عنوان الموضوع : هل ضعفي في الرياضيات في السنة الثانية يأثر عليا في الباك ؟ لتحضير البكالوريا
مقدم من طرف منتديات العندليب

هل ضعفي في الرياضيات في السنة الثانية حيث كنت نجيب معدلات ما بين 8 و 9 يأثر عليا في الباك
يرجى اجابتي



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اخي انا تعلمت ف حياتي
انه لا شيئ مستحيل
عليك فقط بان تتعب تعبا لم تتعب تعبا مثله يوما
فقط توكل على الله ...... تابع استاذك و عند عودتك للبيت حاول ان تحل اكبر عدد تمارين ف حياتك
و لكي اوضح الامر حاول ان تحل عددا من التمارين ف اليوم الواحد
يوما بعد يوم ضاعف العدد و لن تندم فاغلب التمارين متشابهة
و اغلب الظن انك ستجد تمرينا ف البك كنت قد حللته
..و ربي يوفقك
ما تطلع و تحبط ما والوا نعرف بزااااف ناس كانوا كيما انتا و جابوا الباك بعلامات ممتازة
فقط توكل على الله و ادرس و اجتهد بقدر ما تستطيع

=========


>>>> الرد الثاني :

تقدر تجيب نقاط عالية في الباك لان

اولا كاين دروس جدد كامل يعني ماشفتهمش من قبل ( الدوال الاسية و اللوغارتمية و الاعداد المركبة و اشياء جديدة في المتتاليات و الهندسة في الفضاء...........
يعني تركز او تفهم الدرس مليح تحل التمارين و اذا مافهمتش لازم تسقسي ما تحشمش يعني نص الدروس جديدة عليك ما تحتاجش السنة 2 مليح في حالتك
الرياضيات هي الحل
حل تمارين بزاف باه تضمن
او ماتملش اذا مافهمتش سقسي الاستاذ يعاودلك او دير الكور او القرايا تاع الدار هي الاهم لازم تتعب في الدار ما تروحش ترقد
ربي يوفقك
هذا كان رأي تاعي انا
نتمنى كنت فدتك بهدرتي

=========


>>>> الرد الثالث :

اخي عليك بالعمل فقط ربما تعثرت في السنة الثانية لاسباب لانو على حسب ما تقوله و سؤالك هذا لديك الرغبة في الحصول على نقاط ممتازة مادام عندك الرغبة متخافش قاع العمل في المنزل القسم و حتى الدروس الخصوصية لكي تصل الى مرادك

و ربي يوفقنا جميعا انشالله

=========


>>>> الرد الرابع :

السلام عليكم . اخي abdouv . واشنوا هاذي الهدرة . انا عقبت الباك العام لي فات ونجحت والحمد لله واخذت 14.5 فالرياضيات مع انني فالثانية ماكنت نعرف والوا وعندما تذكر انني اخذت 7 في اختبار الفصل الاول في السنة الثانية اضحك كثيرا ..... ودير في بالك بلي الرياضيات وكل مواد الباك ماهيش كيما السنة الثانية . لانها محصورة في دروس وعفايس دائما يتعاودوا . لذلك توكلوا على الله فقط وماتتقلقوش فالله هو المعين ..... اتمنى ان اكون قد افدتك ولو بقليل والسلام عليكم ورحمة الله وبركاته .

=========


>>>> الرد الخامس :

خويا نعطيك نصيحة ادا راك باغي تنجح انسى حاجا سموها العام الماضي ما تفكرش فيه
وبدي من جديد نسا العام الي فات وبدي صفحا جديدا اقرا وتعب بسك ماكاش واحد يقرا
وما ينجحش ديرها في بالك ,,,,,,,,,,,,,,,,وتوكل على الله لانه لا يضييع تعب احد ,,,,,,,,,,,,بالتوفيق

=========


واش راك تخلط
تأثر عليك صح بصح اقرى عادى تجيب
انا جبت مات 3 مبعد فصل ثانى جبت 15
اقرى برك -_-


شكرااا بارك الله فيكم

Merci c pouuur moi ausii !