عنوان الموضوع : عرضة الزربة اللي درتها لصحب راجلي اتفضلو باش تعلقوا
مقدم من طرف منتديات العندليب

السلام عليكم حباباتي : اليوم حبيت نشاركم العرضة اللي درتها لصحاب راجلي سميتها عرضة الزربة على خاطر راجلي جابلي القضيان على 3.30 نتاع لعشية وقالي راني عارض 3 صحابي حمريلي وجهي يمالا مع زعاف مع حصلة توكلت على ربي وقلت باسم الله وعلى الكوزينة وهذا واش قدرت نطيب نتمنى يعجبوكم :


اولا هذي المايدة الجمل بما حمل ناقصة منها بسبوستي لعزيزة والحليب نتاع البقرات راجلي قالي صحابي موالفين يشربو الحليب ورا العشا ايا حطيتلهم لحليب


هذا طاجين الزيتون بالكفتة والشونبينيو


وهذي المقلوبة نتاع حبيبتي ام رامي الف شكر ليها بصح راهو التطبيق ناقص راكي عارفة الوحدة كي تعود وحدها ما تلحقش تدير كلش


هذي السلاطة نتاع بيطراف وزرودية وجلبان و وبطاطا وبيض ومايوناز وبيض


وهذوما لي شوصون محشيين بالجاج والمرقاز والطون والفرماج والزيتون والفلفل حار وجاو روعة ومعاهم سلاطة الخيار مع الزرودية المقلية مع الخس


الديسار كان حب الملوك والنيكتارين



هذي كسرة الرخسيس

وهذي بسبوستي الي في كل محضر تحضر ههههههه امممممممممممم تهبل

وهذي المايدة في الحلقة الاخيرة



هذي الصورة دارها وليدي للمايدة كيما شافني نصور هز الايفون وقالها اضحكي نصورك ههههه عمرو ثلاث سنوات ربي يحفظو ويبارك فيه







وربي يعيني عل الماعن غدوةههههههههههههه راكم علابالكم الدوخة نتاع السكر طالع هابط ونتاع الوحم وراني في حالة يمالا سلااااام ودعوة خير من عندكم تكفيني ادعيولي ربي يشفيني وتمملي حملي بخير ويحفظلي راجلي واولادي



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بارك الله فيك الله يعطيك وقفة سهلة ان شاء الله و يحفظللك اللاولاد و الزوج

__________________________________________________ __________

>>>> الرد الثاني :

ممممممممممممم ما شاء الله عرضة و عليها الكلام يعطيك الصحة


__________________________________________________ __________

>>>> الرد الثالث :

rabi ykalik rajlek w wledek nchalah wya3tik esaha.........

__________________________________________________ __________

>>>> الرد الرابع :

ماشاءالله يعطيك الصحه اختى لحقتي تديري هدا كامل برافو عليك
قوليلي اختى عندي مشكل مع المرقاز كي نقليه ونحطو يطلق بزاف ليدام كيفاش درتيلو انتى
وفي الاخير بصحتكم وربي يتمملك حملك ويعطيك وقفه ساهله يارب وربي يحفظلك عائلتك

__________________________________________________ __________

>>>> الرد الخامس :

الله يبارك عشا بالطبع ..ربي يحفظلك لولاد ويعطيك وقفة ساهلة .