مشكلة حرمة تم الحل

[kamiliya]

عنوان الموضوع : مشكلة حرمة تم الحل
مقدم من طرف منتديات العندليب

السلام عليكم و رحمة الله و بركاته

هذه المشكلة حبستلي راسي و مالقتلهاش الحل ان شاء الله تقدرو تعاونوني

اتصلت بيا صديقتي المقربة و هي تبكي و من درجة البكاء ماقدرتش تهدر لانها

محطمة و حبيت نحكيهالك كيما هدرتلي بلاك نلقا عندكم الحل

قبل هذا من قبل اكتشفت بلي الوالد تاعها عندو عدة شرائح هاتف و بورثابلات

و يتكلم مع رجال على اساس فتاة سمعتو و كي حكاتلي قلتلها بلاك يهديه ربي و يفيق مع روحو

لكنه بقا غير يتمادى في مثل هذه التصرفات حتى انه عندو حسابات فالفايس باسماء بنات ؟؟؟؟؟؟؟؟؟؟

خاطي الصور الاباحية ,,, اسمحولي بصح هذه هي الحقيقة و تألمت بزاف كي تحكي و تبكي

حتى عجزت ندبر عليها لانو الوالد تاعها مش اي حد حتى انها تغيضها الوالدة تاعها كي تشوفو يهدر فالهاتف

تحطو راهو يخون فيها تقولي و الامر اكثر من ذلك يدير روحو طفلة و يهدر مع رجال و الام حاطة حاجة خلاف

و كاين حوايج بزاف غير هذو نوصلو للامر المهم و الكبير خلاص و كيما نقولو هنا و احبس


كي اتصلت بيا اليوم قالتلي الاب تاعها كي دخل للدار عيط للوالدة تاعها باه ينعتلها بعض المفروشات لتجهيز بنته

و عيط لبنتو باه تخير قالتلي نورمال دخل للفايس تاعو و كانو يقول مش سامع بيكم عادي

من وراها دخلت للفايس تاعو ربما تركه مفتوح او شافت كلمة السر قالتلي لقيت دواهي من الصدمة عادت غير

تبكي و هنا نوصلو لامر ما يصدقو ش العقل

دخلت للي ميساج فالفايس تاعو لقاتو يحكي مع شباب باسمها و قالتي حتى كاين شباب المنطقة ماقدرتش تتحمل

عيطتلي و نفسيتها منهارة خلاص وينها الحرمة ؟ يستعمل اسم بنتو في التحدث مع الشباب و ما خفي ربما اعظم

كثرت عليكم بصح هي منهارة و انا تبلوكيت مالقيت واش نهدرلها


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يا الــهي .......
الله لا تــربـــحو لا دنــيا لا آخــرة ....
ربـــي يتــولاه ....
حســـبي الله و نعــم الــوكيل .....

لـــمرا بعــد ربي سبــحانه ما يخاف عليها الا الـــوالد و الــوالد صـار ...........؟؟؟؟

ربي يســترها و يحفظها هاذي اذا بقات بعقلها يعطيها الصحة .....

*** زوج ظالم قلنا اصبري و احتسبي ... أخ لا يبالي قلنا اقتربي و ابحثي سر التحجر بقلوب اعز الاقرباء

بكن أب مثل هذا ؟؟؟ لا اعرف ما اقول لا هو أب و لا هو رجل و لا هو انسان ****
رحــمك الله يا أبي كم كنت رجلا و أبا و عظيما .... لا الـــه الا اللـه


__________________________________________________ __________

>>>> الرد الثاني :

المشاركة الأصلية كتبت بواسطة pgcd يا الــهي ....... الله لا تــربـــحو لا دنــيا لا آخــرة .... ربـــي يتــولاه .... حســـبي الله و نعــم الــوكيل ..... لـــمرا بعــد ربي سبــحانه ما يخاف عليها الا الـــوالد و الــوالد صـار ...........؟؟؟؟ ربي يســترها و يحفظها هاذي اذا بقات بعقلها يعطيها الصحة ..... *** زوج ظالم قلنا اصبري و احتسبي ... أخ لا يبالي قلنا اقتربي و ابحثي سر التحجر بقلوب اعز الاقرباء بكن أب مثل هذا ؟؟؟ لا اعرف ما اقول لا هو أب و لا هو رجل و لا هو انسان **** رحــمك الله يا أبي كم كنت رجلا و أبا و عظيما .... لا الـــه الا اللـه

لا يا اخي ادع له بالهداية حتى تقول لك الملائكة و لك بالمثل

__________________________________________________ __________

>>>> الرد الثالث :

الله يهديه الموف جد محرج يعن البنت ماتقدرش حتى تنصح اباها فموضوع كما هكا
ربي يهديهلهم

__________________________________________________ __________

>>>> الرد الرابع :

بالفعل نحن في زمن عجيب.
هذا ما هوش راجل و كلمة أب خسارة فيه.
لماذا نضع اللوم على الشباب و الشابات على انحرافهم اليوم و يوجد آباء مثل هذا.
كبير و جايح هذا ما أستطيع قوله.
ربنا لا تؤاخذنا بما فعل السفهاء منا.


__________________________________________________ __________

>>>> الرد الخامس :

مراهق كبيـــــــــــر

ربي يهديه

على صديقتكي مصارحة امها بالامر لانه شيء لا يجب السكوت عليه

استغفر الله العظيم لكن كل الخوف ان يتحول الامر من مجرد كلام في الهاتف الى متاجرة ببناته

عليها ان تصارح امها لانها ما زالت صغيرة على تحمل كل هذا لوحدها

فقط اختي رجااااااااااااااااااء احفظي سر صديقتك التي وضعت ثقتها فيك و لا تفشيه لأحد

و ربي يصلح الاحوال