عنوان الموضوع : أي مدفأة بدون تهوية مضمونة؟ الأجهزة الكرومنزلية
مقدم من طرف منتديات العندليب

السلام عليكم
حابه نشري مدفأة غاز الي تلصق في الحيط و بدون تهوية مع العلم رايحه نديرها في الهول و عندي فيه تهويه
أرجو افاادتي وينها الماركه المليحه و السعر و الصوره ادا امكن في أقرب وقت
جعله الله في ميزان حسناتكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شوفي اختي ما ننصحكش بيها تماما انا عندي وحدة استعملتها في الصالون استعملها فقط في النهار و في الليل نطفيها مع العلم اننا ما نستعملش الصالون للنوم بتاتا لكن نظطر اني نخلي النافذة محلولة شوية باش تكون تهوية لانها بصراحة تطلق رائحة للغاز اما انت راح تستعمليها في الهول يعني ما كيش راح تطفيها في الليل و هذا خطر جدا و الله عن تجربة انا ما عجبتنيش و ندمت علاه شريتها سعرها حوالي 1 مليون عندها 3 سنوات و ارى انها تصلح للمحلات اي وين يكون تهوية مليح لان في المحلات البات يتفتح و يسمح بدخول الهواء كل دقيقة او اكثر .ارجو اني وصلتلك الفكرة

__________________________________________________ __________

>>>> الرد الثاني :

المشاركة الأصلية كتبت بواسطة ام البنتين
شوفي اختي ما ننصحكش بيها تماما انا عندي وحدة استعملتها في الصالون استعملها فقط في النهار و في الليل نطفيها مع العلم اننا ما نستعملش الصالون للنوم بتاتا لكن نظطر اني نخلي النافذة محلولة شوية باش تكون تهوية لانها بصراحة تطلق رائحة للغاز اما انت راح تستعمليها في الهول يعني ما كيش راح تطفيها في الليل و هذا خطر جدا و الله عن تجربة انا ما عجبتنيش و ندمت علاه شريتها سعرها حوالي 1 مليون عندها 3 سنوات و ارى انها تصلح للمحلات اي وين يكون تهوية مليح لان في المحلات البات يتفتح و يسمح بدخول الهواء كل دقيقة او اكثر .ارجو اني وصلتلك الفكرة


rabi yjazik okhayati

__________________________________________________ __________

>>>> الرد الثالث :

تدير الرطوبة( لميديتي) تقولشي المطر ينزل .

__________________________________________________ __________

>>>> الرد الرابع :

تاخره لكن هذه تجربتي أخطيك منها راهي دونجي ودير الرطوبة بزاف رجعتلي الدنيا سواد وانا قريب قتلتني خليتها شاعله فاليل كان البرد يقطع وفطنت لقيت روحي نتنفس بالسيف المهم ربي ستر .

__________________________________________________ __________

>>>> الرد الخامس :

مدفأة delonghi البيضاء هي أفضل مدفأة حاليا و بإمكانكم تركها تعمل طوال فصل الشتاء لأن بها thermo-couple هو المسؤول عن زيادة الحرارة أو تخفيضها حسب حرارة البيت كما يقوم بقطع الغاز آليا عندما تنطفيء الشعلة veilleuse .
كما تحوي على منفذ لطرد الغازات الى خارج البيت لكن ينبغي أن تكون هناك فتحة تهوية في الحائط المجاور لها.