عنوان الموضوع : مشاكل كل انواع البشره في الصيف والحلول
مقدم من طرف منتديات العندليب

مشاكل كل انواع البشره في الصيف والحلول



المشكلة الأولى :011:
العناية بالبشرة
أنا عارفة إن دي أهم مشكلة بتهم كل البنات إن فيه ناس بشرتهم اتحرقت من الشمس أو اسمرت شوية نتيجة التعرض للشمس سواء كان التعرض ده نتيجة إن ظروف عملهم بتتطلب منهم الخروج اليومي أو لأنهم لسه راجعين من المصيف ونفسهم بشرتهم لونها يرجع زي الأول علشان كده ياريت إنك تاخدي بالك من شوية النصائح دي:
:027:
1. حاولي على قد ما تقدري إنك تبعدي بشرتك عن التعرض المباشر لأشعة الشمس خاصة في الفترة من الساعة 11 صباحا إلى الساعة 4 عصرا...
لو مضطرة قوووي وهتتعرضي للشمس يبقى ياريت إنك تضعي كريم للوقاية من أشعة الشمس وده هتلاقيه في الصيدليات بس خدي بالك إنك تختاري النوع المناسب لبشرتك وتحطيه على وشك وإيديكِ قبل الخروج من المنزل بربع ساعة.
:027:
2- إيه رأيك كمان لما تخلي الكام شهر بتوع الصيف دول فرصة إن بشرتك تستريح من المكياج أو على الأقل تقللي من وضع المكياج على بشرتك في فصل الصيف وده لأن فيه أنواع كتير من المكياج بيكون فيها مواد كيميائية ضارة بتتفاعل مع أشعة الشمس وممكن إنها لا قدر الله تسبب لك حساسية للجلد اللي بتظهر على شكل بقع بنية. كمان خدي بالك إنك ما تحطيش بارفان على جلدك وتتعرضي للشمس.

3- يا ريت إنك تبعدي نهائيا عن كريمات التفتيح وما تسمعيش كلام حد يقول لك إن الكريم ده مفعوله هايل لأن ببساطة شديدة جدا كل كريمات التفتيح دي مضرة جدا جدا للبشرة وده لأنها بتحتوي على مواد بتتفاعل مع الشمس وممكن إنها لا قدر الله تصيبك بسرطان الجلد نتيجة كثرة استخدامها.


خدي بالك :020:

طبعا احنا عارفين إن لكل نوع من أنواع البشرة طريقة خاصة في التعامل علشان كده هاقول لك ازاي إنك تنظفي بشرتك على حسب نوعها.



أولا البشرة الدهنية :011:

لصاحبة البشرة الدهنية ياريت إنك تغسليها ثلاث مرات يوميًّا باستخدام الماء والصابون المناسب لنوع بشرتك. علشان تتخلصي من الدهون الزائدة اللي بتترسب بمسام الجلد وتسدها.


ثانيا البشرة الجافة :020:

طبعا لأن البشرة دي بتتميز بالجفاف فتلاقي إنه من المناسب جدا إنك تغسلي وشك مرة واحدة أو مرتين على الأكثر يوميًا بالمية الباردة بدون صابون علشان الصابون هيزود جفاف البشرة.. ولو هتستخدمي صابون ياريت إنك تختاري الصابون اللي بيحتوي على زيوت زي زيت "الزيتون" أو" الجلسرين"....

كمان ياريت إنك تغسلي وشك بالمية الباردة أو الفاترة وتجنبي نهائيا استخدام المية السخنة في غسيل وشك لأنها ببساطة بتؤدي إلى زيادة جفاف البشرة.


ثالثا البشرة العادية :020:

ودي كفاية إنك تغسليها مرة في الصبح ومرة بالليل باستخدام صابون بيكون بيحتوي على زيوت طبيعية زي زيت جوز الهند أو زيت الزيتون.



إيه رأيك؟

إيه رأيك كمان إنك آخر اليوم بعد ما ترجعي من شغلك أو بعد ما ترجعي من المصيف إنك تعملي ماسكات طبيعية مغذية وملطفة وبتساعد على تفتيح البشرة ويبقى بكده إنت ضربتِ أكتر من عصفور بحجر واحد..

يلا نشوف مع بعض..

ماسك بياض البيض :011:



والماسك ده مناسب جدا لأصحاب البشرة العادية

المكونات :
• بياض بيضة.
• عصير نصف ليمونة.

الطريقة : :011:
اخلطي المكونات دية كلها مع بعض جيدا وبعد كده ادهني بيها وشك بفرشاة وبعد مرور ربع ساعة أغلسي وشك بالمية الباردة، كرري الماسك ده مرتين أو ثلاث مرات في الأسبوع وهتشوفي النتيجة بنفسك.

ماسك عسل النحل بالخميرة



والماسك ده مناسب جدا لأصاحب البشرة الجافة

المكونات:
• معلقة عسل نحل.
• معلقة لبن حليب طازج. :011:
• خميرة بيرة.

الطريقة:
اخلطي المكونات دي كلها مع بعضها جيدا وبعد كده ادهني بيها وشك بفرشاة بس خدي بالك إنك تبعدي نهائيا عن منطقة العينين وبعد كده سيبيه على وشك لمدة ربع ساعة وبعد كده اغسلي وشك بالماء الدافئ.. ممكن تعملي الماسك ده مرتين في الأسبوع وهتشوفي النتيجة بنفسك.


ماسك اللبن بالدقيق :011:



والماسك ده لأصاحب البشرة الدهنية

المكونات:
• 3 ملاعق دقيق.
• مقدار مناسب من اللبن الحليب.
• عصير ليمونة.

الطريقة :
اخلطي كل المكونات دي مع بعضها كويس لغاية ما تكون على شكل عجينة لينة وبعد كده حطيها على وشك لمدة 20 دقيقة وبعد كده اغسلي وشك بالماء الدافي كرري الماسك ده لمدة يومين في الأسبوع وابقي قولي على النتيجة.


:yaaahoooo دي كانت الحلول لأول مشكلة من المشاكل اللي ممكن إنها تقابلنا في الصيف :yaaahoooo

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكووره على الحلول

يعطيكي العافيه

دمتي بود يالغلا

__________________________________________________ __________

>>>> الرد الثاني :

واو روعـــــــــــــــــــــــــــــــــــــــــــــــ ــــــــــــة

__________________________________________________ __________

>>>> الرد الثالث :

ننتضر جديدك

__________________________________________________ __________

>>>> الرد الرابع :

ننتضر جديدكننتضر جديدك

__________________________________________________ __________

>>>> الرد الخامس :

واو ننت ضر جديدك