مساء الخير... عساكم طيبين ؟؟؟ ويارب تكونو طيبين ...
هذا موضوعي الاول بهذا القسم ... واتمنى انه ينال على اعجابكم ...
الموضوع من مجهودي ... وخاص لاحلى منتدي
اليوم بستعرض لكم احلى ماركة عندي ... راقية جدا ... وعندها ابتكارات من حيث الشكل والمضمون ... وتعتبر فعليلا ماركة النجوم ...
YSL
ماركتي الحبيبة ... احبها حييييييييييييييل ... راح استعرض معاكم منتجاتها وراح اذكر ايجابيات وعيوب كل شغلة انه استخدمتها من عندهم ... واللي تحب من البنات تضيف تجربتها حياها ... الموضوع ... نبدأ ... بسم الله الرحمن الرحيم

المنتج الاول هو برايمر انه استخدمته واعطيه عشرة على عشرة ... ممتاز جدا وعن جد يضفى على البشرة مظهر مخملي وناعم وصافي ومافيه اي لمعة وبنفس الوقت مايجفف البشرة... وخصوصا لما تستخدميه مع المنتجات اللي راح اذكرها بعدين ..
عيوبه بصراحة ماعانيت معاه ابدا ...






المنتج الثاني هو كريم الاساس ... مخملي وناعم وايد ... وفوق كل هذا جربيه بعد البرايمر وماراح تحتاجين لبودرة ... راح يكون لوك ناعم وكلاس ...
عيوبه انه يجف بسرعة ويخلص بسرعة بعد وثاني عيب يبي له تمرس يعني ياخذ وقت ليما تتقنين استخدامه ...



المنتج الثالث هو خافي العيوب ( الكونسيلير)
تغطية ولا اروع ... وبالفعل تحسينه يمتص كل تعب العين ويخليها تبان مرتاحة وناعمة ..
عيوبه مثل الاساس ينشف ويبي له تمرس ...



المنتج الرابع البودرة
رائعة جدا ... يتوفر منها لكل انواع البشرة ... الوان غنية وتتشربها البشرة بسرعة ...
ماشفت لها عيوب بصراحة ..



المنتج الخامس هو البودرة الحرة ( اللوز باودر )
انه ماجربتها بس بستعرضها



المنتج السادس هو البلشر ... البرونز
جربت نوعية ثانية وكانت الوانهم حلوة وقوية ... بس هالنوعية ماجربتها




نجي الحين لاصباغ الاظافر ( النيل بولش)
انه جربت نوعية وحدة منهم الوانهم تجف بسرعة وماتحتاج لاكثر من طبقة واضحة وتم مدة باليد وماتقشر بسرعة



هاااي النوعية اللي استخدمتها ... عندي اول واحد عاليمين واخر واحد باليسار
وجديدهم باصباغ الاظافر واللي اكيد انشاء الله باخذه ( فرنش مانيكير)



راح اكمل بصفحة ثانية حياكم ... تابعوني


عـــــــــــــــــــ نا ــــــــــــد

نجي لمنتجات العيون ...
طبعا الماسكرا اللي بغني عن التعريف ... طول وكثافة ... ومنظر خلاب للعين ... تتوافر منها العادية والمقاومة للماء ( وتر بروف)
عيوبها الفرشاة تتكثف شعيراتها وتصير مادري شلون كانها متجعدة ولاصقة ببعض ... ومرة خبرت موظفتهم عن هالشئ قالت لي مسحيها مرة وحدة بالكلينكس وبترد طبيعية ...




الكحل السائل ...

روعة روعة عن جد ... وتستخدميه بسهولة وخفة ودقة ...



ظلال العيون ( الاي شدو)
الوانهم حلوة ... بس ماحبيت شدوهاتهم قولو ليش ... كل ماشريت لون يتكسر لي وماقدر استخدمه مع ان الوانهم واشكالهم بالعلب وايد احبه ...






الحين نجي للشفايف :

المحددات ...
روعة عن جد وكريمية يعني ماتعانين وانتي ترسمين ...




الجلوسات
حلوين وايد والوانهم مثل اللي بالصورة ... يعني ماتعانين لحد مايبين اللون







الحين نجي للروجات
اول نوع وايد حلو تو ان ون ... يعني ماتخسرين وايد ... حلو وايد وعموما شهادتي في روجاتهم مجروحة ... لاني عن جد اعشق كل روجاتهم ....




وهاي الشكل الجديد




وبعد هالنوع




تابعوني ...

نكمل الروجات واخر نوع ... اللي حبيته من قلب ... وخصوصا الاحمر ... روعة عن جد ... ثابت ومايجف عالشفايف ...





الحين نجي للفرش ...

فرشهم وايد حلويين وصج لازم تجربوهم ... شعرتهم ناعمة ... وتنظف بسهولة ...





فرشاة البلاشر







فرشاة العين لرسم الكحل





فرشاة الاي شدو





لتوزيع البودرة






هاذي للدمج


بالنهاية اتمنى ان موضوعي عجبكم ... وحبيت انوه ان انه مااستعرضت كل منتجاتهم ... احتصرتها ... باحدث واحلى منتجاتهم ...

وللمرة الثانية والاخيرة ... الموضوع مجهود شخصي ... وعن جد تعبت عليه بس عشانكم يهون التعب ... واحب انه يكون حصري لبنات عروس بس ( اللبيب بالاشارة يفهم )

ومشكووووووووووورين