عنوان الموضوع : عائلتي حياتي تم الحل
مقدم من طرف منتديات العندليب

السلام عليكم ورحمة الله وبركاته

مشكلتي هيا ابي نعم ابي بس قبل ما احكي حكايتي راح اطرح سؤال مدا لو جاءت بنت و قالك لابوها انت فيك عيب يعني اتوريلوو الغلط انتاعو مدا ردت الفعل كيف تكون
و هلاء راح احكي حكايتي انا عمري 19 سنة وومشكلتي هيا انوو ابي بخييل جداا وهدا يقلقني تخيلوو يمد لماما مصروف اشهر 3ملايين فيها كلشي يعني اكل لباس ... و ميحوسش يعرف ادا كفاتها ولا لالا هوا المهم ف بداية الشهر يمدلها الشهرية و ك يجونا الضياف تاني ميحيرش كامل يعني ماما هيا يلي تحير والله غير غايضتني بزااف و تاني هوا يعيد علينا يعني ميحكيش كامل معانا منجتمعووش غير ف الاكل هوا دائما قدام الميكروو بسكوو هوا كان يخدم بعدين يعني شهر ف الخدمة و 20 يوم ف المنزل وهوا هلاء ده تقاعد و وقتوو كامل قدام الميكروو ولا التلفاز ميحوسش علينا وانا انحوس يحكي معانا و يقصر ويضحك ووووو هوا يحبنا علبالي بصح هوا بطبعووو كتووم ميحكيش حابة انكونو اسرة مجتمعة و انخافوو على بعض ماشي كل واحد ف طريق و عندي اخي اصغر مني مصاحب اولاد ماشي ملاح تاني انقولوو عليهم ولا لالا قلت لماما عيطت عليه بصح مخطاهمش........
هل لي الحق ان اقولوو او لالا ارجوكم ساعدوني

والله غير كامل نحبهم و نخاف عليهم و انا ديما حنونة عليهم و نخاف عليهم




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعنى باباك يمد ليماك الشهرية وزيد بخيل مالا واش حابة باش ميكونش بخيل
وزيد باباك نتي تروحى تحكي معاه وتهتمي بيه وتشوفي كاش ما يحتاج لانو هو باباك ماشي العكس هو رباك بكري وتعب عليك درك انتي انتهلاي فيه
واذا حابة باباك يكون مليح لازم تبدلي تخمامك فيه
ربي يوفقك

__________________________________________________ __________

>>>> الرد الثاني :

ربي يصلح احوالكم..................

__________________________________________________ __________

>>>> الرد الثالث :

بففففففففففف قلقتيني حنونة بالسيف باش كملت قريت اهدري بلهجتنا
علاش تلعبو فيها كاش نهار شفتو المشارقة يعاندونا في الهدرة سبحان الله الافلام التركية ما خلاتلكمش
و البرجوع لمشكلتك العائلات الجزائرية كلها هكدا من ناحية الماديات و لا التواصل راو يدير فواش يقدر و امك لو شافتو مقصر ما تسكتش امالا اتلهاي في روحك و خلي يماك و باباك يدبرو راسهم راهم يعرفو واش لازم يديرو
و مام مع خوك خبري يماك و هي تعرف واش تدير

__________________________________________________ __________

>>>> الرد الرابع :

اييه العنو الشيطان يا ناس يعطيها شهريته وراكي تكومونتي واش حبيتو يديرلكم يقطع روحه ويعطيكم لحمه تاكلوه هذا اللي في مقدورو ونزيدك قليل الراجل اللي يعطي لمرتو شهريتو ويخليها تتصرف في امور الدار وعن علاقتك مع ابوك لا تلوميه ابدا بل تقربي منه وحني عليه وماعندك حتى حق تدخلي روحك في شهريتو والمصروف اللي يمدو لماماك هذاك ابوك ويدير واش يحب

__________________________________________________ __________

>>>> الرد الخامس :

و اللهِ حتى ظننتْ أن أهل المشرِق أصبحُوا يطرحُون مشكلاتهِم هنا

فقلت .. لم تكفي مشاكل أبناء البلد .. حتى إلتحقَ بنا هؤلاء !


حتى أستوعِب ما كتبتِ ، ربما لي عَودة .

فـ حقيقة لم أفهم قراءة موضوعك على أساس أني قرأتُه على حسْب

أوضاع المشرق أم أوضاع البلاد .!

هدانا الله و إياكُم

هلاء

معناها و الآن .. و أنا كنت أظن أنه إسم مذكر جديد

غُيرت العين غلى الهاء .

غريبة و الله !