عنوان الموضوع : شوفو واش سئلوني في المسابقة تخصص انجليزية مسابقة جديدة
مقدم من طرف منتديات العندليب

اليوم رحت عقبت المسابقة الشفوية وتخصصي انجليزي حطونا 70 مترشح في قسم واحد
واستاذ واحد اللي حاكم القسم من 08 حتال 04 كارثة ومعى السخانة والصيام هلكونا
المهم كان الاستاذ يسأل باللغة الانجليزية اكيد كنت خايف شوي لانو اسئلتو تخص الدروس اللي قريناها في الجامعة وانا نسيت كللللللللللللش عولت على ربي قلت بسم الله ودخلت كي جات دالتي كان استاذ بشوش و ما يخلعش يعني الجو كان مليح معاه وبدات الاسئلة وانا قلبي خرج
المهم بدا بكي معايا واش اسمك وش لقبك وين تسكني
كي قتلو وين نسكن قالي اشرحيلي المكان وين بالضبط؟ وليت انا غوغل ماب
ومن بعد قالي شحال نتوما في العائلة
شحال عندك خاوتك
شكون يخدم

شكون قاعد

باباك واش كان يخدم
واش من عام تخرجتي
عندك فيس بوك ولا لال؟ا انا هاذي الي شوكاتني
دارلي تحقيق على دارا حسيتو راح يعطيني السكنا هههههه
وفي الاخير قالي معريفة خير وربي يوفقك

وطلب مني اني ندعيلو وخاصة انو اليوم ليلة القدر وعلى حساب واش يقول عندو خدمة وحاب ينجح فيها

وكي سقسيت الي معايا قالولي كامل بلي قالهم نفس الحاجة ادعولي
يجمع في الدعاوي من المترشحين
المهم ربي يكون معاه ويوفقو في واش يحب المهم عقبنا وخرجت سلامات معى انو قالولي خرجتي وجهك اصفر وترجفي من اخلعة هههههههه
اكيد لانو هاذ اول تجربة وبالتوفيق للجميع



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

موفقة يااختي تقول راح يخطب هذا مش يسقسي وزعما هكا يقيم المستوى والله يلا حالة

=========


>>>> الرد الثاني :

.................................................. .....

=========


>>>> الرد الثالث :


=========


>>>> الرد الرابع :


=========


>>>> الرد الخامس :


=========