كنت أود أن تقولون لي مبروك لكن .........

[amira]

عنوان الموضوع : كنت أود أن تقولون لي مبروك لكن .........
مقدم من طرف منتديات العندليب

السلام عليكم

كنت عجلانة على هاذ النهار وينتا يوصل و يا ليتهم لم يصل

اليوم جاو أهل خطيبي لاتمام الخطبة خاطرش المرة الأولى حكاو غير في التيليفون

فوت انا وياه بزاااااااااااااف عامين و حنا نحبو بعض و كي قررنا نتزوجو صراولنا مشاكل بزاااااااااااااف في أول من أهله ما حبونيش مين أنا بنت الغرب قالولي ديتي
وليدنا هاكاك و قنعهم و ما سمحش فيا كي حلينا هاذ المشكل باننا مشكل آخر و هو أهلي قالولي بعيد و يخدم جادارمي راح تنغبني معاه بستة و ستين كشفة باش قبلولي المهم خططت
انا وياه و حلمنا و بنينا بيت في الحلم و جبنا أطفال و سميناهم و قلنا و أخيرا تحقق الحلم

اليوم جاو أهله لدارنا استقبلناهم احسن استقبال ( هو ماجاش خاطرش راه صطاج ) المهم ضيفناهم و امي احسنت معاملتهم المشكلة في زوجة عمي بقات تتفش فالهدر و طيحت بيهم
كي شورو قالوله مانولوش بلعباس بعيدة و زيد طيحو بينا و الله العظيم و الله العظيم درتاهم فوق ريسانا بصح مرت عمي خلطت كلشي و هو عمروله راصه و قالوهاله عيطلي اليوم
و قالي كلي مادرنا والو و قالي نسيني . قتلو اذا انت أمنت هاذ الشي و راك تقول بلي عايلتي طيحت بيكم ماكانش مشكل راح نبعد و قطعنا الاتصال .

قصتنا كملت رغم اني بديت نوجد فالزهاج و شريت حتى ليكادو اللي راح نديهملهم وجدت كلشي بصح باطل علابالي بلي مانلقاش كيفو بصح ادعول
و ربي يرزقو ببنت الحلال خاطرش طيب جدا و ادعولي ربي يصبرني على فراقه و يرزقني بولد الحلال

كنت ديما ندخل لمنتدى العرائس و نزيد في حوايجي و نستافد من أفكار العرائس و كنت نتمنى اليوم نتكتبلكم موضوع باركولي اليوم فاتحتي لكن للاسف أريد أن أقول لكم
أدعولي يرزقني بابن الحلال


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يا اختي العزيزة طيحتيلي الدمعة شهدي و استغفري برك و بشوي عليك حنونة ربي و رحمتو راه قال هكاك في لحظة زعاف برك علابالي بالي ميسمحش فيك مستحيل متتقلقيش انا ندعي ربي يكون من نصيبك هاذ السيد اللي حبيتيه و ربي يجمعك معاك في الحلال و في اقرب الاجال نشالله و تعياو عروس و عريس و حنا نزغرتو عليكم تفائلي بركوحاولي تلقاي حل انت و هو و متسمحيش فيه من اجل حاجة مكانش منها خلاص خلاص ومن رايي انا اتكلمي معاه و من بعد يعقبلك امو في التلفون زعما سقسي عليها قوليلها عجبكم الحال ولا لالا و قوليلها دخلتو قلبي و لا تهدر معاهم ماماك تسقسي على احولهم و اسكو وصلو بخير للدار يعني مع امو نقصد.اختي سامحيني ملقيتش غير هاذ الحل نمدولك نشالله تبشريني في اقلاب وقت باللي رجعو و تفرحينا
الله يهنيك حنونة

__________________________________________________ __________

>>>> الرد الثاني :

صحا حنونتي بصح ماخلاليش ماجال باش نحكي عمرو و ربي شاهد ما جرحني بكلمة و لا قاسني بصح اليوم تخلعت هو بعيد و ستراس عليه و زادو هوما تعرفي المرة الأولى مين ما حبوش دارهم بعدت عليه قتلو ربي قالنا ماتعصوش والديكم و انا مانقدرش نقولك اعصي والديك و بعدت عليه و ماسمحش بصح هاذ المرة عمرولو راسو بزاف و الله ما قدرت نرقد و ما عيط ما حوس عيطت بالبريفي لقيت الموبيل مبلع
تعرفي لوكان صح صرات و الله ماتغيضني عندي شهر و انا نوجد و انا نحوس باش نرضيهم بصح الله غالب
مانقدرش نقول لعايلتي او امي تعيط فالتيليفون انا تاني تهمني كرامة عايلتي و نبيع الدنيا كاملة على جال عايلتي
ادعيلي برك

__________________________________________________ __________

>>>> الرد الثالث :

صح عندك الحق بخصوص كرامة عايلتك حنونة ربي يكون معاك والله غير راني ندعيلك حبيبتي الزينة ربي يهنيك برك ونشالله تلقاو حل و ديري فبالكاذا يحبك والله ميسمح فيك حنونة خليه برك يتكالما و مبعد راه يعيط نشالله وتتفاهمو بالعقل بركهاذاك الزعاف اتوقعيه منو هو مسكين جا يفرح سمطوهالو الله يهنيك و نشالله نبقا نتابع اخبارك و الله تحيرت عليك ربي يجيب اللي فيه الخير برك هذا منقولو

