عنوان الموضوع : فلفل محشي على طريقة امي طبخ جزائري
مقدم من طرف منتديات العندليب



السلام عليكم لبنات واش حوالكمان شاء الله تكونو كامل بخير

اليوم درت في الغداء فلفل محشي بطريقة الوالدة الله يحفظها قولو امين

اول حاجة ننصب صوص احمر نقلي البصل مع الزيت وصدر دجاج ونلوح الحمص مع الملح والتوابل والثوم ونمرق بالماء ونخليه يطيب حتى يعقد

الحشو// بطاطا مغلية + ارز طايب +صدر الدجاج لي في الصوص بعد ما يطيب نفتت او نرحيه +معدنوس +راس الحانوت+ملح +كمون +فلفل اسود



ونخلطهم ونضيف البيض طبعا البض حسب الكمية



ونبدا نحشي الفلف بعد ما نملح




ومن بعد ما نكمل الحشو نبدا في القليان لازم في الاول نحط الراس تاع الفلفل في الزيت باش نضمن ان الحشو ما يخرجش



ونقلي في الزيت ملازم ما نكثرش الزيت ونقلي على نار هادية



وهنا بعد ما قلبت



والحشو لي تبقى عملت اقراص وقليت











وممكن تعمليها من غير دجاج ويجي ذوق الفلفل رائع



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة اختي وربي يحفظ امك الغالية ويطول في عمرها

__________________________________________________ __________

>>>> الرد الثاني :

امممممممممممممممم ام ساجد يبان يهبل بصحتكم و يعطيها الصحة الوالدة ربي يعيشهالك ان شاء الله

__________________________________________________ __________

>>>> الرد الثالث :

هايلة من افضل الاطباق عند الشيخ الفلفل المحشي ام ساجد
لكن راهو غالي شوية حنونة لكن مايغلاش على الشيخ بلاك نشريهلو

__________________________________________________ __________

>>>> الرد الرابع :

يا عيني عليكي كل شيء من يديك يشهي يعطيك الصحة حبيبتي

__________________________________________________ __________

>>>> الرد الخامس :

اممممممممممممممممم روعة ربي يحفظلك ماماك