عنوان الموضوع : أريد شراء عجانة لكن محتارة الأجهزة الكرومنزلية
مقدم من طرف منتديات العندليب

مساء الخير عليكم نتمنى تكونو لباس
اريد مساعدتكم حابة نشري عجانة عجبوني تاع كونيود لمهاهم القطع تاع لترحي اللحم وتاع العصيير والمشينة لتحل التريدة
بصح خايفة يفسدو ليهليه دبروا عليا بالخصوص ليمجربينهم او نشري هدوك ليعجنو برك مافيهمش القطع
https://im32.gulfup.com/OYaM7.jpg



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي اشري لتعجن فقط راهم هايلين انا شريت لمع بعض والله ماني ندير بيهم اصلا يضرحوك

__________________________________________________ __________

>>>> الرد الثاني :

la meme question pour ce model

__________________________________________________ __________

>>>> الرد الثالث :

السلام عليكم و رحمة الله وبركاتة

شوفي اخني من حيت يفسدو بسرعة لا اضن دلك لكن المهم الدي يجب ان تعرفيه هو هده العجانة الملحقات نتعها عندها قواعد يعني مش علجال حبة جزر او خيار اواى كمية خضار تستخرجي العجان وتستعمليه سوق يتعبك تنضيفه و تجفيفه اكتر من الخدمة ليقدمهالك و زيد الموتور راه واحد يعني ريح تعبيه بلخدمات الصغيرة والغير متعبة اكتر من العجن ليتعب و يدي وقت وزيد العجانة تعجن خير من اليد.
انا براي الدراهم لتخسرهم في الاكسسورات زيدهم و جيبي عجان اكبر من هدا و امتن اما الاكسسورات اشرها وحدها ارخس و كدلك على قد حاجتك اليومية انا هداهو راي يوم لشريت الغجان اخترت اكبر شيء باش يتحمل و كدلك يقدر يعجن كمية لاباس بها بلا ميتعب اما الاكسسورات جبت كل حاجة وحدها
و العجان وضعت بمكان تابت و غطيتو و استعمله غير للعجن و الحلويات و هو جد مريح و مهم
اتمنى ان اكون افدتك .

__________________________________________________ __________

>>>> الرد الرابع :

انا عندي عقدة من الحاجة اللي تدير اكثر من وظيفة
في نفس الوقت


__________________________________________________ __________

>>>> الرد الخامس :

عجانة كانوود هايلة و ما تفسدش ( الأصلية طبعا ) شريتها عندي سنوات نعجن غير بيها و ندير بيها الحلويات خاصة الكروكي و ااه هايلة و عملية و شريت معاها غير رحاية اللحم نستعملها في بعض الأحيان ماشي بزاف إذن أختي اشري العجانة و الإكسسوارات تقدري تشريهم وحدهم