عنوان الموضوع : █░█ تجــاربي مع مستحضرات التجميــل ... █░█ احدث موضة
مقدم من طرف منتديات العندليب

█░█ تجــاربي مع مستحضرات التجميــل ... █░█



.. السلام عليكم ورحمة الله وبركاته
من كثر ما انا فاضيه اليوم قلت خل انزل هالموضوع ...


في هالموضوع راح اكتب لكم تجربتي مع كل مستحضر ... و هل حبيته او لا...

... علماً بأنه بشرتي مختلطه ...
و لاتسألوني عن الاسعار لأني ما اذكر الصراحه
اللي اذكره بكتبه





نبتدي في ماسكات الويه ...
جربت هالماسك وهو بنفس الوقت مقشر سكراب من benefit من خلاصه العسل
وايد حلو احسه يشد البشرهـ وينظفها عددددل ..
بصراحه انصح فيه واشك انه محد يستفيد منه .. لاني حسيته وايد اوكي ومايحسس البشره
حتى لو سوالج احمرار بعد غسيله بس على طول تبان نتيجته الحلوة ويخوز الاحمرار






وجربت مقشرات من ماركه هيملايا .. بس صراحه ماناسبتني .. حسيتها فالبدايه تكون اوكي
بس اليوم الثاني يبدا يطلع لي حبوب ... اتوقع ما ناسبت بشرتي ..مادري اذا فيه حد جربهم و صارت لهم نفس النتيجه ..

بخصوص الاسكينول انا استخدمه حق رقبتي واحب الي بالبابايا .. ومرات استخدمه لويهي ..
صوب منطقه الخشم ينظف اووكي ..


وهذا ماسك عشان ماتحسس وتحمر .. وهو نفس الشي سكراب ويستوي ماسك بنفس الوق من بودي شوب .. بعد حلو .. بس لازم مايطول في بشرتجت


ألحين نيي حق التونيك ..
الصراحه احلى تونيك استخدمتهم .. الي من نيفيا + لانكوم ..
حلوين واحسبهم يخلون بشرتي فرشششش

واللي من نيفيا وايد حلو حق الي تدهن خشمهم بعد الميك اب .. حلو يمتص الدهن
ولازم تسوينه قبل الميك اب .. ^^



بخصوص المرطبات .. استخدمت واااااايد بس اكثر شي ناسبني

اولي + لانكوم ..

وتبون الصدق الي من OLAY ناسبني اكثر .. ويخلي بشرتي طبيعيه
ينفع حق الي تروح الدوام الصبح ... يغنيج عن كريم الاساس ..
حلو تحطينه وبعده كومباك باودر .. بيطلع اللوك طبيعي

وفالاعراس ترومين تحطينه قبل كريم الاساس كبيس للبشره ...
والاحلى من ها كله انه سعره رخيص مب اكثر عن 20 درهم ..

اللي من لانكوم مب هاك الزود ... وطايح في جبدي سعره 300
هو حلو فالبدايه بس عقب يتميع و يدهن شوي فالبشره ... وهذا عيبه الوحيد




الحين نيي لواقي الشمس ... انا صراحه صارلي فتره ما استخدم واقي شمس
لاني موووووول ما اطلع من البيت فالنهار ^_^
بس هذيلا الي استخدمهم وحلوين مايدهنون الويه .. وتلقينهم فالصيدليه


الحين بستعرض لكم اهم الفاونديشن الي استخدمهم وبقولكم راي في كل واحد


نبدا من اليمين ...

1_ اول واحد من ماركه ( جورج ارماني giorgio arman ) .. الكريم ما بشكك فيه حلو .. ويعطي لوك مخملي ... بس مشكلتي اني ما اخترت درجه مناسبه لبشرتي لهالسبب الكريمـ يسمرني يوم احطه .. مع اني في المحل كنت اشوفه وايد اوكي بس من رديت البيت اكتشفت انه وايد غامج بالنسبه للون بشرتي .. سعره 300 درهمـ

2_ هاي ديفنشنمن ( ميك اب فورا ايفر Make up for ever ) والصراحه موووول ماينفع حق الي بشرتهم دهنيه .. يصلح للي بشرتهم جافه اكثر ,, وهو ثجيل شوي مرات يبغيلج تخلطينه مع كريم اساس فاتح عشان يوالم لون بشرتج .. ويعطيج لوك طبيعي مب اوفر ..

3_ مات فولفيت من ( ميك اب فورا ايفر Make up for ever ) وايد وايد حلو حق البشره الدهنية .. يمنع اللمعان .. وتأكدي انج بتقضين السهره وبشرتج مابتدهن ان شاءالله على ضمانتي لوول ..

4_ Divinora من ( جيرلان ) من كثر ما مدحولي اياه خذته بس احسه ماناسبني ماعرف ليش .. هو صراحه يعطي لوك مخملي وناعم بس احسبه خفيف ماعرف ليش مايغطي عيوب البشرة

5_ اخر كريم اساس شريته من الصيدليه هو طبي و خفيف يناسب تحطينه حق كشخه البيت او طلعه بسيطه

الارواج

جربت ارواج وايده ... بس احلى ارواج ... من MAC + BEN NYE

العلبه الدائرية من بن ناي ماااااا استغنى عنها .. والروج ثابت
من اول السهره لين اخرها ^_^


يعجبني هاللون من ماك ^_^



وبعد هالروج احبه وايد من جفنشي .. خفيف وفيه لمعه بسيطه ..


مرطب الشفايف ومقشر

الصراحه اشوف احسن مقشر للشفايف هو الفازلين
حطيه قبل لا ترقدين وبتنشين الصبح تلاحظين ان شفايفج متقشره
والطبقه الميته طالعه مشي عليهم فرشاة الاسنان وبتتقشر بسهوله
وبتستوي شفايفج ناعمه ( هذي تجربتي وطريقتي الي دووم اسويها )

ومن احلى المرطبات الطبيعية حق الشفايف الي استخدمتها

مرطب AIGNER .. ونكتار .. احس فيهم فيتامينات ..
وشي مرطب ديزني و ماركة NYX بعد حلوين بس حسيتهم ثقال


الكحل


أفضل كحل استخدمه هو اللي من بن ناي + مكياجي ومب اي نوع عندهم لا ..
الكحل الي يي داخل العلبه السودا انا بعد اشوفه افضل من بن ناي ..

هذي صورته

يي داخل هالعلبه



واستخدمت اللي من MAC صراحه مب شي يسييييييييح

و طبعا جربت سمايلنج .. بس ماجازفت .. لاني شاريه اللون الاسود بس يوم احطه في عيوني يستوي ازرق ماااااعرف ليييييش ؟!

+

وجربت بعد كحل نيفيا روووووووووووعه


واتمسح بلوشن فازلين





واخر شي

احط راسي وارقد




اطول موضوع اسويه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكورررررررررررررره على هذا الموضوع

__________________________________________________ __________

>>>> الرد الثاني :

حلو مرة موضوعك وتتهنين فيهم

__________________________________________________ __________

>>>> الرد الثالث :

رووووووووووووووووعــه الله يعطيك العافية . . . . . . ما قصرت

__________________________________________________ __________

>>>> الرد الرابع :

مشكووره يالغلااا...

__________________________________________________ __________

>>>> الرد الخامس :

يعطيك العافيه

ماقصــــــــــــــــــــــــرتي