عنوان الموضوع : المدرسة التطبيقية للدفاع المضاد للطائرات ن ع 4 اعلان توظيف
مقدم من طرف منتديات العندليب

السلام عليكم ورحمة الله وبركاته

إخوتي استخرجت استدعاء الخدمة الوطنية و جاتني قي المدرسة التطبيقية للدفاع المضاد للطائرات ن ع 4 الاغواط
أريد معلومات عن هذه الوحدة
وشكرا ،



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم
حتى انا كيفك خويا جاتني ثما
اشاء الله تكون مليحة برك


=========


>>>> الرد الثاني :

المشاركة الأصلية كتبت بواسطة عمر الجامعي
السلام عليكم
حتى انا كيفك خويا جاتني ثما
اشاء الله تكون مليحة برك

ان شاء الله

=========


>>>> الرد الثالث :

انا ثاني جاتني تما
قالولي مليحة بزاف
حاب نسقسيكم انا عندي نقص في النظر واش هوما الاوراق اللي لازم نديهم معايا باش نقدم ملف طبي !

=========


>>>> الرد الرابع :

المشاركة الأصلية كتبت بواسطة dollarman
انا ثاني جاتني تما
قالولي مليحة بزاف
حاب نسقسيكم انا عندي نقص في النظر واش هوما الاوراق اللي لازم نديهم معايا باش نقدم ملف طبي !

واه كثر من لي زوردونونص ـ ومادابيك يكونوا قدام

=========


>>>> الرد الخامس :

مدرسة الاغواط من اكبر المدارس لي فيها فائض اتكلو على ربي

=========


المشاركة الأصلية كتبت بواسطة kasoft2008
السلام عليكم ورحمة الله وبركاته

إخوتي استخرجت استدعاء الخدمة الوطنية و جاتني قي المدرسة التطبيقية للدفاع المضاد للطائرات ن ع 4 الاغواط
أريد معلومات عن هذه الوحدة
وشكرا ،

السلام عليكم اخوتي الكرام .
أخي الكريم أنا كنت في المدرسة في مارس الماضي ...
و رأيي فيها أنها مدرسة رائعة ...كان استقبالنا جيدا ...الاكل جيد نوعا ما (شوي خير من الجامعة ) .
هناك مسجد داخل الثكنة تستطيع الصلاة في كل الاوقات .
المهم أوصيك بأخذ أي ملف طبي تملكه . وملف الكفالة ان كان لديك.


المشاركة الأصلية كتبت بواسطة dollarman
انا ثاني جاتني تما
قالولي مليحة بزاف
حاب نسقسيكم انا عندي نقص في النظر واش هوما الاوراق اللي لازم نديهم معايا باش نقدم ملف طبي !

أخي خذ كل ما تملك من وصفات طبية و شهادات طبية ...قديمة كانت أو جديدية من عند طبيب مختص طبعا ....و لا تنسى النظارات ....لكان ماكش دايرهم غير ابدا توالفهم من ذكا .
و حاول أن تدخل روطار لأنه في الاول اصحاب الملف الطبي يتشددون معهم قليلا .

.

المشاركة الأصلية كتبت بواسطة dollarman
انا ثاني جاتني تما
قالولي مليحة بزاف
حاب نسقسيكم انا عندي نقص في النظر واش هوما الاوراق اللي لازم نديهم معايا باش نقدم ملف طبي !

والله بعتوك لابلاصة مليحة بزاف ، انا كنت فيها في سبتمبر لي فات وخرجت الحمد لله
شوف واش نقولك ياصحبي انت كي تروح حط في بالك بلي رايح تفوت العسكر فالعسكر ماتفهم والوا قادر يكون فائض قادر مايكونش حساب الناس لي بعتولهم
ان شاء الله يكون فيها فائض وفي الكازيرنات لي تابعين للناحية العسكرية الرابعة
نزيد نفهمكم الاغواط يفوتوا فيها الضباط والسراجن العامين

بالنسبة للملف لي عينيك الا عندك لي زوردوناس قدام اديهم معاك او روح لعند طبيب العين اختصاصي يدرلك شهادة طبية يكتبلك فيها تقرير على عينيك ويكتبلك تشوف بعينيك اليمنى واليسرى1/10 و 2/10 هدا هو الدوسي ميدكال
الا كتبلك الطبيب غير مقبول راهم يبعتوكم لورقلة كنتر فيزيت تزيد تفوت عند طبيب اخر للعينيين وان شاء الله فيها خير.
الضباط يدوهم لورقلة كنتر فيزيت اما السراجن في الاغواط
بالتوفيق ان شاء الله ياجماعة

بالتوفيق للجميع