عنوان الموضوع : ممكن تساعدوني بأرأئكم مسابقة جديدة
مقدم من طرف منتديات العندليب

السلام عليكم اخوتي
اختي تخدم عقود الادماج نتاع لا داس وعيطولها استخلاف في منصب شاغر للعلم عندها ديبلوم انجليزية وتخدم بلاداس في ابتدائية والمنحة قليلة مقارنة بالتعب 8 ساعات فلاسبوع وعليها حابة تستخلف وتشوف كيفاها تنسق بيناتهم زعما عادي ولالا كاين لي خدم عقود واستخلف حابة ارئكم
لا تبخلوني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

معنديش فكرة صراحة عن لااداس ولا الاستخلاف يارب يساعدوك الاخوة

بصح على مادارتش لاانام خلصتها تقريبا الضعف 15000دج

=========


>>>> الرد الثاني :

جزاك الله خيرا

=========


>>>> الرد الثالث :

مستحيل تخدم استخلاف وتخدم pid يعني عقد تابع لاداس مع بعضاهم لانو ببساطة راح يطلبوا عليها في ملف الإستخلاف شهادة عدم الإنتساب للضمان الإجتماعي اي انها لاتتقاضى منحة و بالتالي يلزم عليها تفسخ العقد تاع لاداس باه تقدر دير الإستخلاف .ونصيحة مني تروح دير إستخلاف خير لانو عام تقري الإستخلاف تحسب لها نقطة في مسابقات التوظيف اما اذا بقت تخدم مع لاداس ما تتحسبش ليها ولا نقطة

=========


>>>> الرد الرابع :

وحدة تخدم معايا هك و هك بصح وقت الاستخلاف دارت كونجي و ملادي كي كملت الاستخلاف رجعت تخدم عادي و سلكت عادي

=========


>>>> الرد الخامس :

لازم تشوف المدير ويروح يجيبلها المنصب تاع الاستخلاف وتروح ادير استقالة في لاداس وتبدا مع العلم ان اجرة الاستخلاف 22000 دينار ولكن لن يتم السداد شهريا بل حتى نهاية العام الدراسي وفيها ايضا زيادة (rapel) ربي يعاونك

=========