عنوان الموضوع : تجمع الراغبات بالبياض
مقدم من طرف منتديات العندليب

تجمع الراغبات بالبياض



السلام عليكم ورحمة الله وبركاته

الموضوع باين من عنوانه للبنات الي عندهم

1- بهاق وحابين يوحدون اللون ..

2-ذوات البشره الحنطية والسمرة والراغبات في تفتيح وتبييض لون بشرتهم ..

وراح نستعرض اهم :

1- الكريمات

2- الابر

3- الحبوب

4- البخاخات

5- الصابون

واهم الفيتامينات المناسبة والي تساعد على تبييض البشرة لمن لديه بهاق او غيره ..

واتمنى كل وحده تقول تجربتها اذا كانت جربت او حد من افراد العيله جرب عندها واجت

معاه نتيجة ..

وراح ابدأ انا بتجربتي واقولكم ..

استخدمت حبوب الجلوتاثيون الي اسمها gluta30000 لمده 3 شهور وماطلعت لي ولا

نتيجه والسبب : ( المنتج تايلندي ومش اصلي ) لانه الادوية التايلندية معروف برخص اسعارها

ورخص المواد المستخدمه فيها حتى لما قلت للصيدلاني اني استخدمت جلوتاثيون قوته 30000

استغرب مني واحس انو ضحك علي بينه وبين نفسه .. المهم .. نصحني بالجلوتاثيون العادي

الامريكي الي تركيزه mg500 واستخدمته صارلي شهرين والنتيجه : لون موحد في

(بعض) مناطق الجسم .. وكنت استخدم صابونة الكركم واستخدم كريم southBeach

الوردي ويمكن اكون فتحت درجه او درجتين عن لوني الاصلي فقط .. حاليا وانا اتصفح لقيت

المدح الشديد على حبوب البنكوين وجميع منتجات البنكوين الايرلندية وافكر اخذها واستخدمها

بس انا خايفه انها ماتجيب نتيجه وتخيبني مثل ماخيبني الجلوتاثيون لانه الصيدلاني قال لي

انه الجلوتاثيون يوحد اللون ويعطي نظارة بس لا اكثر ولا اقل ويخفي الجروح لانه مضاد اكسده

قوي ويجدد خلايا الجلد ولكن ماله اي علاقة بتغيير لون الجلد كونه بروتين عادي يفرز من الكبد

وانا حاليا افكر ابتدي بحبوب البنكوين والدليل على انها فعاله غلاوة سعرها

واقبال الناس عليها ..


مع العلم اني انا ماعندي بهاق ولكن ابي ابيض


ناطرتكم ياحلوين

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لا تستخدمو الحبوب

اكيد مضرة مع الوقت

والله القرآن ينير الوجه ابتعدوا عن الخلطات الغير طبيعية

__________________________________________________ __________

>>>> الرد الثاني :

المشاركة الأصلية كتبت بواسطة مشكلة
لا تستخدمو الحبوب

اكيد مضرة مع الوقت

والله القرآن ينير الوجه ابتعدوا عن الخلطات الغير طبيعية

نورتي حبيبتي .. الحبوب في منها المضر وفي منها الغير مضر باذن الله بس الواحد لازم يعرف

شنو يختار ..

__________________________________________________ __________

>>>> الرد الثالث :

بنات الله يعلم ان هذا الموضوع القصد منه تثقيف البعض اللي يدوروا البياض وشغفهم الزايد في الموضوع يخليهم يتسببوا على اعمارهم نتايج الله يبعدها عننا وعنكم وللاسف مالقيت ولا تحذير واحد في موقع عربي وتحقيقا لسنه نبينا وعملا بقوله كما قال رسول الله صلى الله عليه وسلم(من كتم علم الجمه الله لجام من نار يوم القيامه) جربوا تكبوا هذي الجمله في جوجل وشوفوا العجب
Benoquin (Monobenzone) side effect
الاعراض الجانبيه للبنكوين (مونوبينزون)

كثرت في الآونه الاخيره حبوب وكريمات وابر احيانا البنكوين او المنوبنزوين وغيرها من الاسماء التجاريه مع ان الابر ممنوعه دوليا لاخطارها.
نجي للمفيد بشرحلكم ايش هذي الماده واستخداماتها
اسم الماده الفعاله المنوبنزون ولها اسماء تجاريه منها البنكوين والمنوبنزوين وغيرها
هذي الماده تعمل على قتل مادة الميلانين الملونه للجسم (حتى البيض عندهم هذي الماده بس سبحان الله لونها احمر وعند القمحين والسمر لونها بني ) وهي اللي تعمل حمايه للجلد بس اللي الماده عندهم حمراء الحمايه اقل لذلك يكونوا معرضين لسرطان الجلد اكثر عند استخدامها ممكن انها تسحب اللون حتى من الشعر الرموش الحواجب وتعدم الكبد والكلى تستخدم كخيار اخير لمرضى البهاق (البرص) اذا كانت نسبة البهاق 80% وفوق وضروري تكون تحت اشراف الطبيب وقبل استخدامها لازم يخضع المريض لعدة تحاليل
وعشان تفهموا اكثر كيف هذي الماده تشتغل بشرحلكم ايش هو مرض البهاق
هو خلل غير معروفه اسبابه يصيب جهاز المناعه في الجسم ويخليه يحارب الميلانين ويقتل الخلايا في بعض مناطق في الجسم
ماذا يحدث لو شخص سليم لا يعاني من البهاق استخدم هذي الماده
سوف تقتل الميلانين في البشره وسيتحول اللون للابيض حتى لو كان الشخص شديد السواد ولكن هذا اللون يكون ابيض شاحب اذا الشخص بذل مجهود رياضه مثلا تتحرك الدوره الدمويه ويمشي الدم اكثر في الجسم فاللون يورد لساعات محدوده
مثال للاشخاص اللي استخدموها..
مايكل جاكسن اصيب بالبهاق واستخدمها ماتلاخظونه دايم لابس جوانتي واكمام طويله وطاقيه ومغطي وجهه وشمسيه في عز الحر والشمس؟!!!

