عنوان الموضوع : شكون تقوالي كيفها نغسل الهيدورة
مقدم من طرف منتديات العندليب
سلام لبنات شكون فيكم تقدر تفيدني بكيفية غسل الهيدورة تاع الكبش منيش حابة نحيلها الصوف حابة نخليها كيما راهي
مشكوربن
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
و عليكم السلام
نعطيك طريقتنا
اذا حبيتي تغسليها في نفس اليوم اغسليها عادي بالماء و اي نوع اومو الماء الساخن باش الوسخ يتنحى ماء سخون مش يغلي
كي تكوني تغسلس فيها خاولي تفكيك الصوف و نزع كل ما لصق بالصوف
كي تشوفيها تنقات صفيها مليح
خليها تقطر شوي من بعد انشريها حاولي تضربيها بعصا باش الصوف تتفكك و خليها تنشف
في العشية تكون نشفت من ناحية الجلد فرشيها على الارض من ناحية الصوف الجلد يكون فوق ذري عليه شوية فرينة و ملح على كامل الجلد خليها
و في الغد عليكي بحكها قبل ما يقسى الجلد
لماذا الحك لكي تتطرى الهيدورة و يكون الجلد ابيض
حكي الحواشي اولا لخطرش ينشفو بسرعة
كي تتعبي خليها و ارجعي ليها كي تريحي
حكيها بحاجة حرشة اي حاجة من الحجر او شيء حاد
__________________________________________________ __________
>>>> الرد الثاني :
بارك الله فيك
__________________________________________________ __________
>>>> الرد الثالث :
بالتوفيق حبيبتي
__________________________________________________ __________
>>>> الرد الرابع :
سلام عليك اذا مر اسبوع على الهيدورة يمكن تطبيق نفس الخطوات ام لا
__________________________________________________ __________
>>>> الرد الخامس :
شكراااااااااااااااا انا صراااااااحة للان مغسلتش هيدورة دائما نحي الصوفة منها