__________________________________________________ __________

>>>> الرد الرابع :

المشاركة الأصلية كتبت بواسطة yasmina dz السلام عليكم كنت عجلانة على هاذ النهار وينتا يوصل و يا ليتهم لم يصل اليوم جاو أهل خطيبي لاتمام الخطبة خاطرش المرة الأولى حكاو غير في التيليفون فوت انا وياه بزاااااااااااااف عامين و حنا نحبو بعض و كي قررنا نتزوجو صراولنا مشاكل بزاااااااااااااف في أول من أهله ما حبونيش مين أنا بنت الغرب قالولي ديتي وليدنا هاكاك و قنعهم و ما سمحش فيا كي حلينا هاذ المشكل باننا مشكل آخر و هو أهلي قالولي بعيد و يخدم جادارمي راح تنغبني معاه بستة و ستين كشفة باش قبلولي المهم خططت انا وياه و حلمنا و بنينا بيت في الحلم و جبنا أطفال و سميناهم و قلنا و أخيرا تحقق الحلم اليوم جاو أهله لدارنا استقبلناهم احسن استقبال ( هو ماجاش خاطرش راه صطاج ) المهم ضيفناهم و امي احسنت معاملتهم المشكلة في زوجة عمي بقات تتفش فالهدر و طيحت بيهم كي شورو قالوله مانولوش بلعباس بعيدة و زيد طيحو بينا و الله العظيم و الله العظيم درتاهم فوق ريسانا بصح مرت عمي خلطت كلشي و هو عمروله راصه و قالوهاله عيطلي اليوم و قالي كلي مادرنا والو و قالي نسيني . قتلو اذا انت أمنت هاذ الشي و راك تقول بلي عايلتي طيحت بيكم ماكانش مشكل راح نبعد و قطعنا الاتصال . قصتنا كملت رغم اني بديت نوجد فالزهاج و شريت حتى ليكادو اللي راح نديهملهم وجدت كلشي بصح باطل علابالي بلي مانلقاش كيفو بصح ادعول و ربي يرزقو ببنت الحلال خاطرش طيب جدا و ادعولي ربي يصبرني على فراقه و يرزقني بولد الحلال كنت ديما ندخل لمنتدى العرائس و نزيد في حوايجي و نستافد من أفكار العرائس و كنت نتمنى اليوم نتكتبلكم موضوع باركولي اليوم فاتحتي لكن للاسف أريد أن أقول لكم أدعولي يرزقني بابن الحلال

يا ختي راني حاسة بيك...و علابالي بلي كي كنت تكتبي في هذا الموضوع كنت تبكي.....انا زادا كانت علاقتي بيه عام و 3 شهور و خططنا لكلش الله غالب انا مقدرتش انكمل ياماه و مرة خوه هبلوني نهار كامل و لماشاكل نتاعهم......يا ختي الحاجة الي بدات بالحس و لعياط او مايدير منها ربي والوا........انا زادا او جهازي واجادتو و كيما نتييا مام لي كادو وجدتهم....واش تحبي هادي هيا.....صاح الفراق صعيييييييييييييييييب و الله غير تاكويت منوا.....صعيييييييب بلبزاف بصاح الحمد لله جاز على خير و درك انا الى فسخت الخطوبة و عفست على قلبي دركا عندنا شهر و 15 يوم ملى تفارقنا.....صاح منكذبش عليك هو حتى لدرك او مازالو يحبني مي الله غالب.....
ماتخامي ماتكسري راسك ماتحيري والديك....سيغتو والديك اتهلاي فيهم....و ديجا ام عاندهم الحق غير جماعات العسكر مادوريش بيهم.....عاقليا زي خلاف ما اسيفيل.......
راني طولت عليك.....اسامحيلي.....نطلب من ربي العالي يرزقك ولد لحلال الي يناسيك في كلش وانا معاك مننساش روحي....هههههههه...
ربي يعوضلي و يعوضلك كل دقيقة بفرحة.........
ماتخمييييييييييييييييش ختي ربي يعايشك ....


__________________________________________________ __________

>>>> الرد الخامس :

المشاركة الأصلية كتبت بواسطة manina_dr صح عندك الحق بخصوص كرامة عايلتك حنونة ربي يكون معاك والله غير راني ندعيلك حبيبتي الزينة ربي يهنيك برك ونشالله تلقاو حل و ديري فبالكاذا يحبك والله ميسمح فيك حنونة خليه برك يتكالما و مبعد راه يعيط نشالله وتتفاهمو بالعقل بركهاذاك الزعاف اتوقعيه منو هو مسكين جا يفرح سمطوهالو الله يهنيك و نشالله نبقا نتابع اخبارك و الله تحيرت عليك ربي يجيب اللي فيه الخير برك هذا منقولو

و الله قد ما فرحت قدما قرحت كنت نستخايل فهاذ الليلة غير

انا فهمت امي قلتلها واش صرا و لعبتها كلي ماكان والو و انا قلبي يتحرق باش هكا مانزعفهمش و قللها ماتقولش لبابا اليوم خاطرش لوكان تقولو حتى و لوكان يحب يرجع بابا مايقبلش .

انا خليتها عليه المشكل نعرفو كي يتخض قرار مايرجعش فيه و شفت الطريقة اللي كان يحاكيني بيها كرهني و الله غير كرهني و انا مادرت والو