عنوان الموضوع : احذركم ياخواتي من نصابهٓ لبشرة بيضاء
مقدم من طرف منتديات العندليب

احذركم ياخواتي من نصابهٓ



بسم الله الرحم الرحيم ___
خواتي الغاليات طموح كل وحده فينا انها توصل لبياض وتوحيد لون لبشرتها ، وانا وحده مهوسه بالخلطات ولاتهمني الفلوس قد مايهمني الوصول والرضا عن الخلطه ،
المهم ؛ فتحت قناة الفراشه ولقيت اعلان لام بسام ( جعلها ماتتهنى بالحرام والله يقطع رزقها مثل ماضحكت ع وعلى غيري )
المهم انا انغريت بالعرض وقلت يابلاش الف وخمس ميه على بيا دايم وملفت
ودقيت عليها وحلفتها واقنعتني واقول لامي وقالت اخاف عليك من ضررها المهم امي طلبت تكلمها عشان تطمن علي اكثر وكان كلامها ذوق وحلفت وقالت انا اخاف ربي مستحيل العب ع احد واكل فلوس حرام وانا اخذها من دكتور ووو
اليوم الثاني حولت المبلغ لي ولاختي يعني ثلاث الاف
وجتني الخلطه عقب يومين وابدأ بالاستخدام توكلت ع الله ويوم بعد يوم ولااشوف اثر ادق عليها قالت اصبري اسبوعين وبعدها بتلقين لق واكمل الشهر ولااشوف اي اثر لا انا ولا اختي وادق قلتلها ماشفت شي وخلصت العلبه وكريماتك فيرانلفلي وطقته حرام عليك ووو
سكرت بوجهي وحظرت رقمي
المهم انقهرت بعد كم يوم ادق من شريحة اختي واسوي نفسي اطلب واغير صوتي وتحلف وتكذب باسبوع بياض صارخ دائم للابد وًً قلت لها اوك راح احولك واطيح فيها يالظالمه ووووو
والله حظرت رقم اختي فوراً مثل رقمي
وع فكره الى يومكم ذا هي مستمره
ولازلت ارسل لها من ارقام وترد علي ( انتي مريضه ومسكينه ) وتحظر الرقم علطول يطلع مقفل ولايوصلها شي مني
تكفون اي احد يعز عليكم حذروه منها
اللي ماتخاف الله باعت ذمتها عشان فلوس حرام

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حسبي الله عليهآأ انآ ما اوثق بالدعآيآت احس يكذبون دآيم لازم يكون مضمون و مجرب حقيقه مو دعايه ماقدر اصدق ع العموم يعطيك العافيه ي عسل

__________________________________________________ __________

>>>> الرد الثاني :

يعطيك العافيه اختي
وبصراحه انا انصح كل البنات ينتبهون من هالشي وفيه اشياء طبيعه مفيده وتفتح واذا مافادتك ماظرتك
الله يكون بعونك اختي

__________________________________________________ __________

>>>> الرد الثالث :

الله يعينك يا أختي و يقتص من هذه الظالمة اللي تاكل فلوس الحرام لا تخافي، الله سبحانه و تعالى يردلك حقك و هو بصير بالعباد أما بالنسبة للخلطة اللي استعملتيها و مافادتك احمدي الله أنها لم تشوهك أو تخربلك وجهك و الله المستعان حبيبتي.

__________________________________________________ __________

>>>> الرد الرابع :

بصراحه انا ما احب اجازف بالامور هذى ولله الحمد البشره عندي خط احمر
حتي مرطبات اي شى كيمياى ما استخدمه حبذا شى طبيعي ولا بلا
الله ينصرك ويهديها لرشدها وتبطل غوايه للناس

__________________________________________________ __________

>>>> الرد الخامس :

الله يلعنها ويلعن كل وحده تسوي هيج