عنوان الموضوع : المدرسة التطبيقية للنقل والمرور بتلمسان مسابقة جديدة
مقدم من طرف منتديات العندليب

السلام عليكم
وصلني امر استدعاء الى المدرسة التطبيقية للنقل والمرور بتلمسان يوم 15 سبتمبر
 وانشاء الله نروح
ممكن تفيدونا بالمدرسة مليحة ولا لا هل الهاتف المسموح ام لا فيها الفائض ولا
 والاخوة الي بعثوهم للمدرسة رايحين تروحو ولا لا
 ايا الي رايح يروح يقولنا نشوف رواحنا اذا رانا بزاف ام لا
ربي يحفظكم انشاء الله



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مكاش اخوة جاهم الاستدعاء لهذا الثكنة

=========


>>>> الرد الثاني :

أنا من دفعة مارس وصلني امر استدعاء الى المدرسة التطبيقية للنقل والمرور بتلمسان يوم 15مارس مدرسة مشاء الله بصح درت شويا روطار وروحت حتى 28مارس وكان فيها الفائض 341 طالب ضابط احتياطي
انصحك دير شويا روطار و تكل على ربي

=========


>>>> الرد الثالث :

يا اخي بارك الله فيك
ممكن تحكيلنا على الثكنة الهاتف مسموح ام لا

=========


>>>> الرد الرابع :

ثكنة في قمة القمم حتى إذا شدوك مش راح تندم بالأخص عندما نقصو في المدة
دخلتها العام لي فات و طلقوني و غير دير التأخير يمدولك إعفاء و صدقني في كل الحالات راك ناجحلها و راك محظوووظ ما تراطيش لوكازيو صلي الاستخارة و اتكل على الله و ربي معااااك

=========


>>>> الرد الخامس :

ثكنة في قمة القمم حتى إذا شدوك مش راح تندم بالأخص عندما نقصو في المدة
دخلتها العام لي فات و طلقوني و غير دير التأخير يمدولك إعفاء و صدقني في كل الحالات راك ناجحلها و راك محظوووظ ما تراطيش لوكازيو صلي الاستخارة و اتكل على الله و ربي معااااك

=========


ياأخي الهاتف أنت و شطارتك عند الدخول الحراس يعملو تفتيشة خفيفة, ولكان انت خائف ادخل الشريحة وبس وفي الداخل كاين ولاد الحلال يمدولك الهاتف


السلام عليكم انا كنت في دفعت مارس وخرش فائض دير صاحبي روتار و مدرسة قمة في الروعة كونك هاني دير شويا رونار والله يسهل انشاء الله


ثكنة رائعة ب نسبة لثكنات اخرى انا فى ماىبعثونى لمدرعات فى بريكة باتنة فى ثكنة الضاية فى اربعة ايام كرهت حياتى حتى لغراب ميفوتش عليك مى حمد لله اديت اعفاء بصح تلمسان كامل يشكرو فيها و انشالله يوفقك ربى

السلام عليكم

مثل ما قال الاخوة من أفضل الثكنات كان هناك فائض كبير مارس 2014 للمتأخرين لكن لا تتأخر حتى1 أكتوبر ممكن تغلق

االثكنه تستوعب 110 ضابط و 270 سارجان
تتميز بالمعالة الحسنة و طبيعة الثكنة نظيفة من الداخل بها مساحات خضراء على عكس بعض الثكنات

لا تنسى صلاة الاستخارة

بالنسية للهاتف خذ 2 واحد ضايع واحد خبيه مليح أعطيهم اللي ضايع وان شاء الله يكون خير

انا بعثوني ليها 15 سبتمبر ولكن حبيت نعرف معلومة برك هل المتزوجين يؤخذون بعين الاعتبار ولالا ...

السلام عليكم و رحمة الله و بركاته
انا ذاهب متطوع للمدرسة 15-09-2014
نطلب ربي يجيبلينا ليفيها لخير


للأسف لم يأخذو بعبن الاعتبار المتزوجين مارس الفارط لكن لا اعلم ما قبل من الدفعات

يا جماعة اللي عندو معلومة عليها ميبخلناش .........واللي راهم فيها يبينو رواحهم