عنوان الموضوع : دبرو عليا مشكلة
مقدم من طرف منتديات العندليب

السلام عليكم
انا أختكم في الله انا تزوجت في عمري 16سنة انجبت وعمري 18 جبت طفلة المهم عشت المرار مع راجلي المهم طلقت من عندو بعد ما طلقت تعرفت بواحد متزوج طحت فيه ومبعد ولا يقولي اخرجي انا مخرجتش محبيتش نوقع معه في الحرام قالي نجي نخطب ترددت ومبعد قتلو أرواح المهم جا خطب وفتح ورآه الحق الوقت اللي ندخل ليه وانا بنتي عندي وبابها بدا يدير في المشاكل قالي نحهالك بصح انا قتلو متجوزتش انا الرجال الزاوج لقيت فيه كل حاجة مليحة وحابتو وقلت الحاجة المليحة كامل هيا الحلال بصح انا بديت نوسوس قلت بالك راني غالطة قراري ماشي صح في الزواج قلت يجي نهار تقولي بنتي تزوجت تلومني وقلت بالك نفرت في الراجل نتمرمد في معيشتي وتكبر بنتي وتقولي انا مقوتلكش فرتي في حياتك على جالي وإلا كان عليا انا محتاجة راجلي في حياتي عمري 22سنة والوقت ميرحمش مانيش ندور على الحرام ريحوني راني حايرة



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شوفى اختى من حق زوجك يسترجعها احسن ما تتربي عند رجل غريب وخاصة ان البنت امانة
لا انكر حقك فى الزواج لكن الطريقة لم تكن سليمة حبيتى رجل ومتزوج ايضا
انصحك بالتفكير مليا فى الامر والتفكيرفى ابنتك وباذن الله تصلي الى قرار صائب
بصراحة لا اجد ما يقال اكثر من ذلك وان شاء الله تجدى الحل عند باقي الاعضاء
ربي يصلح احوالك وينور بصيرتك ويحفظ بنتك
موفقة

__________________________________________________ __________

>>>> الرد الثاني :

السلام عليكم، انا أرى ان لديك كل الحق في بدا حياتك من جديد و ابنتك من حق أبيها ان يرفض تربيتها مع رجل آخر ...

__________________________________________________ __________

>>>> الرد الثالث :

انا من رايي مازالكي صغيرة ادا تزوجتي تزوجي دوك و عاودي حياتك
و ادا على البنت هاداك باباها خليهالو يربيها خير من البراني
(بالاك راه يضغط عليك كي يعاود يتزوج مرتو تقولو رجعها ليماها )

__________________________________________________ __________

>>>> الرد الرابع :

السلام عليكم،
لو تعلمي أن إبنتك لا خوف عليها عند والدها فما المانع في ذلك،
بالعكس هكذا تتربى مليح ووالدها هو اللي يصرف عليها بلا مزية منو،
عكس زوج الأم في الغالب يكون قاسي شويا مع أولاد زوجتو،
قليل جدا جدا من يعاملهم على أنهم أولادو،
أنت صغيرة بزاااف وما زالت الحياة قدامك،
عيشيها في الحلال هذا أهم شيئ،
أما إذا علمتي أن زوجة والدها شريرة ولن تقبل بها،
فمن باب أولى محافظتك على بنتك،
ودائما شوفي زوجك الجديد إذا يقبل بيها،
ويعتبرها مثل بنتو،
هو إمتحان صعب حقا،
لكن مع الدعاء والتضرع لله،
سيصبح يسرا إن شاء الله،

ربي يوفقك لما فيه الخير.


__________________________________________________ __________

>>>> الرد الخامس :

روحي أتزوجي فهذا حق و الباقي على ربي و أقطعي العلاقة مع زوجك السابق و إذا إحتاج شيء فعليه ان يكلم الرجال من اهلك حتى لا يستطيع التلاعب بالكلام و الضغط عليك