عنوان الموضوع : برنامج متكامل سهل وبسيط ورووعه للبشره والشعر .. جديدة
مقدم من طرف منتديات العندليب

برنامج متكامل سهل وبسيط ورووعه للبشره والشعر ..



السلاام عليكم ورحمة الله وبركاته ..

اليوم جايبه لكم برنامج متكامل للبشره والشعر سهل وبسيط وغير ممل وغير مكلف ..

بعطيكم طريقتي بالظبطواتمنى تمشون على البرنامج عدل علشان نتيجه مرضيه وهو مو ممل بالعكس خفيف مرره ..

كل يوم اثنين حناء للشعر وهي كالتالي ..

تطبخون نص بصله وكم فص ثوم في مويه وتصفون المويه وتعجنون الحنا بها مع كميه مناسبه من الزبادي وبيضه وفنجال زيت .. انا احط من خلطت زيوتي وهي رووعه طولت شعري في وقت قياسي بس ريحتها مو حلووه علشان كذا صرت احطها مع الحنا ولا عاد يطلع لها ريحه ..

تخلينه 4 ساعات واذا جيتي تتروشين خذي معك زيت مخلوط بسكر خشن كـ سنفره وفركي جسمك بها وكل ماطولتي في التفريك يكوون احسن ..

اذا طلعتي من الحماام حطي اي كريم مرطب او اي زيت تحبي ..
وشعرك امسحي عليه خفيف من تونيك الفازلين رووعه مرره ..

وكل جمعه سنفره وماسك للجسم والوجه ككل .. رز مصري مطحوون وعلبة زبادي حطيها وفركيها مثل السنفره لحد ماتنشف ويشربها الجسم وتروشي بعدها عاادي مثل ماتبين ..

واحسن صابونه للجسم اللي هي دووف لانها ماتجفف البشرره ..

بالنسبه للوجه والرقبه اللي هي اهتمام يوومي ..
كريم رتن اي + اي كريم مفتح تحبينه .. انا استخدم كريم كلين اند كلير لبشره فاتحه وصافيه .. طبي ورووعه يبيض مع الاستمرار وبـ 15 ريال ..

طبعاً الرتن اي بس اسبوعين وبعدها استخدمي كريم المفتح لحاله ,,

والصابونه وحده قديمه بالعسل لونها مثل العسل خماسية الشكل روعه مرره وبـ 5 ريال ..

اذا صحيتي من النوم غسلي وجهك وحطي الكريم اللي تبين انا استخدم بين يبيض وحلوو وهو تقدرين تستخدمينه ككريم اساس ومع الاياام يبيض ويعالج البشره وانا احطه بالمناسبات وبـ 8 ريال ..

بالنسبه لليدين والرجلين انا افضل كريم جليسوليد وانتم كل وحده حرره باللي تبي ..

وبالنسبه لي اخذ يومياً بودرة خميرة البيره بعد كل وجبه وتوني بديت فيها وكلهم يقولون وجهك ورقبتك ويدينك طالعه بيضااء مرره ولله الحمد ..

واخذلي حبوب فيتامينات كل سنه شكل كلمت الصيدلي اسئله عن الحبوب الي ابيها قال مو موجوده وهي للصحه عامه البشره والشعر والاضافر ..
وقالي الصيدلي انحك بفيتامين e .. اسمه e-400
يقول فيتامينات مامنها ضرر ابد ويقول ماراح اقولك تفتح البشره الا تبيض بيااض ملحووظ وقررت ان شاءالله اخذها ..

وبس وهذا هو جدولي المتواضع ..

واتمنى ان اكوون افدتكم بشي ..

وكل اللي اتمنااه منكم دعووه صادقه لاختكم في ظهر الغيب بأن الله يرزقني من حيث لا اعلم .. ويحقق جميع امانيي ..

والسلام عليكم ورحمة الله وبركاته ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

قاعده اكتب ساعه وين الموضوع ؟؟؟؟؟؟؟؟؟؟؟

__________________________________________________ __________

>>>> الرد الثاني :

سووري على الغلط المطبعي كتبت الموضوع من جديد ..

__________________________________________________ __________

>>>> الرد الثالث :

يعطيك العافيه \
سبحان الله

__________________________________________________ __________

>>>> الرد الرابع :

الله يسلمك حبيبتي منووره ..

__________________________________________________ __________

>>>> الرد الخامس :



يقيييم يااعسل