عنوان الموضوع : مشكلة تحرجني مشكلتي
مقدم من طرف منتديات العندليب


السلام عليكم

مشكلتي هي شواربي

شواربي كبار فوق الحد

كون تشوف فيا اول

حاجة تبان هي شواربي

و هذا هو المشكل نتاعي


لقيت مضايقات كبيرة من عند

الناس .. تخيلو في نهار كي نخرج نقرا

نسمعها من على الاقل 6 و لا 7 مرات

شواربك شواربك شواربك



و كل مرة كيفاه نسمعها
مرة بضحكة ومرة


باحتقار و ....... و..... كيما رام تشوفوا
في الوانها مختلفة



والله تعقدت منكذبش عليكم


والله كرهت حياتي و شكلي تماما

انا كن مسمعتش الهدرة الجارحة
والله معالابالي

بصح الناس مترحمش و
زيد حتى في ليكول

يعايروني نورمال
شواربك شواربك

ياما نزلت مواضيع
باه الناس تعاوني

مي يقولولي اقتنعي بمظهرك

ايه انا مقتنعة بيه بصح الناس
والله متخليك و تبهدلك

و تحشمك

وكاين لي قالي حرام

علاه الاحول كي يسقم عيينه حلال
و انا كي نقص في شواربي حراااااام


ياك في زوج فينا عيب و في
زوج نحسو بسخرية الناس


ــــــــــــــــــــــــــــــــــــــــــــــــــ ـــــــــــــــــــــــــــــــ

نزلت الموضوع باه تعاونوني
في البحث على كاش عشبة
تذوب الشحم على خاطكر
كي بحثت لقيت انها شحمة زائدة

ارجوكم عاونوني بلاك
تلقاو ولي يعرف اللغة الاجليزية يبحث

بيها على خاطرالربية مشكيتش لي تقلو


المهم لا داعي للكلام الجارح الله يحفظكم

يكفيني كلام

و سلامي لكم


و نشكر كل واحد قرا الموضوع حتى للاخر


اذا رديت ربي يحفظك

و اذا مرديتش ثان ربي يحفظك



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا اظن احسن حل هو انك تزوري طبيب مختص هو اكيد راح ينصحك با انسب حل يوالم الحالة اتاعك ربي يكون في عونك ان شاء الله وفي النهاية حبيت نقولك ومن منا خالي من العيوب حتى وان لم تكن خلقية تكون اخلاقية

__________________________________________________ __________

>>>> الرد الثاني :

ياختي حنا صح الناس نعيبو في المظهر مي المظهر خداع قادرا تكون واحدا شابة والاخلاق والو و الحمد لله على كل شيء ربي يكون معاك

__________________________________________________ __________

>>>> الرد الثالث :

ربي يوفقك و تلقاي الحل ان شاء الله و كل واح فينا و عيبوو

__________________________________________________ __________

>>>> الرد الرابع :

اختي ماتعمريش راسك بالناس
اللي مافيهاش عيب يخلقوه سيف

المهم انتي شوفي طبيب و اذا عندك الامكانيات ديري عملية تجميل

ربي معاك ماتتوسوسي ما والو عادي

__________________________________________________ __________

>>>> الرد الخامس :

ربي معاك اختي و انتي ماتعمري راسك ما والو و كيما قالو الاعضاء روحي زوري طبيب ولا شوفي مواقع طبية اكيد راح تكون فيها مثل هذه الحالة