عنوان الموضوع : اسهل وابسط طريقة لطياب جاري فريك من مطبخي
مقدم من طرف منتديات العندليب



هاذي طريقة ساهلة ماهلة لطياب الجاري تاع الفريك وما فيهاش اي صعوبة
وماشي لازم يكون عندك كيلو لحم ولا عشرة انواع تاع توابل ولي ما عندهمش ما ياكلوش جاري بنين هاكم طريقة ساهلة وجربوها وقولولي



ناخذ القدر لي راح نطيب فيه ونصب فيه لتر ونص ماء ومغرفة زيت وشوي لحم انا حطيت 4 قطع



مغرفة كبيرة معجون طماطم وشوي توابل راس حانوت مهرسة مع الثوم وملح وشي بصل مرحي
نضيفهم في القدر ونخلط ونحط على النار



ولما يغلي نضيف الفريك انا درت 3 مغارف اكل



ونخليه يطيب



وهنا راو طاب وخثار اللمسة الاخيرة شوي دبشة وشوي كمون وشوي عود قرنفل مرحي ونطفي عليه

ونقدم







>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

امممم يعطيك الصحة ام ساجد شهيتيني
يعني ما نقليش من الاول نمرق مباشرة ؟؟؟؟؟؟؟؟

__________________________________________________ __________

>>>> الرد الثاني :

المشاركة الأصلية كتبت بواسطة oum ibrahim
امممم يعطيك الصحة ام ساجد شهيتيني
يعني ما نقليش من الاول نمرق مباشرة ؟؟؟؟؟؟؟؟

الله يسلمك ام ابراهيم لالا ما تقليش تنصبي كلشي في البرد
غير لفريك تلوحه كي يغلى الماء

__________________________________________________ __________

>>>> الرد الثالث :

و الله اقتصادية صح
يصح ماقليتيهاش ؟ علاه

__________________________________________________ __________

>>>> الرد الرابع :

يعطيك الصحة

__________________________________________________ __________

>>>> الرد الخامس :

اممم يا ام ساجد راكي شهتيني يبان هايل

ماتقليش راللحم تمرقي مباشرة