عنوان الموضوع : ممكن تساعدوني والله محتاجتكم
مقدم من طرف منتديات العندليب

السلام عليكم نتمنى تكونو بخير
ان شاءالله عرسي بعد رمضان فتحت انا وراجلي موضوع العرس قولتلو علاه مانديروش قهوة برك علاه تخسر روحك وتجيبلي الذبيحة تاع عشرة ملاين ندير قهوة برك ويجيو فاميلتك يحنيولي ويزهاو ويروحو انت دير الحنة واذبح في داركم وازها مع صحابك وانا ندير عشا لفاميلتي المهم تفاهمنا دارنا وافقو ودارهم وافقو المشكل قالولي مانحضروش عرسك ديري عرس قدقد ولا مانجيوش... قولولي الوحدة كي تخاف على راجلها وتحوس على الهنا وماتحبش تضرو ولات متخلفة علاه الذبيحة محتمة بلابيها مايكونش عرس مانيش غير انا لي راح نديرها والله كاين بزاف لي دارو هكا الله يستركم قولولي انا غالطة؟ ولا متخلفة؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يا أختي نيتك وصلت وهي نية طيّبة منك . وهنا توقفي العرس عرس ابنهم

وحابين يفرحوا بيه كيما يلزم ومستعدين لكلّ المصاريف خليهم يديروا واش

يحبّوا ربّما هذه فرحتهم الأولى وينتظرنها منذ مدّة افرحي معهم واتركي

الأمور تسير عااااادي ولا تتركي مجال لدخول إبليس بينكم .

خبريهم بسرعةبلّي راكي اديري واش قلوا هم ورب يتمملك على خير

وتكوني سعيدة

__________________________________________________ __________

>>>> الرد الثاني :

أنت مازال الوقت طوييل حاول تتفاهم ب قرار واحد و أنتي تنازلي قليلا و إعملي ب أرائهم عشان ما يجي يوم و يقولو إنتي و إنتي ... إفرحي في بيتكم مع أهلك بالطريقه إلي تناسبكم و هما خليهم يفرحوا بطريقه إلي تناسبهم ...و العرس رح ينتهي إن شاء الله و تعيشوا حياه سعيده ..و الله يهنيكم .

__________________________________________________ __________

>>>> الرد الثالث :

السلام عليكم

اختي الواحد يتزوج مرة في العمر . اعملوا عرس على قدكم فقط و خليهم يفرحوا بوليدهم

هدي هيا عادات و تقاليد * و اعراس* بلادك

الله يهنيك


__________________________________________________ __________

>>>> الرد الرابع :

l
خلي زوجك يذبح علاش ترفضي ذبيحة خليهم يديرو وش حبووووو

ربي يسهل إن شاء الله

__________________________________________________ __________

>>>> الرد الخامس :

السلام عليكم
و الله ما ني فاهمة و انت علاه مقلقة روحك
هوما حبين يزهوا بولدهم خليهم يذبحوا يا لوكان يذبحوا جمل و انت مالك
اسفة اختي و الله فهمت قصدك و نيتك الصافية بصح هوما حبين يفرحوا بولدهم
عندك غير ليلة في لعمر ازهي فيها و الذبيحة مليحة لانهم ياكل منها كامل الغاشي و يفرحوا
انت ما غالطة ما متخلفة بصح هوما تاني عندهم الحق لانهم اهله
افرحي حبيبتي و ما تخمي ماوالوا شحال غادي تعيشي
ربي يهنيكم و يرزقكم