عنوان الموضوع : لص الغسيل مشكلة
مقدم من طرف منتديات العندليب

السلام عليكم ورحمة الله وبركاته
اليوم رايحة نطرح عليكم موضوع ممكن يضحكم لكنو حساس للغاية
لص الغسيل
ظاهرة سلبية تفشت في مجتمعنا ..تغسلي الملابس وتنشريها تخرجي تلقاي غير البلاصة...او انك تمري بالصدفة وتلقاي ملابسك للبيع..او انسان لابس ملابسكم بلا ما تصدقيها
كم من النساء اضاعت ملابسها وافرشتها؟؟ ..والكارثة انوا بعض الجيران لما يلقاو الغسيل مرمي عندهم ما يحاولوش يرجعوه لصاحبو ..او حتى ينشروه لربما يتمكن صاحبو من مشاهدته .او لما يشوفو اللص هارب بالملابس ما يحاولوش يوقفوه ...
اغلب السرقات تتم في النهار لانو في العادة السيدات تدخل الغسيل بالليل ؟؟وكأن اللص متربص بنا

سيداتي حبيت ناقشو مع بعض هاذ الموضوع ..اسبابه؟؟طريقة التعامل معه ؟؟
كيفاش نتصرفوا لو ان غسيلنا سرق؟؟ او كيفاش نعملو لو أن غسيل الناس سقط في ممتلكاتنا ؟؟كيفاش نعرفوا
لص الغسيل؟؟؟
واش العمل لو اننا مسكنا اللص؟؟



منقول



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حقيقة حنا نسكن في الطابق السفلي وقت القيلولة يسرقوا الملابس خطرة حكمتوا عيني عينك ناض يضحك وراح ولينا ننشروا ونقعدوا عساسين حتي ينشفوا ربي يهدي الناس

__________________________________________________ __________

>>>> الرد الثاني :

الصراحة البارح لفتة بالي هاذ الظاهرة لانو سيدة تنشر و طاحلها قميص الطفل خطفو و هرب انا نقول من الاحسن المرأة تنشر في بيتها راهم كاينين هاذوك لي ساش لينج

__________________________________________________ __________

>>>> الرد الثالث :

مشكورين على المرور

__________________________________________________ __________

>>>> الرد الرابع :

انا حسبت هذا الصوالح صرات غير لما كنت ف الجامعة
اما
باش تلحق للمنازل و يطيروا بهم في النهار القهار هذه اخر حطة

راكم ف دزاير

نورمال

__________________________________________________ __________

>>>> الرد الخامس :

حنا ننشرو في السطح نتاع دارنا و مرة خرجت الطابي فوق البالكون و طاحت سرقهالنا جارنا عيني عينك هههههه
و مين مالقيتهاش سقسيت ولاد الحومة قالولي فلان دخلها لدارهم استخيلو راح بابا جابها قاله لقيتها مرمية
فسرتها 100 تفسير و ملقيتلهاش تفسير