عنوان الموضوع : خبز فيسال pain ficelle
مقدم من طرف منتديات العندليب

مرحبا أخواتي جبتلكم خبز بنين بزاف مع الشوربات و المراقي و هو خبز فيسال اللي يتباع عند الخباز اليوم حنا نطيبوه في الدار الوصفة أمامكم ان شاء الله تعجبكم و لا تنسوني بالدعاء

حضري عجينة مخمرة 100غ يعني ديري 100غ فرينة و شوية خميرة و شوية سكر و جريهم بالماء دافي و خليها تخمر و في نفس الوقت ديري نصف كيلة حليب و نصف كيلة ماء و مغرف سكر و 50غ زبدة فوق النار يدوبو

كي تخمر العجينة المخمرة أرمي فوقها الخليط تاع الحليب و زيدي مغرف خميرة و شوية ملح و لميها بالفرينة حتى تتحصلي على عجينة طرية أعجنيها شوية برك و أخبطيها مليح و خليها تخمر في مكان دافي

كي تخمر كسريلها العجين يعني خبطيها شوية برك ثم رديها تخمر

كي تخمر شكلي كريات حوالي 60غ للواحدة و روليهم حتى تتحصلي على شكل خبزة تكون رقيقة جدا و طويلة شوية حطيهم في بلاطو مرشوش بالفرينة و دهنيهم بالبيض و طيبيهم و بالصحة و الهنا مليح مع الشوربة خاصة .




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

راائع بارك الله فيكي وبصحتك

__________________________________________________ __________

>>>> الرد الثاني :

هايل
شكرا لكي

__________________________________________________ __________

>>>> الرد الثالث :

شكرا لكي
هايل

__________________________________________________ __________

>>>> الرد الرابع :

رووووعة ياسمين جاك يهبلللل

ليك وحشة راكي طولتي الغيبة ان شاء الله تكوني بخير

__________________________________________________ __________

>>>> الرد الخامس :

المشاركة الأصلية كتبت بواسطة ميمنة الجزائر
رووووعة ياسمين جاك يهبلللل

ليك وحشة راكي طولتي الغيبة ان شاء الله تكوني بخير

الله يسلمك حبيبتي ميمنة و الله الحمد لله ان شاء الله انت و كامل البنات تكونوا بخير تاني