عنوان الموضوع : أخيرا قبولي متطوع مسابقة جديدة
مقدم من طرف منتديات العندليب

بعد يومين و هو العسكري هداك ماكر فيا محبش يسجلني متطوع ... بالرغم من وجود اعلان ملصق فوق مكتبه عن المتطوعين
دهبت اليوم في وقت الغداء و سقسيت عليه قالولي عندو خدمة .. اغتنمت الفرصة و سجلت كمتطوع و اخترت تامنتفوست ههههههههههههه
ثلاث أيام و انا نبات في سانتيفي لأنو مرفدتش دراهم بالزايد
الله لا يتربحلو و نشالله نخرج فيه .. مالقري نحب الشاوية باسكو ناس خدامين و فحولا ميييي هدا الله يحفضنا قلبو حديد
شكرا امين و الجيريانو على المساندة تستاهلو قهوة لخاوة هههههههههه


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

واش يعني متطوع؟

=========


>>>> الرد الثاني :

الحمد المهم راك فريتهاا خير من مارس
والله في موضوعك السابق جيت نقولك بلي سور دارهالك بالعاني
بالتوفيق لك ان شاء الله

=========


>>>> الرد الثالث :

كيف اخترت تمنفوست ؟؟؟ هما قالولك ولا نتا قلتلهم أنا لم يقبلوا لي قالولي حنا نوجهوك

=========


>>>> الرد الرابع :

المشاركة الأصلية كتبت بواسطة youcef ha
كيف اخترت تمنفوست ؟؟؟ هما قالولك ولا نتا قلتلهم أنا لم يقبلوا لي قالولي حنا نوجهوك

المتطوع له حق اختيار الثكنة

=========


>>>> الرد الخامس :

بات فيك......شربلك الغاشي هاربة وانت تتطوع راك تندم عليها كثير كثير

=========


المشاركة الأصلية كتبت بواسطة no name rix
المتطوع له حق اختيار الثكنة

راك غالط أنا رحت و ما قبلوليش


[QUOTE=dabour1;3991500940]بات فيك......شربلك الغاشي هاربة وانت تتطوع راك تندم عليها كثير كثير[/QUOT

راك غالط عندوا الحق هده الخدمة لا مفر منها الا ادا كان عندك معريفة ولا كنت في الخارج، ولا حاب تكون عاصي ويحكموك وتفوتهم غصبا عنك / احسن لك تروحلهم خير من لا يحكموك

شوف الاخ الكريم الا انت عندك لاكارت جون ماكلاخ تجر على الناس

خير ما فعلت أخي.
إذا خرجوك راك تهنيت و اذا حكموك تفوتها مرتاح. واحد ما يكذب عليك لارمي خدعة و لازم ديرلها حل. تسنى لمــارس تضيع 6 أشهر في الرقاد و التخمام خاطرماه البــطالة فيها فيها.

وفقـــك الله.


بالتوفيق انا قتلك ارجع راهم ليكيدااوك

المشاركة الأصلية كتبت بواسطة dabour1
بات فيك......شربلك الغاشي هاربة وانت تتطوع راك تندم عليها كثير كثير

أخي شوف .. اولا انا عندي 4 ديبلوم 3 من المعهد و ليسانس .. حابني نبقى نتفرج فيهم خويا و منخدمش ؟
انا معنديش papa يعطيني 200 مليون ندير بيهم بروجي .. مقبل على الزواج اخي و منيش حاب نكون مع حلالي و ولادي نهار أوخر و يجوني يقولولي أيا أطلع .. هادي وحدها بقداه تخلي مراتك و ولادك ؟
أخي تمرميد رانا عايشين فيه و تمرميد عندهم صدقني خويا غير نقطة في بحر .. لعسكر مليحا .. و لي يقلك ما هيش هدرا تقول لعسكر طلعك راجل راهو غالط اخي .. لعسكر تشوف فيها حوايج ما راكش راح تعيشهم في حياتك اليومية .. و حتى لوكان جات عامين و الله غير نروح بلا ما نخمم
دولتي نكرها مي نحب بلادي .. لكن اخي نعقبها لمصالحي الشخصية
لوكان جيت نتا ولا واحد أوخر عنك راس المال و خدام لاباس بيك في التجارة أنا الاول لي نقلك ماكالاه تروح .. مي اخي كل واحد و كيفاش راهو عايش

المشاركة الأصلية كتبت بواسطة dabour1
بات فيك......شربلك الغاشي هاربة وانت تتطوع راك تندم عليها كثير كثير

شحال تهرب ؟

مبروك عليك اخي العزيز


ان شاء الله يقبلوني انا يوم الاحد

اعتقد اخي ادا اعطوني حق الاختيار اختار نفس الثكنة على حساب ما راك تحكي راهي مليحا



ان شاء الله يسهلي ربي ويقبلوني ويمدولي الاختيار.


لكن اخيالثكنة التي انت دهاب عليها

انظر الاخ هنا مادا يحكي عنها


https://www.djelfa.info/vb/showpost.p...70&postcount=3