عنوان الموضوع : ما رأيـ ـــ ـكم تم حل المشكلة
مقدم من طرف منتديات العندليب

السلام عليكم : ما رأيكم في هدا التصرف
شاب في 21 من العمر رأى فتاة درست معه عام في الجامعة رأى بعض الايجابيات لم يكلمها آطلاقا
يريدها زوجة هو الآن يدرس في الجامعة و هي هناك يراها في بعض الاحيان فقط لايتابعها لكي لا يمرض و لايجري ورائها و لا يديرونجيها و لا يخزر فيها تلك الخزرات
هي لا تعلم اطلاقا ما برأسه يريد نهار يكتب ربي يروحلها للدار
لكن هي من بلدية وهو من بلدية لكن من نفس الولاية و لكن لا يعرف مقر سكنها بالضبط يريد ان يفعل ما يلي :
1- باعتباره لا يسرب اخباره لاحد يريد ان يداسر طفلة و يخبرها ان تدهب و تسقسي الطفلة على ماكن سكنها لكن بهده الطريقة و بهدا القول / انت شغل شايفاتك في ميلة منين انت ....الفتاة المطلوبة سيكون جوابها : انا لست من بلدية ميلة : بل من بلدية ؟؟؟ .. الطفلة لي وصيتها : منين بالضبط سما انا موالفا نجي لتما .... الفتاة التي اريدها : انا من حي الفلاني . ... وهنا كانت اجابتها بدون ازعاج قالت مكان سكنها بالضبط .......
علما ان الطفلة سيوصيها هدا الشاب هي ايضا لا تعلم ما يدور في عقل هدا الشاب .
ثم نهار يكتب ربي و يوجد روحوا يروح لدلك المنطقة و يزيد يسقسي و من تم يتقدم لها على سنة الله و رسولة .. و يكون سؤال اهله : كيف تعرفت على الفتاة : سيكون جواب الشاب : شفتها فالجامعة و قرات معايا عام و عجبتني و انا ناويها للحلال و جامي درت علاقة معاه و جامي ديرونجيتها و جامي ...... ..الدهاب الى اهلها : كيف تعرفت عليها : نفس الجواب : قرات معايا فالجامعة
الفتاة : و الله جامي حطيتوا في بالي و جامي هدرت معاه و جامي درنا علاقة .. و جامي توقعت هدا الطفل كان يتبع فيا .
ليكن في علمكم ان هدا الشاب لديه انظف ماضي في الجزائر : لا علاقات لا تكحال لا والوا لا حكايات فالتيليفون لا والوا
لكن : يريد الهناء و يريد ان يبارك له الله في كل ما يملك و لأنه هو المسؤول أولا و أخيرا


فما رأيكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم

المهم البنت لي راح تسقسيها تكون فيها ثقة كبيرة
ومن الاحسن تكون اختك ان امكن ذلك

وعادي هكدا مافيهاش اشكال

ربي يكملك بالخير

__________________________________________________ __________

>>>> الرد الثاني :

السلام عليكم :
أضحك الله سنك أخي على هذا السيناريو و هذه الحسابات الدقيقة .
يـــــا أخي لماذا كل هذا الخوف و التعقيدات التي لا فائدة منها .
الطفلة عجباتك ..... تعرف بلديتها التي تسكن بها ........ سهل أن تعرف البيت إذن .
إذا كنت شايف روحك قادر على الزواج ....... تقدم مباشرة .
و دعك من هذه الحسابات و التخطيط السينمائي .

__________________________________________________ __________

>>>> الرد الثالث :

السلام عليكم اخي من رايي علاش ما تبعش الطفلة راك تقول من نفس الولاية تبعها باش تعرف البيت بلا متبعث اي فتاة وان شاء الله التوفيق.

__________________________________________________ __________

>>>> الرد الرابع :

السلام عليكم اخي
ضحكتني على الاسلوب فصحىة مع دارجة روعة
خويا علاه مكبر الحالة بزاف وخانق روحك وخايف الطفلة راك شايفها وواش هذي هي من بلدية وإنت من بلدية علاه هذي زادوها فالشروط ثاني يا اخي اعرف عنوانها ومن الاحسن ما تحكيش للناس لازم يكون مصدر ثقة يجيبلك العنوان اسأل عليها ولما تكون عرفت واش تحب وقت ما يكتب ربي تقدملها لكن الفتاة لازم تكون عارفة نواياك حتى ما يجيش آخر ويخطبها إنت ما ديرش جدول لانو ما تعرفش المستقبل وما راكش عارف إنو اللي قلتو هو راح يكون بالتدقيق عليها اخي ننصحك روح بالعقل سقسي قبل على عنوانها وروح سقسي على اسرتها وبعدها لازم تبلغ الطفلة بنيتك لانو هي الصح وتقدملها لما تنوي إن شاء الله وخلاص موفق



__________________________________________________ __________

>>>> الرد الخامس :

لاه تكسار الراس هذا كامل

خويا ننصحك اللي حاب يجيبلك عنوانها بالتفصيل نفضل أنه يكون ذكر بدل أنثى شوف كاش زميل ليك من نفس بلديتها و خليه يجيبلك الخبر لأنه الراجل عموما يحكمو فمو ماشي كيما الفتاة