عنوان الموضوع : لم أفهم لم ترفضني البنات مشكلة
مقدم من طرف منتديات العندليب

السلام عليكم
انا شاب عمري 29 سنة اعمل في روسيا
مشكلتي مع الزواج والله كل ما نرجع فاكونس للدزاير يقولولي لافامي نزوجوك فلانة راهي عاقلة و متربية و... نقولهم دبر راسكم و كل مرة ترفضني وحدة على جال سبب تافه وانا مانيش حاب ندي وحدة من برى حاب بنت البلاد اللي تفهمني و تقدر ظروفي و السهر و التأخير و تعيش معايا فالغربة خصوصا راني عايش وحدي و بزاف عليا والله عييت نفهم علاه بعد ماعنديش الزهر كرهت ازواج و كرهت نرجع للدزاير من لافامي اللي يقولولي علاه متتزوجش ....في بالهم لقيت و قلت لا ؟؟؟
مرة خطبولي وحدة رفض باباها ....انا بنتي ماتعيشش فالغربة وحدها
ووحدة اخرى ....مانتزوجش واحد مانعرفو ش خلاص
ووحدة اخرى ....ماتزوجش واحد يخدم فالاسلحة ..هاذي شرحتلها قلتلها راني نخدم فالمخابر عندي ماجستير صناعة الاسلحة قالتلي سما انت تخدملهم السلاح باش يقتلو العراقين و الفلسطينين ؟؟؟
يعني فالدنيا هاذي انا السبب في قتل الفلسطنين ؟ يعني الماريكان لالا و اسرائيل لالا و بريطانيا لا ...انا اللي نقتل فيهم ؟
الاخيرة هادي واش قالتلهم مانقدرش نتزوجو مبعد يقولولي الناس راجلك شباب عليك ؟؟؟
والله كرهت علابالي كل شيء بالمكتوب بصح مافهمتش علاه يصرالي هكدا ماني باشع ماني مهبول يعني الحمد لله
واحد ليجان يقولولي لبنات ذركا لازم حتى تمشي معاها باش تديها ....يعني لازم ندخل فالحرام باش نستقر
و راكم تعرفو فالغربة كثرو الحرامات و انا عايش وحدي و خايف من الحرام نتمنى تكونو فهمتو عليا



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

جيبها روسية وريح راسك ...ياخي مراة مراة .

__________________________________________________ __________

>>>> الرد الثاني :

أخي أنصحك ابحث عن شريكة لك في عائلتك اكيد لديك قريبات على الاقل وحدة من عائلتك تعرفك وتتفهم ظروف عملك وتقبل ان تعيش معك في الغربة وادعي الله في صلاتك ان يرزقك الزوجة الصالحة

__________________________________________________ __________

>>>> الرد الثالث :

أنا لست ادري كيف يقول الشباب انهم لا يجدون الزوجة أنا في محيطي سهلة جدا لا توجد هده المشكلة إطلاقا ........ياو مراهوش خدام و تزوجوه نورمال
و لما تزوج وجد العمل و الأبناء ماشاء الله .............................ربي يرزقك بنت الحلال يا رب ..............و اكثر من الدعاء

__________________________________________________ __________

>>>> الرد الرابع :

اخي شوف بنت خالتك ولا بنت عمتك لي قريبا ليك ولا واحدة من بنات او خوات صحابك وادعي ربي يسهلك ويرزقك الذرية الصالحة

__________________________________________________ __________

>>>> الرد الخامس :

كاين بزاف لبنات اللي يحبو يبعدو على البلاد بلاك محوستش مليح برك.انا عندي صحبتي خطبها واحد عايش في فرنسا وقبلت بيه مالقغي هو اصلا مسوفري في حوايج بزاف كيما الخدمة....تخلات حتى على poste تاعها التي مجات تلقاه غير بسيف .ربي يوفقها.