عنوان الموضوع : لي طارت بكريمة الليمون من كوزينتى قاطو جديد
مقدم من طرف منتديات العندليب

البارح درت لي طارت بكريمة اليمون
جبتلكم اتشوفوهم
ماتضحكوش عليا
المقادير
مقادير العجينة
500غ زبدة
2بيض
2صفار بيض
100غ سكر رطب
نصف مغرف لافاني
فرينة
مقادير الكريمة
4 بيضات
150 غ سكر
100 غ زبدة
عصير ومبشور زوج حبيبات قارص ولا 3
م ص نشاء

الطريقة
نخدمو الزبدة مليح من بعد نضيفو السكر الناعم نخلطو حتى يذوب السكر فيها من بعد نضيفو البيض +الصفار
نخلطو مليح ولافاني والفرينة حتى نحصلو على عجينة طريفة خبيها في الثلاجة ترتاح شوية انا خليتها مدة ساعة وشوية
وفي الوقت اللي كانت ترتاح فيه العجينة
درت الكريمة
خلذت كل المقادير مع بعض مليح وحطيتهم فوق نار هادئة جدا
لازم تعسوها لانها بلخف تثقال وممكن تنحرق من تحت
كي كملتها
جبت لي مول تاع لي طارت
وبسطت فيهم العجينة
ودخلتهم في الكوشة يطيبو
بعذ ماطابو خرجتهم
خليتهم حتى لغدوى وعمرتهم
لانو تقذري تحبيهم راهم مايخسروش كي هوما كي الكريمة برك الكريمة خبيهم في الثلاجة وكي تحبي
اجبديهم وعمريهم بالكريمة










>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مممممممم روعة بارك الله فيك

__________________________________________________ __________

>>>> الرد الثاني :

يعطيك الصحة خاوك روعة ممكن تعطينا الوصفة تاع الكريمة

__________________________________________________ __________

>>>> الرد الثالث :



بارك الله فيك و الله يهبلووووووووووووووو تقول شريتيهم
و نزيد نقولك خدمتك متقونة جاو متحوفين و الله قلتهالك بكل صراحة

__________________________________________________ __________

>>>> الرد الرابع :

والله حشمتونى وشعتونى يعطيكم الصحة

واش لبنات تحوسو نزيدلكم فوطو شابة
ههههههههههههههــ

__________________________________________________ __________

>>>> الرد الخامس :

هادي هي اللي ستعملتها وبنتها رائعة صراحة
هاي المقادير اللي ستعملتها في كريمة الليمون
4 بيضات
150 غ سكر
100 غ زبدة
عصير ومبشور زوج حبيبات قارص ولا 3
م ص نشاء


المشاركة الأصلية كتبت بواسطة looona
يعطيك الصحة خاوك روعة ممكن تعطينا الوصفة تاع الكريمة