عنوان الموضوع : لكل من شاهد مباراة الجزائر لوكسمبورغ ادخلو ا من لهجات الجزائر
مقدم من طرف منتديات العندليب

عيدنا و دبحنا الكبش و قاعدين نتفرجوا في مباراة قمة روعة تحمل اثارة لا تصدق البالو هنا البالو لهيه فرص خطيرة يحبس معلها قلبك تطيح الماكلة منن يدكو اخييييييرا هداااااااف ماتتخلعوش هادي مش لماتش نتاعنا هادا نتاع الارجنتين و من بعد ما خلص جا ماتش الصماطة وين راهو البالو ماشفتوش شكون اللي كانو يلعبو ما عرفتهمش و بن شيخة صرعلي راسي وهو يعيط على جابو وفي الاخير 0/0 مع اضعف فريق في اوروبا و المندبة الكبيرة انها دكرى ام درمان بعد عام من التالق النتخب الجزائري المونديالي يحلم بتسجيل هدف فقط لكن اروع شيئ في المباراة هو الجمهور الرائع حسبتهم يلعبوا في 5جويلية والله ما تستاهلولم

الصور المرفقة
kkm32tmp.jpg‏ (8.9 كيلوبايت, المشاهدات 126)

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

والله وتشوفي انا ندريهم مهمش يلعبوا البالوا تقولي يلعبوا في الركبي واللي زاد خلاها زياني ماهوش في المستوى خلاص والله تقولي عماوعلى تسجيل الاهداف ربي يجيب الخير برك في ليامات لي جايييييييييييييييييين

__________________________________________________ __________

>>>> الرد الثاني :

هده هي السلعة ادي ولا ادي ما عندناش حل اخر وين راهم الرجالة تاع الصح بلومي ماجر ناهر شفت الماتش تاع خيخون بكيت عليهم ام هادو نتاع درك ما يهمهم غير الدراهم شكرا على المروراختي

__________________________________________________ __________

>>>> الرد الثالث :

السلام عليكم:
لا تتدخلن فيما ليس لكن فيه.

__________________________________________________ __________

>>>> الرد الرابع :

علاه لعبوا مليح وزيد يخي راهي مباراة ودية فقط وان شاء الله نربحوا تونس المباراة الودية القادمة ونربحوا المغرب في التصفيات

__________________________________________________ __________

>>>> الرد الخامس :

المشاركة الأصلية كتبت بواسطة الفارس الجدَّاوي
السلام عليكم:
لا تتدخلن فيما ليس لكن فيه.




لا لا اسمحلي هادا الشيء يخصنا ونص يا خي بلدنا اكل مش بلادك انت برك و العلم و النشيد الي يعزفوه قبل المباريات للجزائر وزمان المرا طيب في الكسرة راح