عنوان الموضوع : البارح من قضايا الساعة
مقدم من طرف منتديات العندليب

السلام عليكم يا جماعة صحا فطوركم
وانا نشوف اليامات هذو الاولاد الصغار يوجود للعيد
جات في بالي يمات زمان لما كنت صغيرة كيفاه كنت
نوجد للعيد وواش كنا نديرو لما يجي العيد خاصة
اليامات لخرين نتفكر الحنة والحوايج والكيكينات والضفاير
وتخبو الحوايج ماكانش اللي يشوفهم ويشري كيما هوما
خبروني على زمان كيفاه لما كنت صغار توجدو للعيد
انا كنت لما نشري الحوايج نخبيهم باه ما يشوفوهمش بنات خالتي وندير الحنة ليلة العيد وشعري زمان مانروحوش للحفافة نديرو المساسك في شعرنا هههههه والصباح نوض نجري نغسل الحنة ونلبس حوايجي وشعري الكيكينات والمساسك على حساب لون الفستان ونروح نسلم على بابا الله يرحمو هو الأول الدراهم فاللعب ومن بعد يمى خاوتي ما نبوسهمش خويا الكبير ما يمدش الدراهم ونخرج نزوخ على البنات ونشري الالعاب البنبولة ههههههه ولحية بابا نظن تعرفوها
خبروني وخلونا نتفكرو صغرنا راني نستنى شكرا
ملاحظة: راني إتصلت بالاخت فلال الآن وطمنتني الحمد لله قالت الكل بخير اهلها وجيرانهم الحمد لله شكرتكم بزاف وقالت ممكن غدوى تحاول تدخل تشوف كان ماجاتش صحا عيدكم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

صح فطورك اختي مريم : انا تاني كنت كيما انتي نخرج نشري لحوايج معا ماما ... ومن بعد تدني اختي _دوقا راهي مزوجة _ و تشرلي لخواتم و سناسل و لكيكنات ............ لخاطر انا لصغيرة يعني لمازوزة تع ماما هكذا احنا نقول .............
و في عشا العيد ندير الحنة فالليل و اختي تديلي الشيشوار و نرقد و الصباح زعما نوض بكري و نعاون اختي بش تستوي الدار .........ماما كانت تروح تصلي في الجامع و من بعد نلبس و نخرج ....... و انا فرحنا للاسف كنت نطيح بزاف لخاطر نجري و نلعب......
و ربي يرحم الوالد تعك و يدخلوا للجنة و يجعلوا من اهل الجنة و اهل الخير
كنت نسلم على الوالدين الكريمين و يعطوني الدراهم و هكذا نكمل جميع ايام العيد
ولكن اختي مريم : انا دوقا كبرت و اختي تزوجت . والمسؤولية كامل ليا نحرج نشري حوايج و نرجع لدار ............. الايام تفوت بالخف و كامل نكبروا ............. المهم اختي تقبلي مروري مع انتظار الردود الباقية ........

__________________________________________________ __________

>>>> الرد الثاني :

المشاركة الأصلية كتبت بواسطة عائشة 18
صح فطورك اختي مريم : انا تاني كنت كيما انتي نخرج نشري لحوايج معا ماما ... ومن بعد تدني اختي _دوقا راهي مزوجة _ و تشرلي لخواتم و سناسل و لكيكنات ............ لخاطر انا لصغيرة يعني لمازوزة تع ماما هكذا احنا نقول .............
و في عشا العيد ندير الحنة فالليل و اختي تديلي الشيشوار و نرقد و الصباح زعما نوض بكري و نعاون اختي بش تستوي الدار .........ماما كانت تروح تصلي في الجماع و من بعد نلبس و نخرج ....... و انا فرحنا للاسف كنت نطيح بزاف لخاطر نجري و نزوح ...
و ربي يرحم الوالد تعك و يدخلوا للجنة و يجعلوا من اهل الجنة و اهل الخير
كنت نسلم على الوالدين الكريمين و يعطوني الدراهم و هكذا نكمل جميع ايام العيد
ولكن اختي مريم : انا دوقا كبرت و اختي تزوجت . والمسؤولية كامل ليا نحرج نشري حوايج و نرجع لدار ............. الايام تفوت بالخف و كامل نكبروا ............. المهم اختي تقبلي مروري مع انتظار الردود الباقية ........

السلام عليكم اختي عيد سعيد بما إنو نحكو على العيد
تقريبا نفس طريقتي برك انا ما نخدمش الشغل كنت مقلشة ما ندير والو لكن لما كبرت وكبرت وندمت وليت الشغل وما نخرجش من الدار نهار العيد وكان نخرج نروح للمقبرة نزور قبر والدي وخطيبي وأيضا صديقتي متوفية وبعدها نروح عند جداي اهل بابا نزروهم ونولي هذا ماكان وكنت الثاني عيد نستنى اهل خطيبي ربي يرحمو وهذا العيد سور تجيني امو شكرا وبارك الله فيك اختي

__________________________________________________ __________

>>>> الرد الثالث :

ربي يرحمهم على كل حال كامل نموت ............... و زيارة مقبولة ربي يدخلهم للجنة و يغفرلهم ذنوبهم و يرحمهم .................عيدك سعيد أنتي و جميع العائلة وكل عام و انتي بألف خيرااااااااااااا ............ايتها الصابرة .............. و كل عام ومنتدى الجلفة و اعضاؤه كبار و صغار اساتذة و معلمين بااالللفففف خيررر........

__________________________________________________ __________

>>>> الرد الرابع :

المشاركة الأصلية كتبت بواسطة عائشة 18
ربي يرحمهم على كل حال كامل نموت ............... و زيارة مقبولة ربي يدخلهم للجنة و يغفرلهم ذنوبهم و يرحمهم .................عيدك سعيد أنتي و جميع العائلة وكل عام و انتي بألف خيرااااااااااااا ............ايتها الصابرة .............. و كل عام ومنتدى الجلفة و اعضاؤه كبار و صغار اساتذة و معلمين بااالللفففف خيررر........

السلام عليكم أختي ربي يخليك حنونة وربي يرحم كل الموتى المسلمين وربي يرحم زينب الغالية يا رب
عيد سعيد ليك ولاهلك وكل عام وإنتم بالف خير شكرا

__________________________________________________ __________

>>>> الرد الخامس :

ربي يرحم زينب فراقها كان صعب ....ربي يصبر أهلها ...شكراااااااا لكي