وللمعلوميه مايكل جاكسن مايطلع الا بمكياج روج ومورد للون وكان عنده ميك اب ارتسيت خاصه
الشخص اللي يستخدم هذي المواد ممنوع يتعرض للشمس لافترة الاستخدام ولا بعد مايخلص يودع نور الشمس مدى الحياه والنور اللي لونه ابيض والاشعه اللي تدخل من الشباك لانه معرض لسرطان الجلد بنسبة 100% في حال تعرضلها وكذا الواحد يدخل في مشكلة نقص فيتامين D لان هذا الفيتامين محتاج اشعة الشمس عشان الجسم يمتصه

نجي للمهم ماذا يحدث لو شخص سليم استخدمها ..
بعد ما يبيض بسنتين او 5 على الاكثر وبما ان جهاز المناعه عنده سليم سوف يرجع جهاز المناعه عنده يعمل ويحاول انتاج الميلانين وبكذا راح تنشط خلايا الميلانين بس مو في كل الجسم ياريت لا في اماكن واماكن وبكذا يصنف الشخص كمريض بهاق جديد

بعد الكلام الكثير هذا بختصرها لكم في نقاط
1) تسبب تلف الكبد والكلى
2)يجب استخدامها لمريض البهاق فقط بعد ان يطلعه طبيبه الخاص على اضرارها ويوافق عليها وبعد عمل التحاليل وتحت اشراف الطبيب
3) يجب عدم التعرض لاشعة الشمس والانوار البيضاء لانها تسبب السرطان

بنات لا تستهينوا في الكريمات والخلطات لان خطرها نفس خطر الحبوب والابر لان الجلد يمتصها وتصل للدم ومنها لكل اعضاء الجسم
(((تحذير من خلط الكريمات الطبيه ))
بنات اللي يعملوا خلطات لكريمات من الصيدليه مثل الدوكين وغيرها وخلطة جابر القحطاني
اولا عزيزاتي الكريمات هذي ما صنعت للخلط وانما كل كريم مصنوع لغاية طبيه ويجب ان تستخدم على مناطق معينه وليس كامل الجسم (اخلط ودهن ) لا لا لا .. ويجب ان تكون تحت اشراف طبي لان استخدامها في هذي الحاله يسبب اعراض انتوا في غنى عنها منها خلل في انتاج الميلانين بعد التوقف ينشط الانتاج وهذا اللي يسبب السمار اكثر من اول عند التوقف واللي جربوا هذي الكريمات راح يفهموا علي وراح تعدم طبقات الادمه في البشره فالبشره تتحول لحساسه جدا واغلب هذي الكريمات تحتوي على الهيدروكنيون وهذي الماده لو تعدت نسبتها 2% تكون جدا خطيره وممنوع تستخدم اكثر من 6 شهور تخيلوا ..
بنات احذركم اي منتج لازم تتاكدوا من مكوناته واذا له اعراض جانبيه او لا واذا لازم يستخدم تحت اشراف طبي او لا
في النهايه بنات انا اتاجر في منتجات التبيض واقدر اجيب هذي المنتجات واتاجر فيها بس مستحيل اقبل على نفسي ريال حرام لذلك الغايه من الموضوع ليس التسويق لمنتجاتي (وانا اقول هذا الكلام عشان ماتجي تاجره تتاجر في هذي المواد وتقولي هالكلام) واللي مهي ماخذه كلامي على محمل الجد تبحث في جوجل في مواقع الادويه الاجنبيه او تسال اي صيدلي او دكتور بنات جسمكم وصحتكم انتوا محاسبين عليها فلا تودوا انفسكم للتهلكه في الدنيا والعذاب في الآخره عشان التبيض
(((وهذا الموضوع للنقل اتمنى منكم كلكم نشره في المواقع والمنتديات ومسموحين لو ماقلتوا منقول)))
ما ابي منكم الا الدعوه في ظهر الغيب وسلامتكم

منقووووووووووووووووووووووووووووووووووووووووووووووو وول -.-

__________________________________________________ __________

>>>> الرد الرابع :

السدر يوحد اللون ويفتح البشرة يخليها نضرة كتير
أنا جربته من فترة وعجبتني النتيجة

__________________________________________________ __________

>>>> الرد الخامس :

المشاركة الأصلية كتبت بواسطة زين الرقة
السدر يوحد اللون ويفتح البشرة يخليها نضرة كتير
أنا جربته من فترة وعجبتني النتيجة

اختي عيب الخلطات انه مفعولها ابدا مو دائم