عنوان الموضوع : الله لا يتربحك يا سلال اعلان توظيف
مقدم من طرف منتديات العندليب

لسي عبد المالك سلال يلغي رسميا كل مسابقات التوظيف العمومي سنة 2015 بداعي مشكل البترول و ازمة النفط
السي سلال ايضا طالب من الشعب مساعدة الحكومة على الخروج من هذه الازمة بتفهم وضع الحكومة و عدم الخروج في احتجاجات لزيادة الاجور و و و لانه ليس بمقدور الحكومة ذلك بسبب الازمة
ليضيف المتحدث بان حكومته ستتحطم في الازمة ان شاء الله مضيفا بان احتياطي الصرف كفيل بتجنب ازمة لمدة 4 سنوات على الاقل
.
.
.
.
هههههههههههههههههههههههههههههههههههههههههههههههههه ههههههههههههههههههههههههههههههههههههههههه
ميسيو سلال و الزردات لي درتوها كي كان 100 دولار كيفاش ؟؟
و المليار دولار لي مسحتو بيها ديون الافارقة كيفاش ؟؟
و 200 مليون دولار لمديتوها لتونس لله في سبيل الله بعد ثورة الياسمين كيفاش ؟؟
و 200 مليون دولار الاخرى لي مديتوها لمصر بعد ثورة التحرير كيفاش ؟؟
و صندوق النقد العالمي لي مديتولو 500 مليون دولار لله في سبيل الله كيفاش ؟؟
و نزيدلك من الشعر بيتا عمي سلال في زيارة الرئيس الايطالي و اليوناني للجزائر مؤخرا شحال مديتولهم سلفية او لله في سبيل الله ؟؟ ما تكذبش اب الفقاقير باسكو الطليان و اليونان مقودة عليهم كثر منا و ما جيش تخرط و تقولي استثمارات باسكو شركة توديني الايطالية الوحيدة في الجزائر المستثمرة و اليونان لا تملك ولا شركة فوق الاراضي الجزائرية و راكم تسيربيو في الدراهم
ميسيو سلال و دراهم شكيب خليل اكثر من 30 مليار دولار مختلسة كيفاش ؟؟
و 23 مليار دولار تاع الطريق است اواست تاع الغول و الطريق ستقام 12 مليار برك و راهي فرتونة مابانش عليها خبر كيفاش ؟؟
و 3000 مليار سنتيم تاع سعيداني لي سرقها من صندوق الفلاحة و شرا 4 برطمات في باريس بقيمة اجمالية تفوق ال 2 مليون اورو و بنتو عندها شركة راس مالها 1 مليون اورو كيفاش ؟؟
و وزارة المجاهدين اللي ما جاهدوش و لي راهي تاكل سنويا 8 ملاير دولار بوجي كيفاش ؟؟
و خليدة الخنفوسة لي بحرت على الاقل في العهدة تاعها ما يفوق ال مليار دولار في الشطيح و الرديح كيفاش ؟؟
و السعيد رب الجزائر لي راه خارق الدنيا و من طبيب دكتور الى مستشار الى ملياردار كيفاش ؟؟
و قروب حداد و علي الحداد لي بين ليلة و ضحاها راه يزربع في الدراهم و وين يكون القودرون يكون كيفاش ما تقولولوش زير شوية روحك ؟؟
و اويحي مول الكيران و الطحكوت و النوفو ريش كيفاش ؟؟
و الخليفة مازال باش تشارعولو * و علابالنا والله ما جبتوه * كيفاش ؟؟
و بهاء الدين بوطيبة المدعو الدوبل كاربيراتور و سياراتو و ممتلكاتو كيفاش ؟؟
و التريبل كاربيراتور عمي القايد و ما يملكه كيفاش ؟
.
.
.
تسمى هاذو لي خارقين الارض ما شفتهمش جاي للشعب لي مقودة عليه تقولو زير السبتة ؟؟ يرحم باباك انا كي نزير السبتة علاش ؟ كاش ما عندي نعاون الدولة انا السروال راه هابط واش نزير فهمني واش نزير ..خليت هاذو لي عندهم الملاير ما قتلهمش ياو عاونونا لوجه ربي و جاي عند شكوبي انا مقودة عليا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

3andek sah

=========


>>>> الرد الثاني :

حسبنا الله ونعم الوكيل هذه الخرجات مخطط لها من قبل وجاءت الفرصة لمواجهة الشعب ماتفسير عدم الاعلان عن معظم المسابقات الت اجتيزت في 2014 والحجة المشكل في الوظيف العمومي درسوا الشعب و عرفوا بلي يرضى ويصبر على كل مايديروه خليهم يفرغوا ويسرقوا كل مافي الخزينة ويهربوا مابقلهمش بزاف ياشومي على الشعب ويا وخدي علينا واش مازال نشوفوا من هذه الدولة حبوا يعيشوا جيل الاستقلال الاستعمار الداخلي الارهاب الحكومي الله يلعننهم اميين

=========


>>>> الرد الثالث :

