عنوان الموضوع : جاري فريك من مطبخي طبق جزائري
مقدم من طرف منتديات العندليب



وصفة الجاري لي كل واحدة ديرو على طريقتها حبيت نوريلكم طريقتي ومع أني وعدت الاخت فايزة 44 باش نوريلها الجاري نتاعي نتمنى يعجبكم نخليكم مع الوصفة

المقادير:
-3 حبات بصلة صغار أو حبة كبيرة بصلة
-حبة متوسطة طماطم
4 فصوص ثوم
شوي دبشة مربوطة بخيط يعني ربطة صغيييرة (أنا مدرتش )
التوابل (( 2 م ص ملح ، م ص فلفل أسود ، ،2 م ك كسبر ))
3 ملاعق كبيرة زيت
لحم كيما تحبي ديري

في القدر او الكوكوط حطي شوي زيت قطعي البصل والطماطم والثوم وحطي اللحم والتوابل يتقلاو كامل غي شوي




من بعد زيدي شوي ماء حتان يتغطاو المكونات


خليهم كي بيداو يغليو أغلقي الكوكوط ونقصي النار وخليه يطيب لمدة 30د على حساي اللحم لي درتيه

كي تفتحي الكوكوط اجبدي اللحم حطيه في صحن وحدو والباقي مسكسيهم بالميكسور ملييح وصفيهم لازم لان راح يكون قشور الطماطم وعظم اللحم رجعي اللحم في الكوكوط مع شوي حمص طايب ورجعي المرق لي صفيتيه مع اللحم والحمص بشوي لان يكون بقايا التوابل في قاع الوعاء لي صفيتي فيه وهاذوك البقايا ملازمش ترجعيهم لان راح يجي الجاري بايز ههههههه OK؟؟
أضيفي كأس ونصف ماء مرقي بيه + م ك طماطم مصبرة أو كيما تحبي وخليها تغلي لدقيقتين من بعد زيدي الفلفل ونصف كأس أو فنجان فريك


خلي الفريك يغلي لنصف ساعة على نار هادئة وحركي ساعة على ساعة كي تذوقيه تلقاي حبة الفريك طرية

تفضلو ذوقو جاري من مطبخي مع كسرة رخسيس جربو طريقتي راح تعجبكم



تحياتي أحبتي دمتم بخير ان شاء الله


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرررررررررررررررررررررررررررررا حبيبتي جوزيت الجنة ، شكرررررررا على الوصفة ، واسمحيلي تعبتك معايا حبيبتي
نجربها قريبا

رب يعطيك ما تتمناي ياغالية ، تقبلي فائق احتراي وتقديري

__________________________________________________ __________

>>>> الرد الثاني :

يعطيك الصحة حبيبتي وربي يحفظك من كل سوء


__________________________________________________ __________

>>>> الرد الثالث :

لا با أختي فايزة متعبتيني ماوالو درتو للغداء وحبيت نفيد بيه الاخوات ككل

__________________________________________________ __________

>>>> الرد الرابع :

ممممممممم ريحتو لحقتني لهنا شكرا

__________________________________________________ __________

>>>> الرد الخامس :

بارك الله فيك