عنوان الموضوع : خطيبي الاول والثاني مشكلة
مقدم من طرف منتديات العندليب

انا فتاة ابلغ من العمر 23 سنة قبل 3سنوات تعرفت على شاب 33 سنة بدات علاقتي به حيث كنت محاطة بهموم ومشاكل لا يعلم بها الا الله وكنت حقا طحتاجة الى شخص مثله بجانبي استمرت علاقتي به 3 سنوات حيث تقاسمنا الحلوة والمرة و اخلاص في حبي بكل معاني الاخلاص بالمرغم من بعد المسافة حيث كان مهاجر في فرنسا لكن ياتي 4 مرات في السنة لم اتصور ان اعي بدونه ولا هو يعيش بدوني علاقة حب صادقة ونظيفة كنا نحسد عليها حتى افرد اسرته يعرفونني قبل سنة اشترى منزل كان كل شي من اختياري كان يحظر للتقدم الى الوالدي الذي لم تشاء الاقدار ان يلتقي به لاسباب كثيرة أخرها وفاة والده وبعد سنة اي افريل 2015 اشترى خاتم واتصلت بي اخته لتاخذ موعد مناسب للمجي واتفقنا وكل شئ لكن قبل نزوله من فرنسا حدث شجار ادى الى انهاء علاقتي به وفي نفس الوقت تقدم لي شخص من عائلتي مغرم بي من ثلاث سنوات فكنت اهدده بان اقبل به واتركه فكان يقوللي ايه روحي اناايظا سوف اذهب لخطبة اخرى اجمل منك بسببي غيرتي وعنادي قبلت بالشخص الذي تقدم لي لكن المشكلة اني عندما اردت انهاء الخطبة ابي قالي وليد الناس مش لعبة وبعد 20 يوم عملي عقد قران وقالي كي ماتقبليش ندعيك بالشر لكن انا لحد اليوم لا استطيع نسيان الشخص الاول اما قريبي يعرف اني لا احبه لكن يحاول معي بكل الطرق بدون جدوى وهو قالي تسيبيني نقتل روحي انا خاوتي وليت نفكر في الانتحار لاني في مشكل عويص ومعقد الاول احبه والثاني ان تركته يذهب ضحية يوجد من اهلي من قالولي لوكان تسيبي قريبك يخرج فيك ربي مع العلم اني صارحتو بعدم حبي له ماعرفتش وش ندير انصحوني خايفة من الحرام


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الحيرة فالناس ألي يعرفو بلي ماهمش قابلين بيهم ويلصقو .....

__________________________________________________ __________

>>>> الرد الثاني :

لا يوجد حاجة اسمها اول وثاني خلاص تخطبتي كملي مع ثاني

هكذا رحا دمري روحك ودمري كل شيئ وزيد واش حابة تدخلي جهنم من ببها واسع

نحي من راسك فكرة انتحار وابداي خممي في حياتك

ابداي من جديد هذا انسان يحبك يعني راح يدير كل شيئ على جالك قدري حبه

وضورك تشوفي كيفاه تتبدل حياتك وزيد اعطيه فرصة كيما عطيتها للاول

وتوبي على روحك افضلك




__________________________________________________ __________

>>>> الرد الثالث :

السلام عليكم
شوفي اختي راح نقولك كلام ممكن مايعجبش لكنها الصراحة اخطئتي من الاول مشيتي ف علاقة غير شرعية و الكارثة اختي 3 سنوات بزاااااااااااااااف كان من المفروض يخطبك و تزوجتوا دا صح عينوا فيك
و زيد اختي كون جا هدا الشخص يحبك و باغيك ماشي من اول شجار او عقبة تصادفوا يبطلك اسمحيلي هدا ماشي راجل كان يلعب و ما بالك غدوة كي يتزج و مسؤولية البيت و الاولاد اما لا واش يدير اخطيك منوا
شوفي اختي اقبلي بالراجل التاني الي يحبك و حاولي تحبيه و تساي معاه الشخص الاول هدا هو الحل مكانش غيرو
و ربي يهديك وتوبي لربي و ارجعي لعقلك و نحي من بالك اانتحار راكي تتعاقبي غدوة عند ربي و ربي يفرج همك

__________________________________________________ __________

>>>> الرد الرابع :

تعرفي حاجة

والله العظيم مشفيتيني

__________________________________________________ __________

>>>> الرد الخامس :

السلام عليكم
يااااا اختي الله يصبرك و الي محيرني خطيبك الثاني انت تقولي له ما نبغيكش و هو لاصق
سبحان الله..لو انا مكانك نحاول ننسى الاول و نفكر في التاني خلاص هذا زوجك
ارضي بقدرك عسى يكون فيه خير لك و ما ادراك ان الاول راح تعيشي معاه مليح
ارضي بقدرك و فكرة الانتحار نحيها من بالك و استغفري كثيرا و ادعي الله لانه ارحم علينا من انفسنا
الله يهنيك و يفرج عليك و يفرح قلبك الصبر اختي
الله يعينك من بعض الردود