هههههه قالك سياسة التقشف .... جات على الشعب وعلى رسانا حنا لي ني خدمة ني قدمة .... جاي يقول زوج كلمات يهف بيهم الشعب و نسى بلي راهو من جماعة الكروش الكبيرة يسلكوا فالشهر لي نحلمو حنا نهزوه في 10 سنين بففففف رهجوووونا ... ماشافش الصوارد لي راحو على المنتخب لي يقولو عليه جزايري و هذا كامل من جيب الشعب ... يجي عندنا ويقولك التوظيف مكانش احنا بلي كونكور نفوتو وعلابالنا كلشي بيسطو و مالقري سا نفوتو ونقولو ربي كاين ... سبع سنين وانا نسوفري يجي سي فلان هو لباااس عليه واولادو فالخارج متهني عليهم ويجي عندنا حنا يخرط بينا

=========


>>>> الرد الرابع :

بارك الله فيك اخي كلام صواب

=========


>>>> الرد الخامس :

المشاركة الأصلية كتبت بواسطة amassou0505
لسي عبد المالك سلال يلغي رسميا كل مسابقات التوظيف العمومي سنة 2015 بداعي مشكل البترول و ازمة النفط
السي سلال ايضا طالب من الشعب مساعدة الحكومة على الخروج من هذه الازمة بتفهم وضع الحكومة و عدم الخروج في احتجاجات لزيادة الاجور و و و لانه ليس بمقدور الحكومة ذلك بسبب الازمة
ليضيف المتحدث بان حكومته ستتحطم في الازمة ان شاء الله مضيفا بان احتياطي الصرف كفيل بتجنب ازمة لمدة 4 سنوات على الاقل
.
.
.
.
هههههههههههههههههههههههههههههههههههههههههههههههههه ههههههههههههههههههههههههههههههههههههههههه
ميسيو سلال و الزردات لي درتوها كي كان 100 دولار كيفاش ؟؟
و المليار دولار لي مسحتو بيها ديون الافارقة كيفاش ؟؟
و 200 مليون دولار لمديتوها لتونس لله في سبيل الله بعد ثورة الياسمين كيفاش ؟؟
و 200 مليون دولار الاخرى لي مديتوها لمصر بعد ثورة التحرير كيفاش ؟؟
و صندوق النقد العالمي لي مديتولو 500 مليون دولار لله في سبيل الله كيفاش ؟؟
و نزيدلك من الشعر بيتا عمي سلال في زيارة الرئيس الايطالي و اليوناني للجزائر مؤخرا شحال مديتولهم سلفية او لله في سبيل الله ؟؟ ما تكذبش اب الفقاقير باسكو الطليان و اليونان مقودة عليهم كثر منا و ما جيش تخرط و تقولي استثمارات باسكو شركة توديني الايطالية الوحيدة في الجزائر المستثمرة و اليونان لا تملك ولا شركة فوق الاراضي الجزائرية و راكم تسيربيو في الدراهم
ميسيو سلال و دراهم شكيب خليل اكثر من 30 مليار دولار مختلسة كيفاش ؟؟
و 23 مليار دولار تاع الطريق است اواست تاع الغول و الطريق ستقام 12 مليار برك و راهي فرتونة مابانش عليها خبر كيفاش ؟؟
و 3000 مليار سنتيم تاع سعيداني لي سرقها من صندوق الفلاحة و شرا 4 برطمات في باريس بقيمة اجمالية تفوق ال 2 مليون اورو و بنتو عندها شركة راس مالها 1 مليون اورو كيفاش ؟؟
و وزارة المجاهدين اللي ما جاهدوش و لي راهي تاكل سنويا 8 ملاير دولار بوجي كيفاش ؟؟
و خليدة الخنفوسة لي بحرت على الاقل في العهدة تاعها ما يفوق ال مليار دولار في الشطيح و الرديح كيفاش ؟؟
و السعيد رب الجزائر لي راه خارق الدنيا و من طبيب دكتور الى مستشار الى ملياردار كيفاش ؟؟
و قروب حداد و علي الحداد لي بين ليلة و ضحاها راه يزربع في الدراهم و وين يكون القودرون يكون كيفاش ما تقولولوش زير شوية روحك ؟؟
و اويحي مول الكيران و الطحكوت و النوفو ريش كيفاش ؟؟
و الخليفة مازال باش تشارعولو * و علابالنا والله ما جبتوه * كيفاش ؟؟
و بهاء الدين بوطيبة المدعو الدوبل كاربيراتور و سياراتو و ممتلكاتو كيفاش ؟؟
و التريبل كاربيراتور عمي القايد و ما يملكه كيفاش ؟
.
.
.
تسمى هاذو لي خارقين الارض ما شفتهمش جاي للشعب لي مقودة عليه تقولو زير السبتة ؟؟ يرحم باباك انا كي نزير السبتة علاش ؟ كاش ما عندي نعاون الدولة انا السروال راه هابط واش نزير فهمني واش نزير ..خليت هاذو لي عندهم الملاير ما قتلهمش ياو عاونونا لوجه ربي و جاي عند شكوبي انا مقودة عليا

يرحم هاداك الفم ، ربي وكيلهم

=========


؟؟؟؟؟؟؟؟؟؟؟؟؟؟؟؟؟؟


ندعو الله العفو و العافية ربي يقدر الخيييير الحالة مهيش مليحة
وستتدخل ايدي خارجية فاحذروهم

شوفو مدونة التوظيف التعليمة تاع سلال