تنسي عمل جدول يومي للدراسه

المشاركة الأصلية كتبت بواسطة zedishak
wech ta9drii tahdrilna 3a la medecine a noussaiba

هي.....
ليست صعبة كما أنها ليست سهلة
لاتعتمد على الحفظ كليا كما يقال سوى في مادة histologie -علم الأنسجة- و anatomie-أحكي عن السنة الأولى-
بقية المواد :
biostatistique رياضيات وتدرسون الإحتمالات ماعليك سوى حل التمارين التي تعطى لكم
biophisique مثل الفيزياء تصبح مشوقة في الأخير خصوصا عند دراسة العين والعدسات
cytologie علم الخلايا سهلة قليلا خصوصا إدا كنت علوم تجريبية تدرسون فيها عن الخلايا ومابداخلها : جهاز غولجي ودوره، الشبكة الهيولية الفعالة ............الخ
biochimie تدرسون فيها الصيغ الكيميائية للدسم والسكريات......الخ تعتمد على الفهم
chimie مثل الكيمياء في السنة الأولى ، الثانية والثالثة ثانوي ببعض التعمق
anatomie تعتمد على الحفظ لكنها مشوقة جدا -تشريح للجسم البشري-
deontologie علم أخلاقيات المهنة وهو أسهل موديل
-----------
بالنسبة للسنة الثانية هناك أربع مواد فقط
،، كل من درس الطب يقول أن 7 سنوات تمر بسرعة

بالتوفيق ان شاء الله
عليك بصلاة الإستخارة

انا أيضا العام الماضي صرالي كيما نتي جبت 14.44 ونت حابة جراحة أسنان وماعطاوهاليش قريت هندسة معمارية التي لا أنصحك بها .. شهر واحد وحبست وتفرغت نهائيا للباك وجب هذا العام 14.87 وعلى ماأضن يديرلي واش راني حابة هذا العام لان 14نتاع العام لي فات مش كيما نتاع هذا العام .. نصيحة مادمتي صغيرة م اتضيعيش فرصتك في المعاودة ممكن تديري حاجة ساهلة فرنسية او بيولوجيا ...لكن من من تجربتي تفرغي للباك أحسن انا عاودتو احرار مع بعض البنات كانو يقراو معايا انا وصحبتي بلوكينا طلعنا في المعدل ... والباقي كامل هبطو والمهم انك في آخر السنة ماتندميش برك وتقولي راحلي عام ومانعرف واش .... و لازم اذا بلوكيتي تقراي بكل اخلاص وديري ليكور في أكبر عدد من المواد خاصة الفيزياء و الرياضيات المادة لي هبطاتك العلوم .......... انا العام الماضي الرياضيات ديت 10.5 هذا العام 16.5 ... واقراي المواد كامل بما في ذلك الادبية وابدئي الحفظ من أول السنة خاصة الفلسفة ولن تندمي باذن الله .. انا كون ما عاودتش كون قعدت حياتي كامل نندم على هذ الفرصة .. على كل حال هذه تجربتي الشخصية و نت شاوري والديك وصلي استخارة وشوفي واش يديري وربي يوفقك

المشاركة الأصلية كتبت بواسطة إكليل93
من الأحسن ما تبلوكيش باش ما ديعيش العام هي صح مع الأول تبانلك مليحة الفكرة مي أمباعد ما تعجبكش من وجهة نظري قراي حاجة خفيفة و عاودي الباك مثلا إقتصاد أو بيولوجي او بعض التخصصات الأدبية كالفرنسية والإنجليزية فهي هي مريحة جدا و تستطيعين أن تدرسي جيدا للبكالوريا دون إهمال العام الجامعي و موفقة إن شاء الله

شكرا ان شاء الله رايحة نوخذ بنصيحتك لأنو الاغلبية قالولي ما تبلوكيش شكــــــــرا