عنوان الموضوع : الأغنياء الفقراء
مقدم من طرف منتديات العندليب

السلام عليكم ورحمة الله وبركاته

أهلا بجميع رواد منتدى المجتمع

لا يخفى على احدكم ما يحدث في هذا الزمن الذي نعيش فيه من تغير وانقلاب لموازين الحياة وقوانينها وشرائعها

ومن بين الأمور التي تلفت الانتباه في زماننا هذا كثرة الأغنياء وأصحاب الأموال الطائلة والعقارات المشيدة والمليارات

المكنوزة
سابقا ربما كان الأغنياء في البلدة الواحدة يعدون على الأصابع

ويحصيهم اللسان ويشار اليهم بالبنان

في حين في زماننا هذا الأغنياء لايعدون ولا يحصون لكنهم لا يحملون صفات الأغنياء أبدا

تجدهم أغنياء الجيب لكنهم فقراء القلوب والطباع والذهنيات والتصرفات

ليس للغنا أي أثر على قلوبهم ولا على طبائعم ولا حتى مظاهرهم


حساباتهم البنكية تكبر يوما فيوما ويكبر معها شجعهم وبخلهم ولهفتهم للدنيا

ويزداد معها جوعهم وعريهم

ولعلي هنا أطرح بعض الأسئلة للنقاش :

1- هل ترى أغنياء كثر في محيطك؟؟؟

2- هل أثر الغنا ظاهر عليهم في سلوكاتهم ومعيشتهم ؟؟؟

3- في رأيك لمن ولماذا يجمعون هاته الأموال التي تكنز فقط ؟؟؟
وشكرا لكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

في الحقيقة فيه ناس يسلط عليهم ربنا بلاء فيأخذ منهم القناعة
نجدهم يلهثون وراء الدنيا كالكلاب المسعورة يجمعون الاموال
و لا يستمتعون بها حتى يأتيهم الموت
اما الفقير فيرزقه الله بشيء من القناعة و الهناء و السعادة
فيعيشون حياتهم رغم قساوتها و صعوبتها يوم سعداء و يوم حزينين
لكنهم يستطعمون الحياة و هذا هو المهم


__________________________________________________ __________

>>>> الرد الثاني :

الصح يا سوسو في المحيط الي عايشة فيه رانا كامل من الطبقة المتوسطة مي حتا هاذي الطبقة و فيها طيقات .و انا نعرف ناس عندهم الدراهم و عندهم بزاف مي نقلك حاجة تحسب مساكين ماعندهمش حتى مرات يغيضوني نوغمالمو نديرولهم تضامن يا جدك كلشي يخممولو .نقلك حاجة الي عندهم الدراهم ربي راه يعاقبهم بالدراهم لانو انو تتخيلي عندك مال قارون مي ماتقدريش تصرفيه هذي كلي راكي فقيرة ديجا الفقير راهم خيرمنهم لانو ماعندوش.راهم يعبدو الدراهم يا جدك تقول تعماو و الا راهم رايحين يدفنوهم معاهم.نقلك حاجة هاذي السمانة كنا نقسمو في الكراطيب للي ماعندهمش في ليكول تتخيلي وحدا تقرى سنة اولى واش تقول للمقتصد متمدليش انا لانو بابا شرالي و عندي تتخيلي قسما بالله حشمت منو كون صبت رحت ليها و سلمت عليها يا جدك باباها ماشي خدام مي شبعانة و انا شفت ناس ياجدك يقاري الطونوبيل و يجي يدي الكتوبا تاع باطل لولادو لهلا تربحهم .انا دايمن كي نهدر على الدراهم نقول ان شاء الله يمدلي قدما نصرف برك المهم مانحتاجش لانو علاجالهم الخاوة راهم يتقاتلو.

__________________________________________________ __________

>>>> الرد الثالث :

كاين واحد الناس تحسب حجرة والله ما بليس ما يكل ما عنده ضياف ماولالو...........والدراهم لي عنده يعلم بها غي ربي سبحانه

وكاين واحد الناس مساكين بصح تحسب يخاصوا الدوفيز..............ربي خلقوفرق وزيد ربي يعطيك حاجة وينحي عليك حاجة

هذي هي الدنيا..........شكــــــــــــــــرا للمــــــــــــوضوع

__________________________________________________ __________

>>>> الرد الرابع :

ونحن الفقراء رانا الحمد لله



__________________________________________________ __________

>>>> الرد الخامس :

شكر لكي لكن أول هذه علامة من علامات قيام الساعة ............. يكثر أغنياء


1- هل ترى أغنياء كثر في محيطك؟؟ ؟

نعم أكثر من الفقرء و كان عندي صدقي ا من أغنياء

2- هل أثر الغنا ظاهر عليهم في سلوكاتهم ومعيشتهم ؟؟؟

لا لا لا والله مالهم كله دهب في الخمر وز*** ومخدرات

3- في رأيك لمن ولماذا يجمعون هاته الأموال التي تكنز فقط ؟؟؟
وشكرا لكم


ليبنوا طريقهم الى جهنم هي لا تكنز بل تبذر


وكل مالهم من الحرام 100% أما من الرشوي أو السرقة أو التحايل أو الربا