الاسبوع الثالث لدورة الرقي بمدبرة منزل مثالية من تجارب المنزل
عنوان الموضوع : الاسبوع الثالث لدورة الرقي بمدبرة منزل مثالية من تجارب المنزل
مقدم من طرف منتديات العندليب
يوم الاحدالسلام عليكم ورحمة الله تعالى
استيقضت قبل اذان الفجر تسحرت مع الاستغفار والتسبيح والصلاة على النبي كي اذن صليت والحمد لله التلاوة قريت صفحتين. الصلاة في وقتها.
لميت البيت وغسلت ماعن لفطور اطلعت على البرنامج وقررت نوجد شخشوخة العيد عجنتها وخليتها ترتاح. نضت نقيت الدوش والتوالات الغداء كان باقيلي.غرفة الجلوس هي نفسها الهول حطيت قدامي 2 بسينات وحدة تاع الصابون ووحدة للتشلال واسفنجة وبديت بالبلافو ولي gورج مسحتهم وزدت لي ليستر حكيت الحيوط وشللتهم وزدت الطاقة والبلاكار وزدت 2 بيبان تاع لي شمبر اللي كاينين في الهول نظفتهم وبالماءهذاك فوتو على كامل الدار ونشفت كلش هذاك هو وقت الغداء تغدينا غسلت لماعن بعد الضهرصليت وقيلت شوي طيبت الشخشوخة كان باقيلي من الطارطة شربو بيها الحليب درت فطوري بعد العشاء فتت الشخشوخة وفي اكياس الى الكونجلاتور.
عادي فرش اسنان وماكياج خفيف وتعطير
راني مع المراجعة اليومية لاولادي ومرة على مرة يشاركوني في ترتيب غرض او اعداد المائدة ............
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يوم الاثنين
السلام عليكم ورحمة الله تعالى
بعد ما تسحرت اديت صلاتي حاضر مع الاستغفار والتسبيح والصلاة على النبي . باقي الصلوات في وقتها والحمد لله الحفظ بديت سورة العلق مع بنتي . قراءة سورة الاخلاص 10 مرات والفاتحة 10 قبل النوم الاستغفار طول النهار.
فرغت الببلوتاك من لماعن غسلتهم شللتهم ويقطرو ونظفتها من فوق ومن داخل نصبت الغداء ونشفت الدار على خفيف كانت نقية بعد الغداء غسلت لماعن صليت الضهر ورجعت لماعن لبلاصتهم
ريحت شوي كنت تعبانة بعد ما شربو الحليب وجدت فطوري بعد الغشاء ريحت عند الميكرو والى النوم
مراجعة الرياضيات والفرنسية وعملتلهم املاء لتحسين الخط
وراني نوضهم الصباح على 6 باش يحفضو.
__________________________________________________ __________
>>>> الرد الثاني :
الثلاثاء
السلام عليكم ورحمة الله تعالى
استيقضت على 4 و45 تسحرت مع الاستغفار والتسبيح والصلاة على النبي كي اذن صليت والحمد لله التلاوة في الحزب 12+الصلاة في وقتها+الدعاء طول اليوم.
لميت البيت وغسلت ماعن لفطور نقيت الدوش والتوالات كنت تعبانة شوي نظفت الدار على خفيف وبما نو ما عنديش البونكات في غرفة الجلوس فيها الطابي والمطارح غلافاتهم نظاف تهنيت. نصبت الغداء رتبت بلاكارات الكوزينة غسلت القش بعد الضهر خرجت درت دورة نشوف قش العيد رجعت ميتة بالعياء درت فطوري .
وتعطير
المراجعة اليومية لاولادي لا اغفل مع ايقاضهم على6 صباحا للحفظ حيث يكون الذهن صافي ومرتاح
__________________________________________________ __________
>>>> الرد الثالث :
الاربعاء
السلام عليكم ورحمة الله تعالى
استيقضت قبل اذان الفجرتسحرت وقريت في المصحف حتى وصل وقت الصلاة صليت مع الاستغفار والتسبيح والصلاة على النبي +الدعاء طول اليوم رانا في ايام مباركة.
بعد الفطور غسلت ماعن لفطورلميت البيت نقيت الدوش والتوالات نصبت الغداء رحت لغرفتي مسحت البافو ومسحت الخزانة من فوق وعاودت رتبتها نظفت بيبانها ومسحت المرايا +لي تابل دو نوي +لا كوافوز+ طابلة المكرو +باب الغرفة سيقت كامل الدار ونشفتها لبست بنتي هذاك هو 9و15 طفيت على الغداء وخرجت شريتلهم القش بعد الغداء غسلت لماعن صليت الضهر والى القيلولة بعدها نقيت الغرس للمقروط وعملتلهم طمينة للحليب وجدت فطوري بعد الافطار غسلت لماعن وصليت العشاء فرزت القش الخزانة لميت اللي يترقع والباقي طبقتو بعدها جيت نكتب تطبيقي ما قدرتش رقدت بعد ما قريت سورة الملك والاخلاص 10مرات.
وتعطير
المراجعة اليومية +درتلهم في الميكرو تعلم لالفابي واناشيد بالفرنسية.
__________________________________________________ __________
>>>> الرد الرابع :
الخميس
السلام عليكم ورحمة الله تعالى
استيقضت قبل اذان الفجر تسحرت مع الاستغفار والتسبيح والصلاة على النبي كي اذن صليت والحمد لله التلاوة في الحزب 16+الصلاة في وقتها+الدعاء طول اليوم.
لميت البيت ونقيت الدوش والتوالات غسلت الطاقة تاع غرفة النوم حكيت الحيطان وسيقتها وبدلت الديكور سيقت كامل الدار الغداء كان باقيلي .في المساء وجدت فطوري
وتعطير
مراجعة خفيفة خليتهم يخرجو قدام الباب يلعبو ويريحو يعني فترة راحة
__________________________________________________ __________
>>>> الرد الخامس :
الجمعة
السلام عليكم ورحمة الله تعالى
الصلاة+الاستغفار +التسبيح +الصلاة على النبي +الدعاء طول اليوم.
لميت البيت ونقيت الدوش والتوالات نصبت الغداء طبقت القش وفرزت اللي يترقع بجهة واللي يتحدد حددتو لمعت زجاج نافذة الهول والنافذة الاولى تاع الصالة رحيت الغرس ونكهتو للمقروط وجدت العشاء بعدو غسلت لماعن وزدت نقيت لماعن تاع الماء بعدها بسست دقيق المقروط والى النوم
مراجعة مواد الحفظ صبيحة الجمعة وعودتهم يحسو بمسؤوليتهم تجاه غرفتهم يرتبوها ويحافظو عليها نظيفة
رد مع اقتباس
