عنوان الموضوع : انا اتعس مخطوبة 2
مقدم من طرف منتديات العندليب

شكرا اخوتي على ردودكم جميعا
بالنسبة للاخ الي قال انو ممكن عرفت واحد اخر وحبيت ننب ونتحب ...... راك غالط يا خويا الحمد لله ماشي هادي هي اخلاقي والله لا يوجد أي شخص اخر لا في فكري لا في حياتي بغيرو .....
كاين ناس بانلهم ماكان حتى مشكل لكن صدقوني تبدلت بعد ماتخطبت .....نقص وزني بشكل ملحوظ ...اصبحت احب العزلة ....اشعر باختناق دائم.....وان فكرت في الفراق ارتاح نفسيا ولا ادري لمادا ......انا ثاني حابة نرتاح ونتهنى في خطوبتي لكن والله ماقدرت
حابة نستراااااح ونريح
للعلم انا ادرس سنة اولى جامعي ومجرد ملحوظة صغيرة تحصلت على عامي الجامعي بمعدل 15 ذكرت هدا ليس للتفاخر او شيء من هدا القبيل
لكني احب دراستي ولدي طموحات اود تحقيقها واعتقد ان زواجي ينقص من حظوظي كثيرا
واظن ان والداي هما الملام الاكبر في القصة لانهما لم يستمعا الي فقدت صرحت برفضي في بداية القصة لكنهما عفسو على رايي وعلى قراري وحطما حياتي وحياة ولد الناس ....وانا كي نتفكر بلي هدا الزواج كان ماشي برضاي وماشي عن قناعه نبكي بحرقة
كيفاه والديا حيين وفي 2 قاريين ونتزوج بالسيف عليا .....ولوكان راني كبيرة ماعليش قال في صلاحي هدا وين راني في بداية ال 20 ......
انا مشكلتي الان مع والدي لا غير حطوني في موقف الي حطمني وكسرني دخلاني وخلا مني انسان ضعيف
ومشكلتي الاخرى اني ماقدرتش نقولو صاي او لد الناس ....هنا يحبس كلش
حابة نطرح سؤال وحدة خطبها واحد مسقم بالصح هي رفضت خاطر مازلت ماهيش حابة تتزوج ومازلت ماهيش قادرة على المسؤوولية
هل هدا عيب ؟ هل هدا حرام ؟؟ ياخي لا يكلف الله نفسا الا وسعها .الزواج رضا كيما يقولو
وفي الاخير نقول يا ربي ادا عاد هو مكتوبي رضيني بيه يا رب ......وادا كان ماهوش مكتوبي بعدني عليه يا رب


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أختي قريت موضوع الأول

مادام تبدل رأيي فجأة شوفي أرقي روحك بالك عين و لا حسد العين الحق

أما اذا انتي راكي رافضة ما تحتمش على روحك يا أختي مزلك صغيرة باينة مكيش مستعدة للزواج الأن

ديري الاستخارة و أبعثي مساج للخطيبك بلا ما تعيطيلو وأشرحيلو أنك مكيش مرتاحة و مش حابة تظلميه معكو استمحيه و خلي هو يتصرف

حتى كي تحبسو تكون عن رضى في زوج و أكيد هو راه يتفهم و ماش راح يدي وحدة مش باغياتو و انتهى أمر و خلاص

و ان كان راح يجي نهارو تندمي على تفريطك في هذا الرجل اذا كان لا يعبه شيء لكن علابالي الأن ما كيش راه تفهمي لأن مزال ما عندك خبرة في الحياة

__________________________________________________ __________

>>>> الرد الثاني :

شوفي اختي صدقيني ارضاي بواش كتبلك ربي تتهناي ادعي اللهم رضني بقضائك وبارك لي فيما قدر لي حتي لا احب تعجيل مااخرت ولا تأخير ماعجلت و
اسمحيلي ماتلقيش اللوم علي والديك لأنك انتي قبلتي بيه ودرتي أنا رأيي لازم يجئ لداركم تتلاقاي بيه وتتفاهمو علي الدراسة واكتبيها شرط في العقد اذا حب هاكي تضربي عصفورين بحجر واذا ماحبش راح ترتاحي مؤقتا لأنك كي تكبري تندمي لأنو الرجال نتاع الصح ولاو عملة نادرة كي تكبري تفهمي ولوكان تعيطيلو تقوليلو بطلت هاكا برك ممكن يشك فيك ويقول عندها واحد كيما ناس بزاف تخمم ربي يقدملك الي فيه الخير وقوليلنا أخبارك

__________________________________________________ __________

>>>> الرد الثالث :

واش رايحة نقولك يا اختي روحي ارقي
وصلي صلاة استخارة وحاولي تحكي مع ماماك بلعقيلة وقوليلها بلي مازلت صغيرة وحابة تقراي ومن بعد يجي الزواج حاولي تفهميها بلي ماكيش قادرة على المسؤؤؤلية قوليلها نفكها ذرك خير من نروح ونعاود نولي
المهم في الاخير نقولك ري يقدمك لللشيئ اللي فيه خيييييييير

__________________________________________________ __________

>>>> الرد الرابع :

السلام عليكم و رحمة الله و بركاته يا اختي من اتاكم من ترضون دينه و خلقه فزوجوه هذا وصية الرسول الكريم صلى الله عليه و سلم أختي ا1ذا كان ذا دين و خلق لا تتسرعي برده صلي صلاة الإستخارة و اسال عنه فان كان ذا دين و خلق و ارتحت في صلاتك لا ترديه و اذ الإشكال انك تريدين الدراسة فلا بأس شاوريه فلعه يقبل . و انصحك ان لا تتسرعي كما قيل في الردود الرجال عملة نادرة اذا كانوا ذوا دين و خلق

__________________________________________________ __________

>>>> الرد الخامس :

4444444444444444444