مثوم من مطبخي من مطبخي
عنوان الموضوع : مثوم من مطبخي من مطبخي
مقدم من طرف منتديات العندليب
صح فطوركم ايتها الغالياتاليوم جبتلكم مثوم تاكلوا صباعتيكم موراه و الله عجوزتي ماتت عليه قلت نفيدكم
اول شي نحضرو مرقة حمراء
مقادير المرق
حبة بصل صغيرة
2سنينات ثوم
ورقة رند
مغرف صغيرة هريسة
مغرف اكل طماطم مصبرة
كمون راس حانوت ملح فلفل اسود عكري |كيما تحبي حار ولا بارد|
زيت
كمشة حمص
هدا شكل المرق
مقادير المثوم
لحم مفروم
ربطة معدنوس مش كبيرة بزاف
راس تع ثوم كامل مهروس مليح مع شوي كمون
مغرف اكل شبلور
مغرف ونص فريك
حبة بيض
كمون ديريه اكثر من كمية راس حانوت يعني ديري راس حانوت كمية قليلة وكمون اكثر منه ملح فلفل اسود ربع مغرف صغيرة عكري
تخلطيهم مليح مليح والسر في وصفتي هو
يعني تضيفي مغرف صغيرة عصير ليمون للخليط واليك الصورة
بعدما تخلطيه مليح شكلي كويرات
ورميهم فالمرقة وخليهم يطيبو حتان تخثار المرقة ديالك
ديريلها شوي معدنوس واقليلها البطاطا
وهدا الطبق ديالنا ومنحكيلكمش على البنة
بالصحة والعافية
متنساوش تجربوه وادعولي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
باااااااااااااااااااااااارك الله فيك اختي باااااين يشهي
__________________________________________________ __________
>>>> الرد الثاني :
ممممممممممممممم بارك الله فيك بصحتكم
__________________________________________________ __________
>>>> الرد الثالث :
وفيكم بارك الله
__________________________________________________ __________
>>>> الرد الرابع :
بارك الله فيك
__________________________________________________ __________
>>>> الرد الخامس :
slm khti ya3tik saha wlah chahitina ana mama algeroise wlmtaem aki 3labalk plat algerois madirlouch rand wras el hanout
dirlou darsa saha ftorek
رد مع اقتباس
