عنوان الموضوع : واخيرا بعد عدة محاولات وصفة نوتيلا قاطو جديد
مقدم من طرف منتديات العندليب

السلام عليكم اخواتي
شعال من مرات بحتت على طريقة صنع نوتيلا و جربي شعال من وصفة بصح مخرجتليش حساب كي لي بغيتها (متل التي تباع)
و بعد عدة محاولات (معضمها فاشلة اختكم اكتشفت الوصفة
المقادير :
لوحين شوكواطة 200 غ
قطعتين شكولا متل التي في الصوره
بضع قطرات من عطر الجوز و ليس بندق
150 غ زبدة
كوب مملوء حليب+3ملاعق اكل حليب بودرة
2.5 ملاعق اكل كاكاو+2 ملاعق اكل سكر عادي و تقدري تزيدي(حسب الدوق)
120 غ بندق مطحون مع ملعقه اكل سكر في مكسور (باش ينطحن جيدا)
رشة ملح
الطريقة:
على حمام ماءي في زلافة ضعي الشكولا تدوب ضيفي ليها الزبدة و خلطي حتي تدوب الكل ضيفي الكاكاو المغربل والسكر مع الخلط تم الحليب و رشة الملح و في الاخير البندق مع عطر الجوز يليق يكون الخليط جاري شوية و هدا عادي بعد ما تبرد تتجمد شوية
و ناكدلكم تجي كيما لي تنباع






لا تنسوني اخواتي بدعاءكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة تشهي انا جربت تاع كاكاو سكر حليب بودرة وزدتلها البندق المطحون ونكهة البندق جات هايلة

__________________________________________________ __________

>>>> الرد الثاني :

يعطيك الصحة

__________________________________________________ __________

>>>> الرد الثالث :

إممممممممممممم باينة تهبل
يسلمو إديك و مشكورة على الوصفة
و جازاك ربي بالخير حق تعبك

__________________________________________________ __________

>>>> الرد الرابع :

يعطيك الصحة اختي

رايحة نخلط وصفتي مع وصفتك وتخرج روعة.

الله يعطيك ويرضيك.

__________________________________________________ __________

>>>> الرد الخامس :

يعطيك الصحة جاتك تهبل و انشاء الله راح نجربها