عنوان الموضوع : تأنيب الضمير تم الحل
مقدم من طرف منتديات العندليب

السلام عليكم
عنوان مشكلتي تانيب الضمير
انا شاركت في مسابقة توظيف و تم رفض ملفي بسبب ليس لديا اقامة في تلك المنطقة و تقدمت بطعن الى هنا كل شيئ عادي ولاكن المشكل اني اكتشفت انوا كاين مترشحين من نفس منطقتي تم قبولهم هنا ذهبت للاستفسار مصدقونيش بلي كاين منها وهنيا انيا غلطت وعطيتلهم اسم شخص بعدما وعدوني انهم مايتخذوا حتي اجراء ضدوا و اكتشفوا بلي عندي الحق واكدولي بلي هذا الخطا في لاسيزي هنيا سماطلي كلش وحسين اني خائن و جاني تانيب الضمير وخفت يديروا اي اجراء ضذ هذا الشخص و يتحرم من المسابقة رغم انوا ماشي هو الوحيد نعرف ناس بزاف نفس حالتوا او انوا يسمع بلي انا مدتلهم اسموا
هنيا فشلت رغم اني كنت ناوي نصعد احتجاج تاعي و نوصلوا للوظيف العمومي لاكن كي نطقت باسم هذا الانسان فشلت ودوك اني حاير واش ندير ولوكان نتوما صرلكم نفس شيئ واش ديروا ولوكان جيتوا في مكان هذا الشخص كي تسمعوا واش درت واش تكون ردت فعلكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تسرعت يا أخي بزاااف يعني لوكان خبرتهم بكامل لي تعرفهم و لا ماتخبرهمش كامل أما ضرك و كي فات الحال شوف مع هاذ لي خبرت عليه و شوف كيفاش تطلب منو السماح اذا عرف بلي أنت سبابو و الا ماعرفش راه ربي سترك


__________________________________________________ __________

>>>> الرد الثاني :

ربي يسترنا

الحسد اول معصية في السماء واول معصية في الأرض

أنا شخصيا في حياتي حين أقابل شخصا وأكتشف فيه بذرة الحسد

الغيه تماما من القائمة

__________________________________________________ __________

>>>> الرد الثالث :

ما دير والو في راسك وهذا ما حسد ما والو يا خويا كل طير يلغا بلغاه حرام علاه واحد يقبلوه ولاخر لا هذي نورمال انا ولا اي واحد فينا يكذب لوكان يقول مانديرهاش متلعبوهاش ائمة ويا خويا هذا تصرف عادي ولوكان قاع يلومك الشخص قوله دير روحك في بلاصتي واش تدير

__________________________________________________ __________

>>>> الرد الرابع :

والله مشكلة
انا في مكانك ندعي ربي باش ما يديرولو والو
وندعي ربي باش يسترني من ان اكتشف
وما نعاودهاش مرة اخري


__________________________________________________ __________

>>>> الرد الخامس :

ربي يهديك خويا الواحد يطلب بحقو بصح موش هاك