عنوان الموضوع : الى سوسو95 اعلان توظيف
مقدم من طرف منتديات العندليب

السلام عليكم
الحمد لله لي وصلاتك الورقة ما يكون الا خاطرك راح نسقسيهم
اظن راكي تقصدي التسجيل تاع الشومبرا .؟
ادا لازمك شيء اخر قوليلي قبل ما نروح ان شاء الله


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

.................................................. ......................

=========


>>>> الرد الثاني :

صباخ الخير

ربي يخليك ويجازيك كل خير على تعبك معايا

لالا قصدي اكمال التسجيل في الجامعة باسكو كي سجلنا عطاونا برك واحد البون ازرق مكتوب فيه الاسم واللقب والشعبة وقالو لينا كي نعاودو نجيو يعطونا كارت اتيديو

حبين نعرف وقتاش اخر اجل لاكمال التسجيل في الجاااااامعة

وواش هي الوثائق المطلوبة لاكمال التسجيل في الجامعة و في لاسيتي

وانا ان شاء الله رايحة نخرج من ادرار 21 باش نوصل 22 سبتمبر وربي يهون الطريق 20 ساعة في ترانسبور الله يستر

والله منيش عارفة كيف نكافيك ...........ان شاء الله ربي هو الي يجازيك من عندو

=========


>>>> الرد الثالث :

السلام عليكم
لا شكر على واجب راكي اختي في الله

شوفي اختي راني رحت اليوم التسجيلات راهي مفتوحة طيلة هدا الاسبوع لانو يوم 21 اي الاحد نبداو هكا قالونا
بالنسبة للوثائق انا تاني اعطاوني هداك البون واليوم اعطاوني تصريح شرفي خرجت ديرتله فوتوكوبي وصادقت عليه في بلدية السانية اكيد مع بطاقة التعريف ايا وخلاص عطاوني لاكارت و قالولي تهار الاحد تبدا القرايا لكن ما نظنش تبدا تاع الصح حتى مور العيد كيما الطب و الصيدلة لهدا ماتتقلقيش يعني لو غيبتي نهار الاحد عادي مازال لي تيدي
وسقسيتلك علو الاقامة قالولي وقت الي تجي فيه تخلصي وتدخلي يعني كيما تحبي اما بالنسبة لاستعمال الزمن حمى نهار الاحد ان شاء الله


ان شاء الله تجي بخير طريق السلامة

=========


>>>> الرد الرابع :

.................................................. .....

=========


>>>> الرد الخامس :

ربي يخليك اختي على تعبك نعايا

وربي يجازيك كل خير

خلاص راكي ريحتيني ربي يجزيك كل خير
]

=========


السلام عليكم

انا تاني جاني الظرف و غدوة راني رايحة ان شاء الله ،، عطاوني في الاقامة تاع بلبوري سعيد

كيفاش تكون التسجيلات تاع الشومبرا فهموني باغية نفهم برك


و الله منيش عارفة بصح انتي وين تقراي

ومنكيش عارفة وين يسكنو انتوع الالمانية الي في سينيا